ALEGACIÓNS Á ORDENANZA DE TERRAZAS

Os socialistas presentan alegacións á Ordenanza de terrazas que consideran inconcreta e excesivamente permisiva

Na rúa Castelao, cunha anchura de quince metros, poderíanse ocupar máis de trece metros con mesas e cadeiras

Os socialistas, debido a actitude absolutista do Goberno do PP, teñen poucas esperanzas de que sexan admitidas as súas alegacións

Vilagarcía de Arousa, 29 de febreiro de 2012.- Os socialistas veñen de presentar alegacións á Ordenanza reguladora da actividade de ocupación de terreos de uso público con mesas e cadeiras. Esta Ordenanza que foi aprobada na súa fase inicial, atópase na fase de presentación de alegacións, antes da súa aprobación definitiva. As alegacións do Grupo municipal do PsdeG-PSOE refírense, por unha banda, á superficie a ocupar polas terrazas nas rúas peonís. A única condición que se recolle nesta Ordenanza é a obrigatoriedade de deixar un espazo de 1.8 m, sen ter en conta a anchura das rúas. Tendo en conta esta redacción, en rúas coma Castelao, dunha anchura de 15 metros, as terrazas poderían chegar a ocupar ata 13.2 metros. A proposta dos socialistas recolle a obrigatoriedade de deixar o libre o 40% da superficie a ocupar, nas rúas de máis de oito metros. “Os socialistas- sinalou Tania García -no noso modelo de cidade, consideramos que as rúas son para disfrute dos veciños e para compaxinar os distintos usos das mesmas. Consideramos ademais que esta permisividade poder perxudicar a outros colectivos, coma os comerciantes, que verán mermada a accesibilidade e a visibilidade dos seus locais e mesmo aos veciños para acceder as súas vivendas”.

A outra alegación que presentan os socialistas é referida á controvertida colocación das mamparas, “a ordenanza debe definir que a tipoloxía destes elementos ten que estar autorizada pola normativa do Plan Xeral de Ordenación Municipal. As mamparas que están colocados actualmente non se axustan a esta normativa”.

Estas medidas, consideran os socialistas, deben quedar ben recollidas no texto da Ordenanza. “De nada nos sirve unha Ordenanza que volve a permitir que as mesas e cadeiras ocupen a meirande parte das rúas peonís e que non recolle cal é a tipoloxía de mampara a instalar”.

O Grupo Municipal do PsdeG-PSOE fai un chamamento ao diálogo ao Goberno do Partido Popular para consensuar unha redacción máis axeitada da Ordenanza, aínda que con poucas esperanzas. “Non tiveron en conta as propostas feitas aos novos Estatutos da Fundación de Deportes, que só buscaban unha maior participación de colectivos e clubes. Fixeron caso omiso á proposta feita polos socialistas para o orzamento municipal, que implicaba un incremento na partida de Servizos Sociais e unha diminución nas partidas de alumeado público e limpeza. O mesmo éxito obtivemos cos novos Estatutos de FEXDEGA, presentamos unha enmenda para salvargardar os intereses de Vilagarcía, e nin a escoitaron. Poucas esperanzas nos quedan aos socialistas sobre o ánimo deste Goberno para chegar a acordos”. Os socialista salientan, unha vez máis o cambio radical do Partido Popular dende que goberna en colación con IVIL, “a maioría absoluta subíuselles á cabeza, actúan coa prepotencia de quen se cre coa verdade absoluta, a dinámica que está a coller este goberno é perigosa, apartando, dun xeito antidemocrático, ao resto dos grupos da corporación da vida municipal e da vida pública”.

DISCURSO DE FÉLIX GONZÁLEZ CONCENTRACIÓN EN APOIO AO XUÍZ GARZÓN

Bos días a todos e a todas, e gracias por estar aquí.

Esta concentración é ben certo que foi convocada por unha organización política, pero non pretende capitalizar nin monopolizar un sentimento que é cidadán, e que cidadán debe seguir sendo. A nosa vontade é servir de plataforma para que este de hoxe sexa un berro dos veciños e veciñas de Vilagarcía, unidos aos de tantos pobos e cidades que nestes días alzan a súa voz ante o que consideran unha grave ferida no sistema democrático e de libertades no que supostamente vivimos.

Estamos aquí para manifestar a nosa repulsa polo que consideramos unha decisión que non soamente é inxusta, aínda que paradóxicamente proveña do ámbito da Xustiza, senón que é unha decisión intolerable dende a conciencia dunha sociedade que se considere libre e de progreso. A condena e inhabilitación ao xuíz Baltasar Garzón é difícilmente explicable dende todos os puntos de vista. Xurídicamente, reina a confusión sobre a base legal e a fundamentación para poder adoptar a decisión que foi tomada. Pero por enriba de eso, esta condena supón unha imaxe de freno e de rexeite ante un xuíz que afrontou varios dos grandes problemas deste país que necesitaban maxistrados valentes e decididos. Foi Garzón, e non os que nestas últimas semanas foron os seus xuices, quen estivo aquí ao noso lado combatendo a lacra do narcotráfico con valentía e decisión. Foi Garzón, e non os que nestas últimas semanas foron os seus xuíces, quen utilizou a xustiza para xulgar a un dictador como Pinochet e para tentar de reparar un dano histórico coas víctimas do franquismo deste país. Foi Garzón, e non os que nestas últimas semanas foron os seus xuices, o que afrontou decidido unha trama de corrupción de dimensións faraónicas. Incomprensiblemente, de todo este último proceso, mentres os corruptos están libres, o xuíz está condeado. ¿Qué imaxe queremos transmitir? Da a sensación de que a condena de Garzón non foi unha decisión tomada pola xustiza, senón polo poder político dominante.

Non é esta unha declaración que lle falte o respeto á xustiza, senón o contrario. Polo profundo respeto que temos ao noso sistema xudicial, e pola imperiosa necesidade que sentimos de que funcione libre de ataduras, de que afronte unha reforma que o democratice e de que sexa representativo da xustiza real, manifestámonos hoxe. Porque a legalidade non pode atropelar bruscamente á lexitimidade. Confiamos nas recusacións que se farán á condena que se lle impuso ao xuiz Baltasar Garzón e aspiramos a unha xustiza que afronte a realidade dende a rúa, non dende os interesados despachos.

Por unha xustiza xusta. Por unha xustiza real. A favor dun estado libre e democrático. Onde os xuíces que poñen a xustiza ao servizo da dignidade dos cidadáns non sexan xulgados por elo. Para que paguen os culpables, e non os que os investigan.

Gracias a todos e a todas.

Os socialistas reúnense coa Asociación de Hostaleiros AHITUVI para consensuar as alegacións á futura Ordenanza das terrazas

Vilagarcía de Arousa, 09 de febreiro de 2012.- Os concelleiros do Grupo Municipal socialista, Tania García e Lino Mouriño, mantiveron unha xuntanza esta pasada mañá con representantes de AHITUVI para coñecer de primeira man a súa valoración da Ordenanza de Terrazas aprobada, na súa fase inicial, no pleno do pasado decembro.


Os hostaleiros trasladáronlle aos socialistas o seu hastío por levar máis de dous anos traballando nunha ordenanza que segundo os socialistas, seguen sen ter concreción en aspectos tan importantes como a colocación e a tipoloxía de mamparas que poden ubicar nos seus establecementos e cales son os requisitos que establece o PXOM sobre as anclaxes ao chan e as fachadas, así coma a superficie a ocupar polas terrazas nas rúas peonís de máis de oito metros. “A ordenaza anterior recollía que nas prazas e rúas peonís de máis de oito metros, a superficie a ocupar non podía exceder máis do 40% das mesmas, na actual ordenanza a única limitación que se establece nas rúas, independientemente da súa anchura, é o de deixar sen ocupar 1.80 m. Con esta nova ordenanza en rúas coma Castelao a superficie ocupada polas terrazas podería chegar ás tres cuartas partes da rúa”. Os hostaleiros, comparten cos socialistas que esto merece unha corrección na Ordenanza, “as rúas son tamén para os viandantes, os comerciantes, etc. e temos que garantir a accesibilidade e os distintos usos das rúas, concluírons os socialistas e os representantes de AHITUVI”

Para debatir estes temas e redactar unha ordenanza “que se axuste o máis posible ás necesidades de todos” os hostaleiros incidiron na necesidade dunha xuntanza co Goberno e cos técnicos municipias “antes de aprobar unha ordenanza que deixa na ambigüedade os temas máis importantes”.

A nova Ordenanza está actualmente na fase de exposición pública e no momento de presentar alegacións. Os socialistas teñen previsto presentar nos vindeiros días as pertinentes alegacións á nova Ordenanza. “Tiveron motia presa en presentar a nova ordenanza, pero deixaron sen concretar os temas máis importantes tanto para os hostaleiros como para o resto dos cidadáns. Un exemplo máis da mala xestión do Goberno municipal, sacar adiante propostas ineficaces e xustificar que fan algo.”