O CATASTRAZO DO GOBERNO DE TOMÁS FOLE

O Goberno de Tomás Fole prepara o “catastrazo”

O Goberno Municipal, en plena crise económica, pretende revisar o catastro para 2014 coa intención de “facer caixa” no ano previo ás vindeiras eleccións

A esta medida súmase a subida dun 15% no recibo de IBI en dous anos que aprobou o goberno de Rajoy

Vilagarcía de Arousa, 28 de xaneiro de 2012.- As recentes decisións do PP tanto dende o goberno central como no caso de Vilagarcía semellan estar sendo planificadas como un asalto fiscal aos aforros dos cidadáns. Despois da subida de impostos non anunciada polo PP, que tardou 6 días en desmentir as súas propias declaracións de campaña electoral, a dereita volve a tomar decisións que afectan directamente ao peto das familias. O Goberno do Estado vén de aprobar unha subida do Imposto de Bens e Inmobles de como mínimo un 15%.

Esta decisión ten como fin último que os alcaldes, hoxe mayoritariamente do PP, teñan fondos públicos para destiñar ao que teñan a vontade a costa dos aforros dos veciños. Esta é a solución que plantexa o PP en plena crise económica. En vez de facer unha mellor xestión con menos fondos, priorizar investimentos, deixar esperando aqueles gastos que non sexan necesarios e tomar decisións políticas que adiquen os esforzos económicos ás areas que realmente o necesiten, o PP opta porque sexan os cidadáns, as familias, as que paguen. “Os socialistas esperan e así defenderán que este incremento das arcas municipas repercutan nas familias da nosa localidade, especialmente naquelas que estean en situación de dificultade económica”

Realmente o que está detrás desta decisión e que os alcaldes, maioritariamente do PP, obteñan fondos para lucimento da súa xestión e para evitar ter que xestionar en épocas de dificultade. O ano próximo, tamén existirá unha subida do 5%, o cal garante outro incremento dos ingresos municipais a costa das tasas dos veciños. Cabe lembrar que en Vilagarcía, durante estes últimos anos cun goberno liderado polos socialistas, os veciños viron como as tasas se mantiveron conxeladas e non supuxeron un problema máis para os veciños nunha época tan difícil.

Revisión catastral en 2014

Pero o alcalde Tomás Fole, lonxe de facer xestións contra esta decsión, ou de tomar medidas que palien as dificultades que van ter os veciños para facer fronte a esta brusca subida, acompaña este incremento de tasas coa preparación dunha revisión do catastro para 2014. Esta revisión levará consigo, obviamente, que os veciños terán que pagar máis polo valor da súa vivenda xa que a última revisión é do ano 2000. A Ley do catastro recomenda revisar este índice cada dez anos, pero de non telo feito antes os socialistas consideramos que agora non é o momento máis apropiado para facelo xa que é cargar novamente sobre as familias a recaudación fiscal e así llo plantexarán no pleno do luns ao Goberno local. Ao respecto desta conxunción de decisións Tania García, reunida onte co seu equipo económico, declarou que “os gobernos socialistas priorizaron o investimento público, do Goberno cara os cidadáns, para manter a actividade económica de empresas e empregados. Este goberno do PP opta por sacudir o peto dos veciños para buscar cartos para os seus gobernos municipais durante un par de anos. E Fole, para resolver o final da súa lexislatura, prepara este catastrazo co que pretende que os vilagarciáns lle paguemos un último ano que adicará a facer campaña electoral”.

A deixadez do Goberno Local leva ás obras pendentes de finalización ao borde do fin dos prazos

Obras como o xardín de Ravella ou o parque da praia Compostela, así como a limpeza e mantemento da propia praia son actuacións que estiveron totalmente abandoadas ata hai poucos días

Vilagarcía de Arousa, 25 de xaneiro de 2012.- O Goberno Local de Vilagarcía amosa unha vez máis a súa deixadez ante as actuacións que se deben levar a cabo, e desta volta o exemplo está en obras que están todavía sen finalizar e cuxos prazos de remate están preto de esgotarse.

Despois de varios meses de goberno, e tras unha campaña electoral na que Tomás Fole prometeu que resolvería todas as situacións de maneira rápida e eficiente, a realidade é que todavía foi a semana pasada que comenzaron os traballos de limpeza na praia da Compostela despois de meses de abandono total e falta de mantemento. Pero no mesmo entorno, tamén os baños públicos do parque levan meses sen abrir e sen poder ser utilizados pola gran cantidade de xente que fai diariamente o traxecto Vilagarcía – Carril polo paseo marítimo.

Xa no centro de Vilagarcía, nos recentes días asistimos ao inicio no xardín de Ravella dos traballos encamiñados a finalizar, dunha vez por todas, a intervención feita neste xardín. Comprobamos durante os últimos meses que as únicas intervencións ordeadas nesta obra polo alcalde Tomás Fole foron colocar, no perímetro do parque, uns  bancos cuns respaldos incómodos que non gustan a ninguén, e ubicar unha árbore no lugar máis inapropiado para logo quitalo a golpe de titular da prensa.

Lamentablenente, a impresión que están a tomar os veciños é que o alcalde, responsable do área de urbanismo a decisión propia, non é quen de sacar adiante os temas é unicamente se traballa pola influencia dos titulares da prensa e baixo a presión de esgotarse os prazos das obras. A ver se agora, que alomenos está a coller o ritmo de facer as cousas, pódense finalizar dunha vez as actuacións que quedaron a piques de rematar no momento do cambio de Goberno, pero que máis de case oito meses despois seguen pendentes.

O PSdeG de Vilagarcía solicita ao concelleiro de Deportes que tome coñecimento real do que é a Fundación de Deportes e cómo funciona, para poder facer valoracións

As recentes declaración de Luis Garrigós amosan tal descoñecemento que nen sequera é consciente das aportacións que se lle están a facer.

Vilagarcía de Arousa, 17 de xaneiro de 2012.- O concelleiro de deportes de Vilagarcía, Luis Garrigós, ven de realizar algunhas declaración públicas nos últimos días, en resposta á alerta que os concelleiros do PSdeG fixeron sobre a regulación do funcionamento do Consello Consultivo, novo órgano que se porá en marcha na Fundación de Deportes. Sen embargo, semella que o concelleiro, ademáis de non aceptar ben as aportacións que se lle poidan facer, descoñece de tal maneira a FPSDM que está a facer valoracións erradas. Coa vontade de colaborar en que o área de deportes funcione correctamente dunha vez, os socialistas de Vilagarcía pretenden aclarar algún aspectos.

Por un lado xurden as críticas sobre o funcionamento actual da Fundación, dado que é absolutamente inexistente. Recoñecendo a lexitimidade total de facer un cambio de modelo, como sempre apuntaron os socialistas dende que o PP goberna en Vilagarcía, resulta natural asumir que mentres este cambio non se da procede formar, alomenos en funcións, os órganos existentes: Xunta Rectora e Consello de Xerencia (artigo 16 dos anteriores estatutos), que ademáis son quenes teñen que aprobar o cambio de modelo (disposición adicional oitava). De feito os nomeamentos que proceden ao Pleno Municipal foron feitos no seu momento, pero van 7 meses de goberno municipal do PP e non existiu ninguna xuntanza destes órganos, sen dar ninguna explicación aos seus representantes e aos representados. E non foron poucos os temas a tratar, pois a cuestión fundamental como os orzamentos, non foron tratados máis que polo propio concelleiro unipersoalmente. Non é posible desmarcarse agora deste razoamento, pois os feitos son os que son e o incumprimento das normas é o que é.

Por outro lado están apuntadas as valoracións que os socialistas fixeron aos novos estatutos, ante os que presentaron alegacións e suxerencias de mellora que achegaron ao concelleiro e ao Alcalde (con pouco éxito). Nos últimos días, coa difusión do regulamento de funcionamento do Consello Consultivo as argumentacións plantexadas foron respostadas polo concelleiro non nos temas cuestionados, senón noutros puntos. Sobre isto é preciso sinalar:

· Parece una aberración introducir, nun órgano consultivo que require da participación voluntariosa e desinteresada de todos os axentes sociais que participan no deporte, un réxime de sancións económicas. Irónico é, ademáis, que este réxime de sancións impoña multas pola non asistencia ás xuntanzas, cando se por algo é coñecido o actual concelleiro foi por faltar en  toda a anterior lexislatura a todas as reunións. Os socialistas insisten en que, de ter carácter retroactivo, Garrigós debería aproximadamente 8.000€ que estarían moi ben para resolver cuestión como as axudas a clubes que se rebaixaron este ano.

· O autobombo que o concelleiro se da sobre a suposta “independencia” do órgano consultivo resulta pasmosa. Ninguén puxo en dúbida este tema, pero o que si foi necesario foi insistirlle ao concelleiro que o Consello Consultivo non pode ser un órgano “caixón desastre” onde se deriven os temas difíciles, para que os clubes e entidades sexan quenes teñan que decidir sós e resolverlle a papeleta a Garrigós. Alomenos cabe formar una normativa flexible, integradora e que fomente a participación, non como a existente. E se de verdade o concelleiro pretende a participación e independencia máxima pode facer o que lle foi recomendado, dar paso ao Consello Reitor (único órgano executivo real da Fundación) a todas as entidades, e non facer deste un órgano filtrador con control absoluto do PP como agora.

En todo caso, dende o Partido Socialista queren sinalar que todas estas aportacións e ideas están feitas dende a vontade de aportar, e que queren dar a razón a Garrigós cando di que éstas son “puramente políticas”. A cuestión, segundo apuntan os representantes socialistas é que  son posturas políticas as que definen as posibilidades institucionais que se xeran para o ámbito deportivo, e o problema é que parece que o actual concelleiro non ten posición, nin política, nin persoal, e que non ten claro todavía despois de 7 meses de concelleiro cómo funciona a concellería. Se tivera acudido estes anos ás xuntanzas da FPSDM non estariamos nesta situación.

O PSdeG de Vilagarcía solicitará a comparecencia da concelleira responsable da área de Benestar, Elena Suárez, e do concelleiro de seguridade cidadá, Ángel Benito Dorgambide.

Os socialistas pretenden esclarecer todo o relacionado co dramático suceso acontecido onte en Vilagarcía que costou a vida dunha muller

A solicitude ten como obxectivo coñecer tanto o operativo de intervención como o coñecemento e protocolos levados a cabo referentes ao caso particular desta cidadá

Vilagarcía de Arousa, 11 de xaneiro de 2012.- O grupo socialista no Concello de Vilagarcía solicitará a dobre comparecencia no vindeiro Pleno Municipal da concelleira Elena Suárez, responsable da área de benestar, e de Ángel Benito Dorgambide, responsable de seguridade cidadá, co fin de coñecer exactamente a situación previa e a intervención no suceso ocorrido en Vilagarcía onte no que faleceu unha muller por mor dun incendio.

Os socialistas pretenden saber o coñecemento que o área de servizos sociais tiña da situación pola que atravesaba a muller tristemente falecida no suceso, así como os protocolos de actuación e/ou intervencións levadas a cabo referente a este caso. Neste sentido, os representantes do PSdeG pretenden esclarecer a situación dos trámites realizados para unha posible incapacitación e posterior tutela, e da situación clínica desta persoa. Dado que a propia concelleira expresou, a raíz do suceso, que o departamento que dirixe coñecía a situación difícil desta muller, parece necesario saber se os procedimentos requeridos foron levados a cabo en tempos e formas que marcan os protocolos de actuación.

Por outra banda, ante unha situación de tal importancia, os socialistas consideran importante coñecer o funcionamento da intervención, a coordinación entre os diferentes corpos de seguridade e os seus membros e as conclusións que o concelleiro responsable tirou desta intervención. Asemesmo, convén aclarar se houbo comunicación entre estes departamentos e corpos de seguridade e o devandito área de servizos sociais, pois xa foi coñecido que a muller consultaba e contactaba moi frecuentemente coa Policía Local, co que resulta de interese saber de posibles intercambios de información entre departamentos.

ASEMBLEA EXTRAORDINARIA

DATA:  venres, 13 de xaneiro.

HORA:  20.00 en primeira convocatoria, 20.30 en segunda convocatoria.

LUGAR: Casa do Pobo. Sede do partido. (Castelao, 18-Entrechán).

ORDE DO DIA 

1.    Constitución da Asamblea e elección da Mesa.

2.    Debate e votación da xestión dos órganos federais

3.    Debate e votación das propostas de enmendas á ponencia marco*

4.    Elección de delegados/as ao Congreso Provincial

1.    Constitución da Asamblea e elección da Mesa.

2.    Debate e votación da xestión dos órganos federais

3.    Debate e votación das propostas de enmendas á ponencia marco*

4.    Elección de delegados/as ao Congreso Provincial

*Cando a Executiva Local reciba a Ponencia Marco, será comunicado aos/ás militantes e posta á disposición.

Tania García Sanmartín                                 Álvaro Carou García

    Secretaria Xeral                                    Secretario de Organización

       
   

Vilagarcía, 7 de xaneiro de 2012

O PSdeG de Vilagarcía insiste no erro de xestión do Goberno local que supón a asunción de Fexdega por parte do Concello de Vilagarcía

Os socialistas preguntan por que a Cámara de Comercio terá 3 representantes no Padroado da Fundación cando o Concello vai designa cinco

Para asunir Fexdega, o Alcalde Tomás Fole tomou decisións que fixeron perder 4 postos de traballo e que cargarán ao Concello un gasto inasunible

Vilagarcía de Arousa, 7 de xaneiro de 2012.-  O PSdeG de Vilagarcía comproba como cada día o proceso de asunción de Fexdega por parte do Concello de Vilagarcía está a tomar camiños mais enrevesados e pouco esclarecedores.

En primeiro lugar o Concello, xa neste momento en que oficialmente o Concello toma as riendas da Fundación, esto supón un pago de máis de 50.000€ para as arcas municipais. Este dato, acompañado dos máis de 200.000€ anuais que custa ata o de agora o mantemento das instalacións de Fexdega previamente xa a calquera actividade, supoñen unha losa pesadísima para os fondos vilagarciáns. Para os socialistas resulta difícil de explicar que o Alcalde poña todo o seu esforzo en transmitir aos cidadáns as dificultades económicas do Concello, coa intención de xustificar a súa nula xestión, pero decida investir unha cantidade tan grande de fondos municipais neste proxecto despois de tomar decisións sobre os orzamentos que fan perigar o tecido asociativo local e as entidades sociais poñendo en risco servizos vitais como albergue municipal de Cruz Vermella. Tania García, secretaria xeral dos socialistas de Vilagarcía e menbro do Padroado, incidíu en que “o sorprendente é comprobar as prioridades de Tomás Fole. Menos servizos, especialmente servizos sociais, pero faise todo o investimento preciso para destruír postos de traballo, desmantelar o funcionamento de Fexdega e asumir o gasto que non quixeron outras administracións con máis recursos, como a Xunta de Galicia.

Outras das cuestións que para os socialistas son dignas de mención fai referencia á composición do novo Padroado. A Cámara de Comercio de Vilagarcía pasará a ter tres representantes, o cal non deixa de ser dificilmente inexplicable xa que esta entidade non fai ninguna aportación económica  e non hai ningunha explicación razoable para que pase a ter tanto peso no Padroado da Fundación cando o Concello que vai asumir toda a xestión e o gasto dispón de cinco representantes.

Por último, Tania García quixo sinalar o proceso incosistente e atropelado polo que o Concello asumíu esta xerencia de Fexdega, xa que “entregáronnos a proposta definitiva de estatutos apenas unhas horas antes de ter que debatilos, e tenos nula información sobre o seu proceso para ser levado ao Pleno Municipal”. Para García, “esta desfeita de xestión, que non é máis que a satisfacción dun capricho de Fole e Garrigós que van facer de Fexdega o pavillón máis caro da Historia”, e puxo en dúbida “a viabilidade dun proxecto que xa sabenos que no ano 2012 vai ter serias complicacións de datas e de combinación de ferias e o uso deportivo que se quere dar ao recinto”.