Os grupos municipais
da oposición non reciben avisos nin notificacións de inauguracións e actos, no
que consideran unha burda estratexia por parte do Partido Popular, para que teñamos
polo menos a posibilidade de decidir sobre a súa participación ou non.
Vilagarcía de Arousa, 10 de maio de 2012.- Os portavoces
dos grupos políticos da oposición do Pleno de Vilagarcía, Tania García (PSdeG),
María Villaronga (BNG) e Juan Fajardo (EU), coincidiron hoxe en valorar como
“insultante” o que consideran unha estratexia burda e infantil da Alcaldía, o
non dar traslado aos concelleiros dos seus grupos, como representantes da
cidadanía que son, dos anuncios de actos, inauguracións, exposicións, etc. que
se celebran en Vilagarcía. Desta maneira, os representantes dos grupos de
esquerda vense limitados para acudir a moitas destas actividades, pois
entéranse a posteriori a través dos medios de comunicación ou incluso a través
dos propios protagonistas dalgúns actos que constataron a súa ausencia.
Os portavoces da
oposición queren lembrarlle ao Alcalde que a maior parte das asociacións,
colectivos ou persoas que transmiten ao Concello invitacións a un acto, o está
facendo a toda a Corporación, como representantes públicos. Esta situación é
máis grave no caso daquelas actividades organizadas polo Concello, xa que
resulta absurdo que unha institución que organiza un acto non o comunique a
varios dos seus membros. Furtar esa representatividade e ocultar información
parece unha conduta propia de actitudes de carácter máis ditatorial que
democrático, tanto polas persoas representadas como por aquelas que desexan que
os concelleiros e membros dos distintos grupos políticos ou participen nos
actos.
En todo caso
quizáis sería máis recomendable aínda , vendo certas actitudes de quen
formalmente acoden a tales actos en representación do Goberno Municipal,
chegando tarde, anunciando a presenza dalgúns membros que logo non asisten ou
co total descoñecemento das actividades nas que inteveñen. Dende este punto de
vista, podería estar tranquilo o Alcalde, xa que os membros dos grupos
políticos de PSdeG, BNG e EU saben exercer a súa representación, non chegan
tarde aos sitios, non se aglutinan nas beirarrúas sen deixar pasar e entran aos
locais ordeadamente en fila de a un.