RESULTADOS DAS ELECCIONS MUNICIPAIS 2011

Tras as votación do 22 de Maio, o Pleno do Concello de Vilagarcía queda composto da seguinte forma: 

PP: 10 concelleiros
PSOE: 5 concelleiros
BNG: 3 concelleiros
IU: 2 concelleiros
IVIL: 1 concellerio

A vista desta composición non queda máis que felicitar o Partido Popular polos seus resultados. Agradecemos a confianza dos votantes que elixiron PSOE como a súa opción política e sobre todo agradecer o esforzo a todos/as os/as compañeiros/as que colaborastes nesta campaña. Agora ábrese un perído de reflexión no que todos e todas debemos estar abertos o diálogo para aprender dos erros do pasado e así non volver a cometelos no futuro. Queda por diante un novo tempo de traballo donde desempeñaremos unha oposición constructiva, firme cando a situación o requira e aberta ao diálogo cando sexa necesario polo ben de Vilagarcía xa que o fin e o cabo ese foi e será sempre o noso obxectivo, conseguir unha Vilagarcía mellor cada día.

Un saúdo socialista

POSE: “VILAGARCÍA É UN BARCO QUE TEN O RUMBO FIXADO, UNHA BOA TRIPULACIÓN E, MODESTAMENTE, UN BO CAPITÁN. TEÑO SENSACIÓNS POSITIVAS”

“O noso programa fala de cousas que importan ao cidadán, que lle cambian a vida: garderías, un centro de día ou unha idea clara para mellorar o tráfico”

O coordinador de campaña, Julio Torrado, ten “bos presentimentos” para o domingo e destaca de Pose que “ve a política como un servizo á cidadanía”

Vilagarcía de Arousa 20 de maio de 2011.- O candidato á alcaldía de Vilagarcía polo PSdeG-PSOE, Modesto Pose, e o coordinador de campaña, Julio Torrado, ofreceron este mediodía unha rolda de prensa para facer un balance final da campaña electoral. Torrado, que foi o primeiro en intervir, asegurou que ten “moi bo presentimento” de cara aos comicios que se celebrarán este domingo.

“A nosa campaña baseouse na idea de chegar a todo o mundo. Reunímonos con sindicatos, empresarios, colectivos sociais, entidades e asociacións de todo tipo. Visitamos as asociacións veciñais e parroquias de Vilagarcía dende hai meses”. O coordinador socialista destaca a súa intención de “dar a coñecer o contido do noso programa e a nosa lista, que é moi boa. Hai outras opcións que non teñen unha idea clara de Vilagarcía, nós si”.

Sobre a figura de Modesto Pose subliñou “o desfrute que supuxo traballar ao seu carón” e a súa condición de candidato “que ve a política como un servicio ao cidadán”. “Ten facilidade para moverse nas administracións autonómica e estatal e xestionar con elas grandes proxectos, aínda que é algo caótico”, comentou con humor. Torrado concluiu afirmando que “incluso algún rival político ten recoñecido que con Modesto Pose o pleno municipal de Vilagarcía gañará en nivel político”.

Pola súa parte, o candidato do PsdeG falou da súa campaña como “sinxela, sen parafernalias. Tivemos algo que comunicar á cidadanía e o fixemos ben. Teño unha sensación moi positiva, que é o mesmo que me trasladan moitos veciños, simpatizantes ou non do Partido Socialista”.

“O barco que é Vilagarcía xa ten un rumbo fixado, unha boa tripulación e, modestamente, un bo capitán”, dixo Pose Mesura en referencia a el mesmo e o seu equipo. “O noso proxecto fala de cousas que lle importan ao cidadán, que lle cambian a vida ás persoas: garderías, un centro de día ou un plan de mobilidade serio para mellorar o tráfico”.

Pero tamén fixo referencia ao seu principal rival nas urnas, Tomás Fole. “Tivemos a inesperada fortuna de contar coa debilidade do PP, que comezou a campaña co seu programa 15x15 e acabouno co 0x0, todo moi chupi guai pero nada solvente”.

Facendo un pequeno resumo da súa impresión dos diferentes rivais nas urnas, Pose comentou: “Os nacionalistas son serios, sensatos e respetables, pero eu non son nacionalista. EU ofrece recetas simples a problemas complexos, demostrando que son uns indocumentados políticos e caendo no infantilismo esquerdista. O PP debía ofrecer unha alternativa seria e conservadora, pero acabou sendo soamente chupi guai lúdico deportiva. Hai electores conservadores que se sinten orfos de candidato, pois ven en Fole a un líder insolvente e sen rigor nin peso específico para ser alcalde de Vilagarcía”.

O socialista fixo un “chamamento á participación” o 22-M. “Cada persoa ten unha opinión diferente do que é o voto útil. Eu só digo que nós gobernaremos para todos, sen sectarismos, con rigor e seriedade”.

MODESTO POSE APOIA AO COMERCIO LOCAL, “QUE XERA EMPREGO EN VILAGARCÍA”, CONTRA “AS POLÍTICAS DE GRANDES SUPERFICIES DO PP”

O candidato socialista percorreu as rúas do centro urbano para presentar o seu programa aos comerciantes e hostaleiros e remarcar o seu compromiso con eles.

Destaca a importancia de peatonalizar as rúas vilagarciás para fortalecer a imaxe humanizada da cidade, que xa beneficia ao pequeno comerciante.

Vilagarcía de Arousa 19 de maio de 2011.- Modesto Pose percorreu esta mañá as rúas do centro de Vilagarcía para manter un contacto directo cos comerciantes e hostaleiros e insistirlle no compromiso do Partido Socialista para cos autónomos, “que xeran emprego en Vilagarcía”, en contraposición coas “políticas de grandes superficies que alenta o PP e que non traen actividade nin emprego á localidade, pero si fan a competencia aos comercios do centro, que son os que sosteñen a economía local”.

Segundo Pose, unha das medidas principais que os socialistas impulsaron, sempre co rexeitamento dos conservadores, foi a da peatonalización das rúas do casco urbano, comezando por Rey Daviña, á que seguiron numerosos viarias que, aínda hoxe, están a experimentar un profundo lavado de cara para presentar un aspecto mellor e máis humanizado. Isto non só beneficia á imaxe da cidade, senón que, directamente, serve para facer máis atractivos os negocios que teñen o seu local nestas rúas.

Dende hai dous anos, os socialistas veñen liderando esta proposta que cada día que pasa é aplaudido por máis veciños e autónomos, os cais recentemente incluso celebraron a inauguración dunha das rúas peatonalizadas.

Esta satisfacción foi a mesma que trasladaron a Modesto Pose os comerciantes durante a toma de contacto do candidato coa rúa. O socialista garantiu que o compromiso do seu partido seguirá na mesma liña, aumentando á súa vez as prazas de aparcamento disuasorias para evitar atascos no centro e permitir que a cidade vaia liberándose cada día que pasa dos coches, gañando os peóns o protagonismo absoluto nas rúas. “Este modelo de cidade, que os socialistas defendemos e levamos a cabo ten, entre outras moitas intencións, o obxectivo de favorecer a actividade económica no comercio local”, remarca Pose.

POSE ACORDA CON RUBALCABA O COMPROMISO DE REUNIRSE DESPOIS DAS ELECCIÓNS PARA ACELERAR A CONSTRUCIÓN DO NOVO CUARTEL DA GARDA CIVIL

O candidato socialista asistiu onte ao mitin de Vigo, no que se encontrou co vicepresidente do Goberno e ministro de Interior

O proxecto, xa deseñado e presentado, contempla a creación dunha nova sede do Instituto Armado no barrio do Piñeiriño, moderna, funcional e mellor comunicada

Vilagarcía de Arousa 18 de maio de 2011.- O alcaldable socialista vilagarcián, Modesto Pose, asistiu onte ao mitin do PSdeG en Vigo, no que mantivo un encontro informal co vicepresidente primeiro do Goberno e ministro de Interior, Alfredo Pérez Rubalcaba. Durante este encontro, o Pose Mesura conseguiu o compromiso de Rubalcaba de que, unha vez pasadas as eleccións do vindeiro día 22, ambos se volverán a reunir para acelerar os trámites de construción do novo cuartel da Garda Civil no Piñeiriño.

A actual casa cuartel do Instituto Armado en Vilagarcía está obsoleto, e por iso Interior proxectou hai un par de anos a construción dunha nova sede, pero tivo que deterse por mor do recorte orzamentario da Administración Central debida á crise económica. Agora, Pose está convencido de que se recuperará de inmediato, aproveitando a saída deste período de recesión.

O edificio estará emprazado nunha finca do Piñeiriño que o Concello cedeu ao Estado a cambio do edificio da antiga Comisaría de Policía, na rúa Castelao. O complexo do Piñeiriño será máis grande, moderno e mellor comunicado que o actual, que pasará a quedar a disposición de Interior para outros usos. A proximidade do novo enlace do Porto coa Autopista (circunvalación sur) e, por conseguinte, coa Vía Rápida vilagarcía-Cambados e a circunvalación norte,

permitirán que a Garda Civil poida acudir alí onde se requira a súa presenza en menor tempo. Ademais, garantirá unhas condicións de vida e traballo moito mellores que as que cubre o actual cuartel situado en San Roque.

Pose e Rubalcaba coincidiron onte no mitin central do PSdeG en Vigo, celebrado no Auditorio do Berbés, e no que os dous políticos quixeron apoiar a candidatura de Abel Caballero, que aspira a reeditar o seu mandato na cidade olívica.

MODESTO POSE COMPROMETE O SEU “APOIO A TODOS OS EVENTOS CON IDENTIDADE CULTURAL PROPIA DO MUNICIPIO”

Reuniuse cos organizadores do Festival do Norte e Revenidas para escoitar as súas necesidades e suxerencias e expoñerlle as liñas de actuación dos socialistas

A idea é democratizar as propostas culturais levándoas a todas as parroquias de Vilagarcía e apostar por promocionar as expresións artísticas dos creadores locais

Vilagarcía de Arousa 17 de maio de 2011.- O alcaldable socialista vilagarcián, Modesto Pose, mantivo cadansúa reunión cos organizadores do Festival do Norte e Revenidas, dous dos máis destacados eventos musicais que se celebran cada ano en Vilagarcía, para escoitar aos seus responsables, tanto no apartado de suxerencias como no de necesidades e demandas. O candidato do PSdeG tendeulles a man a ambos colectivos e remarcou o seu firme propósito de apoiar “a todos os eventos con identidade cultural propia do municipio”.

Á súa vez, Pose Mesura explicoulle as liñas principais do programa cultural socialista de cara aos vindeiros catro anos de mandato municipal. Estas pasan, en esencia, por democratizar a oferta cultural, descentralizándoa do Auditorio Municipal, que actualmente é o que acapara a meirande parte dos eventos culturais de relevancia local. Deste xeito, os residentes nas diferentes parroquias do municipio poderán gozar dos actos culturais sen ter que desprazarse necesariamente ao Auditorio que, non obstante, seguirá a ser o epicentro da programación vilagarciá.

Por outra parte, os socialistas están interesados en levar á rúa as propostas artísticas protagonizadas por creadores vilagarciáns ou que producen a súa obra na nosa cidade, para que estes traballos sexan coñecidos pola cidadanía, á vez que se potencia considerablemente a oferta musical e de ocio no municipio.

Na actualidade, Vilagarcía é un referente en eidos como o musical, cunha escola de música (con 537 alumnos a día de hoxe) e o conservatorio (180) e Modesto Pose quere ir máis alá e permitir que este viveiro de artistas teña a posibilidade de exhibir o seu talento ante os seus conveciños, algo que serviría tamén para facer máis atractivo o paseo polos lugares máis emblemáticos da cidade.

Pero ademais de levar á rúa as expresións culturais, o PSdeG apostará por recuperar o salón de actos da Casa da Cultura de Rey Daviña, que actualmente ten funcións de salón de lectura. Para iso, creará unha gran biblioteca no edificio do actual Anexo, nos Xardíns do Doutor Fleming. Con isto, Vilagarcía volvería a dispoñer dun escenario emblemático para obras de teatro e actuacións musicais.

TANIA GARCÍA ENTENDE QUE O MITIN DO PP “CARECESE DE IDEAS, POIS AS SÚAS 15X15 DIVÍDENSE ENTRE XENERALIDADES E PROPOSTAS ABSURDAS”

A número tres do PSdeG considera “sintomático” que as cartas de propaganda dos conservadores inclúan a Feijóo e a Rajoy e non ao candidato Tomás Fole

“A maioría dos militantes do PP ven a conta atrás da súa sede como os días que lle quedan a Tomás Fole para ser defenestrado polos seus superiores”, explica

Vilagarcía de Arousa 16 de maio de 2011.- A número tres da lista electoral do PSdeG de Vilagarcía, Tania García Sanmartín, considera comprensible que o mitin do PP do pasado domingo na Peixería “carecese de ideas, pois o programa 15x15 divídese entre xeneralidades asumibles por calquera forza política e propostas absolutamente absurdas. Unha boa mostra do descoñecemento total que ten o candidato do PP da realidade vilagarciá. Eles mesmos son conscientes disto e así se corroborou no mitin”.

Para Tania a “promesa incumprida” da ampliación do Hospital do Salnés é unha “falta de respecto á cidadanía”, aínda que “algo habitual para un PP que vive instalado na mentira”. “É realmente lamentable que o señor Fole basee o seu discurso en calumniar ao PSOE, pero os vilagarciáns xa temos asumida a súa aridez de ideas”, insiste.

“A ampliación do Hospital xa a prometeu a Xunta de Galicia en 2009 e seguimos a esperar, ao igual que sucede coa promesa de Núñez Feijóo de que acabaría co desemprego en Galicia nun prazo de 45 días. Xa pasaron dous anos”, explica Tania ao referirse ao presidente da Xunta, que tamén participou no mitin dos conservadores.

Ao marxe do acto da Peixería, a número tres do PSOE tamén comenta o “curioso caso” das cartas do PP con publicidade electoral. “O feito de que nestas misivas saian falando Feijóo e Rajoy e non apareza Tomás Fole, que é o candidato local, é unha clara mostra de falta de confianza do seu partido nas súas posibilidades electorais”.

“O certo é non ven a Fole como unha aposta firme á alcaldía vilagarciá. Lóxico dada a súa nefasta xestión á fronte do Ipespo”. “A maioría dos militantes do PP asumen a conta atrás da ventá da sede do PP como os días que lle quedan a Fole para ser defenestrado polos seus superiores”, conclúe Tania García.

POSE ASEGURA EN CARRIL QUE GOBERNARÁ “PARA TODOS” E PIDE “Á XENTE DE DEREITAS QUE SE DECATE DE QUE FOLE NON APORTA IDEA NINGUNHA”

O socialista pide a Rafael Louzán “que non dea leccións de ética, faga público o seu patrimonio e explique a qué se dedicaba antes de entrar en política”

Susana Camiño pediu o voto aos seus veciños para “seguir facendo que Carril sexa a envexa de Vilagarcía e de Arousa” e prometeu a reforma da Alameda e o colexio

Vilagarcía de Arousa 15 de maio de 2011.- O candidato do PSdeG-PSOE á alcaldía de Vilagarcía, Modesto Pose, e a número cinco da lista, Susana Camiño, ofreceron este mediodía un mitin na praza da Liberdade de Carril, o primeiro acto tralo mitin central de onte. Ao evento asistiron preto de 100 veciños interesados en coñecer a proposta de goberno do Partido Socialista.

A primeira en intervir foi a actual concelleira de Educación, Limpeza e Medio Ambiente, a carrilexa Susana Camiño. “Levo catro anos pelexando e loitando polo meu pobo. Puxen o meu número de teléfono a disposición de todo aquel que tiña un problema que eu lle puidera axudar a solucionar. Agora pídovos que sigades confiando en nós para os vindeiros catro anos”, comentou.

“Queremos que Carril siga a ser a envexa de toda Vilagarcía e da ría de Arousa, que di que a nosa localidade é unha das máis fermosas de Galicia”. Para afondar neste obxectivo do que Susana Camiño responsabilizou en boa parte aos 20 anos de goberno socialista, a concelleira puxo enriba da mesa dúas melloras que farán de Carril un lugar máis cómodo para os seus veciños. A primeira é a prometida reforma integral do colexio Rosalía de Castro, que é un dos piares do programa electoral do PSdeG en materia de educación. A segunda é a modernización da Alameda, para a que asegurou que xa solicitaron

a Portos de Galicia o permiso para poder traballar nela e así dotala de xogos infantís renovados.

Pero tamén quixo desmarcarse da forma de facer política do PP. “Non vos fiedes deles. Sempre que chegan as eleccións prométenvos ás mariscadoras que vos van regalar os Permex. Iso é mentira. Nunca o fan e non lles importa xogar con vós para gañar votos. Nós si que traballaremos para demandarlle á Xunta que se amplíe o número de permisos de marisqueo”.

Pola súa parte, Modesto Pose comezou criticando ao presidente da Deputación, Rafael Louzán, ao que acusou unha vez máis de “non facer nada nin por Carril nin polo resto do municipio”. Pose esixiu ao popular que “non dea leccións de ética a ninguén porque non é o máis indicado” e reclamoulle que “faga público o seu patrimonio e explique a qué se dedicaba antes de entrar en política”.

O candidato do PSdeG recoñeceu que “en Vilagarcía quedan cousas por facer, pero tamén hai moito feito” e incidiu na importancia de que dentro de moi pouco tempo o municipio “estea a 15 minutos de Compostela en tren, o que permitirá potenciar moito o turismo. E niso Carril e Cortegada teñen moito que dicir. Reforzaremos a nosa aposta pola illa e defenderemos un modelo de turismo sostible”.

Para finalizar, Pose dirixiuse á xente “de dereitas, que sempre din que Carril é conservadora. “Pídolles a vostedes que se atopan unha soa idea concreta no programa do PP, os voten, pero Fole non está á altura das circunstancias para que unha persoa seria o vote. Prometo que nós gobernaremos para todos, con rigor e sentido común. O día 22 non se vota nin a Zapatero nin a Rajoy”.

El PSOE une todas sus fuerzas para conseguir que el próximo gobierno de Ravella sea socialista

Mitín central de campaña celebrado ayer en la plaza de la pescadería con el respaldo del Ministro de Justicia, Francisco Caamaño.

El PSOE de Vilagarcía quiso dejar claro ayer que “somos un equipo confiable, coñecido e con sentido común”. Ayer no hubo sitio para los llamados sectores crítico y oficialista. José Recuna, Joaquín Javier Gago y Dolores García (los anteriores alcaldes socialistas en Ravella) no dudaron en subirse al estrado para arropar al nuevo candidato a seguir al mando de la capital arousana, Modesto Pose. Lo hicieron al final, entre gritos de “Modesto alcalde, alcalde “ y “ista, ista, ista, Vilagarcía es socialista”. Antes el alcaldable, con una incipiente afonía, desgranó una por una todas y cada una de las propuestas del programa electoral con el que pretende un “goberno de continuidade que repercuta no beneficio das personas, sexa cal sexa a súa cor política”.Y es que Modesto Pose tuvo palabras para todos sus rivales políticos. Al candidato del Partido Popular, Tomás Fole, lo acusó de “descoñecer a realidade de Vilagarcía” y de no haber visitado nunca el embalse de Castroagudín porque “se o coñecese non proporía unha praia fluvial nin facer esquí acuático”.
Pose no solo dirigió su discurso a aquellos socialistas de corazón que lo votarán en los comicios del domingo, sino también a aquellos “conservadores de convición que non poden apostar por un alcalde (refiriéndose a Tomás Fole) que non os vai escoitar senón que teñen que votar por alguén non sectáreo e que os vaia escoitar”.
El PP no fue el único objeto de las críticas del PSOE. Pose también se refirió al equipo de Izquierda Unida liderado por Juan Fajardo haciendo referencia a que “non toda a esquerda é igual e eles, tendo a oportunidade de entrar no goberno hai catro anos, non o fixeron poñéndose en moitas ocasións do lado do Partido Popular”. El candidato de la agrupación del puño y de la rosa advirtió además que “a política non sei fai co primeiro que nos vén á boca”.
Las únicas palabras amables del PSOE fueron hacia los nacionalistas sabedor de que, si el PP no alcanza los 11 concejales, es previsible que tengan que volver a formar un bipartito en Ravella. Aplaudió su “evolución democrática aceptable” y su “sensatez” como socio de gobierno porque “o resto dos votos teñen que ir para alguén”.
Sin embargo, cabe destacar que los principales ejes del discurso de Modesto Pose fueron aquellos referentes al programa adaptado, según él, “a unha época difícil e donde ten que primar fundamentalmente a austeridade”.
El alcaldable habló del macro hotel en O Ramal, de un Centro de Día del que no quiso desvelar su ubicación final, de una nueva estación intermodal, de mejoras en educación con un nuevo colegio para Carril y la ampliación del centro de A Escardia. También incidió en la importancia de fomentar las inversiones en servicios sociales y de exigir la ansiada ampliación del Hospital do Salnés y el nuevo centro de salud para la parcela de A Comandancia. Consciente de que los votos socialistas son ahora más necesarios que nunca, Pose apeló a la responsabilidad para que “Vilagarcía gañe”.

RUEDA DE PRENSA DE MIEMBROS DE LA CANDIDATURA SOCIALISTA DESMINTIENDO LAS ACUSACIONES DEL PP

Los socialistas defienden sus ideas y niegan el “plagio” del programa popular  

Los miembros de la lista socialista Tania García, Argimiro Serén y Fernando Quintela desmintieron ayer públicamente las acusaciones del PP que decían que el PSOE había “plagiado” parte de las ideas de su programa electoral. Los tres miembros de la lista encabezada por Modesto Pose tildaron las propuestas del PP de “antoloxía do disparate” haciendo referencia a proyectos concretos como el espacio de ocio y tiempo libre para el embalse de Castroagudín o el Plan de Emprego que el equipo de Fole tiene previsto poner en marcha en los cien primeros día de gobierno.
García asegura que las ideas del PP “denotan su gran desconocimiento de la realidad de Vilagarcía sobre todo la referente a Castroagudín dado que, si el señor Fole conociese el lugar, se daría cuenta que en el verano es imposible adecentar allí una playa ni para el baño ni para su uso deportivo”.
Los socialistas matizaron además que “aún por encima pretenden cargarse el uso para el que ha sido concebido Fexdega cuando todos sabemos que los problemas por los que atraviesa son debidos a la falta de gestión de una persona que ahora es el número 2 del PP de O Grove”.
García considera que el desconocimiento de los populares va más allá de la gestión e incide en que “un claro ejemplo es lo que prometen respecto a los parques infantiles de los que dicen que van a poner caucho porque lo exige una normativa europea cuando no es cierto”.
Los socialistas entienden que las propuestas del PP son “como el Guadiana que aparecen y desaparecen dependiendo de si miras un folleto de programa o de si miras otro”.

VISITA DE MODESTO POSE E MEMBROS DA CANDIDATURA AOS COMERCIANTES VILAGARCIÁNS PARA EXPLICARLLE AS SUAS PROPOSTAS

O candidato socialtista expúsolle os comerciantes o seu apoio o pequeno comercio xa que é un elemento dinamizador da cidade e medio fundamental para crear emprego.

Onte o mediodía, Modesto Pose e os membros da lista electoral socialista, Miro Serén, Álvaro Carou e Fernando Quintela, visitaron os comercios da rúa Alejandro Cerecedo e adxacentes, ademais do mercado municipal, para dar a coñecer o seu programa electoral aos comerciantes e veciños e que estes lles mostren as súas inquedanzas políticas.

REUNIÓN DEL CANDIDATO MODESTO POSE CON LOS MÉDICOS DEL SALNES

El candidato socialista Modesto Pose reitera su compromiso con el Hospital del Salnés. 

Representantes de los sindicatos médicos CESM y Omega del área de O Salnés le han trasladado al condidato la política “discriminatoria” que, a su parecer, existe con el área sanitaria saliniense y que está arropada, según ellos, por la actual gerencia del centro de Ande. 
Modesto Pose realizó una valoración política de la situación y advirtió que la prórroga de la administración autonómica tanto para la ampliación del Hospital como para la ejecución de un nuevo centro de salud en el municipio “está terminada”. El alcaldable socialista tildó de “tomadura de pelo” la inversión próxima a un millón de euros que desde la Xunta se había prometido para la segunda fase del Plan Funcional del Hospital y del que “non se sabe nada”.Pose también valoró la gestión del bipartito en la Xunta en materia educativa alegando que “houbo un crecemento dos investimentos para esta área nesa época paralizados con Núñez Feijóo”.

La reunión tiene un lado positivo pues de nuevo se ha vuelto a poner sobre la mesa que los medios son muy escasos para un hospital sobresaturado que sale adelante gracias al tesón y empeño del personal.

Recientemente, los representantes de los trabajadores de O Salnés llegaron a anunciar que se van a ver obligados a convocar una nueva manifestación si no se amplía el centro en la medida necesaria.

Por de pronto se conformarían con un aumento del área de urgencias donde los pacientes se hacinan y la construcción de más quirófanos pues solo existen dos para intervenciones programadas.

MANUEL RODRÍGUEZ CUERVO ANUNCIA EN SOBRÁN A INTENCIÓN DOS SOCIALISTAS DE REUNIRSE PERIODICAMENTE COAS ASOCIACIÓNS

Miro Serén, Fernando Quintela, Susana Camiño e Eva Pesado acompañaron ao número dous do PSdeG a Aralde, Galáns, Eiviño, Renza, Rial e Piñeiro

As visitas continuarán mañá en Faxilde, Lagoa, Freixo e a Urbanización San Martiño

Vilagarcía de Arousa 9 de maio de 2011.- Os socialistas iniciaron a primeira semana electoral íntegra cunha nova visita ás parroquias. Hoxe tocoulle a quenda a diversos lugares de San Martiño de Sobrán. O número dous do PSdeG, Manuel Rodríguez Cuervo, e outros membros da candidatura estiveron en Aralde, Galáns, Eiviño, Renza e Piñeiro. Finalmente, un grupo liderado polo propio Rodríguez Cuervo rematou a xornada nos barrios de A Laxe e As Bocas.

O principal obxectivo do PSdeG é dar a coñecer a todos os vilagarciáns, vivan onde vivan, os principais puntos do seu programa electoral, facendo especial fincapé naqueles que máis interesen aos habitantes de cada zona do municipio.

Rodríguez Cuervo reiterou “a nosa intención de reunirnos cada dous ou tres meses con todas as asociacións do municipio para coñecer directamente as súas propostas e inquedanzas”. Tamén reiterou o firme propósito do seu partido de “dotar de rede de saneamento a aquelas vivendas de Pedramogueira que aínda carecen deste servizo” e que “son as únicas casas de todo o municipio que non dispoñen del”.

Nas visitas de hoxe, que tiveron lugar en dúas quendas, de mañá e de tarde, participaron un nutrido grupo de militantes e simpatizantes e estiveron presentes membros da candidatura como Miro Serén, Susana Camiño, Eva Pesado e Fernando Quintela, entre outros.

Os socialistas destacaron a receptividade dos veciños de San Martiño de Sobrán, así como de A Laxe e As Bocas, moi interesados na campaña electoral e no futuro do seu municipio.

CAMIÑO CONDENA QUE ALGÚNS PARTIDOS EMPREGUEN CONTEDORES, ÁRBORES E MARQUESINAS PARA PEGAR PROPAGANDA ELECTORAL

A actual concelleira de Medio Ambiente lembra que colocar carteis electorais nestes lugares non está permitido

“Non é máis limpo o que máis limpa, senón o que menos ensucia”, sentencia Susana Camiño, que acusa de dobre discurso a estas forzas políticas

Vilagarcía de Arousa 8 de maio de 2011.- A concelleira de Medio Ambiente e número cinco da lista do PSdeG-PSOE á alcaldía vilagarciá, Susana Camiño, denuncia que varios partidos estean a empregar para pegar os seus carteis electorais espazos non habilitados para iso, tales como contedores de lixo, árbores ou marquesinas.

Camiño condena o dobre discurso de quen di defender o medio ambiente e logo colocan a súa publicidade nestes sitios. “O candidato do PP, Tomás Fole, denuncia que Vilagarcía non está limpa para despois contribuír a iso utilizando a súa propia imaxe”, lamenta al edila de Limpeza. “De todos xeitos, poderiamos esperar isto dun partido que ten ideas tan disparatadas no eido medioambiental como o PP coa súa praia lacustre en Castroagudín, pero sorpréndenos negativamente no caso de EU. Tanto discurso ecoloxista resulta ser simple palabrería barata”.

A socialista insiste na idea de que “non é máis limpo o que máis limpa, senón o que menos ensucia” e insta a estes partidos a retirar de inmediato toda esta propaganda electoral colocada en sitios indebidos, “pois os políticos deberiamos dar exemplo aos cidadáns e non ao revés”.

MODESTO POSE VISITA RUBIÁNS, CARRIL E VILAXOÁN DURANTE O PRIMEIRO FIN DE SEMANA DE CAMPAÑA

O candidato socialista reuniuse cos colectivos de Rubiáns para comprometerse a acordar con eles o remate das obras da Praza do Souto

En Vilaxoán, Pose e boa parte do seu equipo asistiron á regata de traineiriñas celebrada en augas da Ría de Arousa

Vilagarcía de Arousa 8 de maio de 2011.- O candidato do PSdeG-PSOE ás eleccións locais vilagarciás, Modesto Pose, visitou nestes últimos días as localidades de Rubiáns, onde asistiu a un encontro informal con representantes das asociacións do lugar, Carril e Vilaxoán. Nesta vila presenciou, xunto a boa parte do equipo da súa candidatura, a regata de traineiriñas.

O obxectivo dos socialistas é manter un contacto directo coa cidadanía non só na capital municipal, senón tamén nas restantes localidades e lugares de Vilagarcía de Arousa. No primeiro deles, en Rubiáns, Modesto Pose estivo acompañado por Susana Camiño, Manuel Rodríguez Cuervo e Lino Mouriño, nun encontro que tivo lugar no Centro Sociocultural e ao que asistiron preto de 30 persoas.

Pose agradeceu a participación e receptividade dos veciños da parroquia, que en todo momento aportaron as súas ideas e pareceres tanto no tocante á súa localidade como ao que se refire ao resto do municipio. O coloquio centrouse na conclusión das obras da Praza do Souto. Modesto Pose foi moi claro á hora de apoiar aos veciños nas súas reivindicacións de rematar os traballos iniciados durante o mandato municipal que agora expira.

O socialista comprometeuse a concluír esta importante obra consensuando cos veciños o resultado final. Estes tamén lle pediron que se atendese á mellora do Centro Sociocultural, no que demandan arranxos puntuais, calefacción e un almacén na parte posterior para gardar material propio.

Por outra parte, os socialistas, con Modesto Pose á cabeza, visitaron Carril para percorrer o centro da vila e explicar o seu programa, centrándose na idea de abrir Vilagarcía ao mar e potenciar Cortegada como destino turístico.

Despois desta produtiva visita, este mediodía tocoulle a quenda a Vilaxoán. Alí, Pose Mesura, Manuel Rodríguez Cuervo, Tania García, Susana Camiño, Fernando Quintela e Miro Serén acudiron á regata de traineiriñas celebrada en augas da Ría de Arousa e combateron o mal tempo para poder conversar cos vilaxoaneses no centro da vila.

O proxecto de humanización urbana incluirá a renovación da Praza de España

Os socialistas propoñen renovar a imaxe deste espazo emblemático e cambiar o sentido da circulación nalgunhas rúas do seu entorno.

Segundo o plan que figura na carteira electoral dos socialistas, a modernización da praza de España suporá cambios no mobiliario urbano, na iluminación, a mellora das zonas axardinadas e incluso da fonte. Este proxecto de peonalización e humanización das rúas de Vilagarcía tamén contempla un cambio no sentido de circulación en Alexandre Cerecedo, coa intención de descargar de tráfico o núcleo da vila.

O PSdeG-PSOE TRASLADARÁ A GASOLINEIRA DE SAN ROQUE PARA REUBICALA FÓRA DO CASCO URBANO

No seu lugar crearase unha nova praza que servirá ademais para reordenar o tráfico da Avenida de Juan Carlos I e a Rúa de San Roque

Os socialistas consideran determinante que a Xunta aprobe a segunda fase do Polígono do Pousadoiro para reubicar as industrias situadas en zona urbana

Vilagarcía de Arousa 7 de maio de 2011.- O PSdeG-PSOE xestionará o traslado da gasolineira de San Roque fóra do casco urbano, unha medida de corte tanto urbanístico como medioambiental que redundará na idea de desprazar fóra da zona céntrica da cidade todas aquelas actividades que poidan ser prexudiciais para o benestar e a habitabilidade de Vilagarcía.

O proxecto contempla, grosso modo, a transformación do espazo que agora ocupa a estación de servizo nunha nova praza que sirva, á súa vez, para reordenar o tráfico entre a Avenida de Juan Carlos I e a Rúa de San Roque, dúas das arteiras principais do tecido urbano.

A gasolineira debería ser desprazada lonxe do centro, a un novo espazo que terá que ser coordinado cos propietarios do negocio.

Os socialistas sabemos que esta proposta é tamén defendida por outros partidos e admitimos que nos agrada que así sexa, pois isto facilitará as cousas para chegar a un acordo que, estamos seguros, beneficiará a todos os veciños desta zona de Vilagarcía, así como á imaxe mesma da cidade.

E é que a conversión deste emprazamento nunha nova praza pública redundará no noso modelo de cidade, unha Vilagarcía humanizada e pensada para os veciños e visitantes, a súa calidade de vida e o gozo do paseo a pé.

A este respecto, debemos admitir que observamos con satisfacción como algúns candidatos da oposición veñen de sumarse recentemente á nosa iniciativa humanizadora, na que todos os vilagarciáns saben que o goberno local leva traballando dende hai anos mentres outros, precisamente estes candidatos, realizaban tendenciosas enquisas para tratar de botar abaixo o noso proxecto global.  Aínda estando inconcluso, a día de hoxe xa podemos afirmar que este plan conta co unanime beneplácito de veciños, hostaleiros e comerciantes. Isto si qué é ter un modelo de cidade, as ideas claras e apostar polo pequeno comerciante local.

Na mesma liña enmárcase a nosa ambición de levar fóra do tecido urbano calquera actividade comercial ou industrial susceptible de incidir negativamente no benestar dos veciños, Vilagarcía precisará da colaboración da Xunta de Galicia. A administración autonómica debe aprobar o antes posible a segunda fase do Polígono Industrial do Pousadoiro, único xeito de que estas firmas poidan manterse en solo vilagarcián, que é o noso propósito.