CONFIGURACIÓN DA COMISIÓN EXECUTIVA MUNICIPAL (CEM) DO PSdG DE VILAGARCÍA DE AROUSA

A composición da Comisión Executiva Municipal (CEM), elixida en asamblea o 29 de xuño de 20012 queda configurada da seguinte maneira:

 

Secretaría Xeral: Miro Serén Mera

Secretaría de Organización e Administración: Julio Torrado Quintela

Secretaría de Formación, Ideas e Programas: Sonia Outón Casal

Secretaría de Relacións Políticas e Institucionais: Fernando Quintela Gallego

Secretaría de Políticas Sociais: María Araújo Rey

Secretaría de Movementos Socias: Álvaro Carou García

Secretaría de Economía e Emprego: Reyes Casabella Mouta

Secretaría de Sanidade:Yolanda Carrera Lorenzo
Secretaría de Educación: María Luz Pérez Arias

Secretaría de Participación Cidadá: Mª José González Maneiro
Secretaría de Movemento Veciñal:Jose Ramón González Cruces

Secretaría de Igualdade: Eva Pesado Muñiz
Secretaría de Novas Tecnoloxías: Javier Martínez Reinaldo

Vogais

Lino Mouriño Santiago

Adriana Vidal Touza

Francisco J. Baños Losada

Juan Antonio Pérez Callón

Ramiro Bandín Barreiro

Membros Natos
Portavoz Municipal do PSdG no Concello de Vilagarcía: Tania García Sanmartín
Secretario Xeral de Xuventudes Socialistas de Vilagarcía: Félix González Insua

O Alcalde Tomás Fole, lonxe de explicar a perda de 1,6 millóns € para a intervención en Matosinhos, sorprende con unha nova valoración da intervención

Vilagarcía de Arousa, 22 de xuño de 2012.- A intervención na zona de Matosinhos para evitar inundacións segue a dar voltas e complicarse sen que os responsables municipais e provinciais expliquen realmente o que ocorreu e por qué non se ten desenvolvido a actuación prevista.

Nos últimos días a documentación que o Partido Socialista trasladou a opinión pública mostrou que, no seu momento, todo o procedemento requerido para a solicitude dos fondos Feder que ían financiar a intervención en Matosinhos foi presentada e tramitada correctamente. A partir dese punto, a Deputación de Pontevedra obviou tal solicitude e meteuna “no caixón”. Nunca foron pedidos máis informes, nen máis información ao Concello de Vilagarcía e a ausencia de documentación que contradiga este punto é a maior proba. O actual Alcalde de Vilagarcía, Tomás Fole, despois dun ano no seu cargo e como responsable ademáis da área de Urbanismo, non realizou ningunha xestión para avanzar neste tema, nen sequera se interesou polo seu estado ata que finalizou o prazo do procedemento. Nesa situación o Alcalde fixo o único que amosou saber facer neste ano de goberno: botarlle a culpa aos socialistas. Sen embargo, despois da citada documentación presentada por Tania García, portavoz do PSdeG no Concello, non houbo máis explicacións.

Pero Fole amosou ser quen de ir máis alá no equilibrismo e, lonxe de explicar o ocorrido ou de reclamar á Deputación unha solución, xa que foi o ente provincial quen “olvidou” solicitar a Vilagarcía a documentación que supostamente era necesaria máis alá da que recibiron, saiu pola tanxente onte ao anunciar aos representantes vecinais que a intervención en Matosinhos ten un custe de 2,5 millóns €. Os socialistas observan con incredulidade esta nova valoración por non ter unha xustificación técnica e fundamentada, e consideran que este baile de argumentacións está fora de lugar. A portavoz socialista, Tania García, plantexou hoxe que “confiamos en que esta saída pola tanxente non sexa unha maneira de desprenderse do problema, para xustificar que é un gasto moi grande e así gañar tempo. O que era interesante é coñecer a postura do Goberno Municipal sobre o éxito conxunto coa Deputación de perder 1,6 millóns € que resolverían o problema dende xa, como estaba encamiñado”.

O Partido Socialista presenta posibles utilizacións dos 887.000€ que Facenda devolve ao Concello de Vilagarcía, ante a inacción do Goberno Municipal

Hai unha semana que é pública a devolución, con motivo da liquidación positivia do 2010, e non se sabe nin unha soa intención do grupo de goberno.

Os socialistas ofrécense ao Goberno Local para sacar algunhas iniciativas adiante

Vilagarcía de Arousa 16 de xuño de 2012.- Nos últimos días vense de concretar a noticia de que Vilagarcía recibirá 887.000€ de devolución de Facenda por causa da liquidación positiva do ano 2010. Estes fondos, inicialmente inesperados, poden supoñer unha boa oportunidade para incrementar certas partidas presupuestarias ou aumentar algúns investimentos necesarios para Vilagarcía. Sen embargo unha semana despois, como mínimo, de ter recibido esa información o Goberno Municipal segue sen dar un paso e sen moverse para decidir onde e para que serán utilizados estes cartos. Como se non houbera necesidades, ou como se non houbera iniciativa nen coñecemento real da situación, a inacción preside o Goberno Municipal.

O Partido Socialista aproveita esta circunstancia para realizar diversas suxerencias aos responsables municipais dos posibles destinos desta importante suma. Por un lado os socialistas consideran que podería destiñarse a rebaixar as taxas e impostos que o Goberno Municipal está a recaudar dos contribuíntes, tendo en conta que o Goberno vén de aprobar subas acumuladas dun 30% nos vindeiros dez anos, no momento de maior dificultade económica das familias.

Por outro lado, e se non fose considerada válida esa primeira opción, os socialistas suxiren adicar os fondos recibidos a melloras nas redes de saneamento, sobre todo actuacións para a eliminación de verquidos na praia, que redundaría nunha mellora na calidade das augas.

Tamén, do mesmo xeito, poderíase destinar a aumentar as prazas do centro de día xa que, a pesares de ter capacidade para 20 persoas, só van ser utilizadas 10.7 prazas. Este investimento, consideran os socialistas, podería supoñer menos de 100.000€.

Engadido ás propostas anteriores, os socialistas consideran ésta unha boa oportunidade para aumentar as subvencións a ONGs, reducidas nos últimos orzamentos. Tamén, a maiores destos usos, os socialistas consideran importante aumentar a partida para os programas de servizos sociais (axudas de emerxencia, axuda a domicillio), área que nestes tempos necesita fortalecer as súas accións e actividades.

Por último, unha proposta máis dos socialistas pasa por adicar parte destes fondos a entidades culturais, conforme foi unha das áreas máis perxudicadas do recorte orzamentario, e a entidades deportivas.

En todo caso, para ter en conta estas propostas e outras que poderían surxir, os socialistas ofrécense ao Goberno Municipal para pasar á iniciativa e dialogar sobre as posibles necesidades que se poidan detectar, en vistas de que o Alcalde e os seus concelleiros seguen estancados.

O Partido Socialista preguntará no pleno da Deputación pola perda de 1.6 millóns dos fondos FEDER para as obras de Matosinhos

O silencio do Concello de Vilagarcía e da Deputación amosa a evidencia de que os fondos foron perdidos pola inacción do Goberno Municipal e da entidade provincial

Vilagarcía de Arousa, 14 de xuño de 2012.- O Partido Socialista de Vilagarcía levará ao próximo Pleno da Deputación de Pontevedra unha pregunta pola perda dos fondos Feder para as obras de Matosinhos, toda vez que o Alcalde de Vilagarcía agóchase a cabeza tras darse a coñecer que a inacción da Deputación sumada á súa propia, por non interesarse polo tema en todo un ano de Goberno, levou á perda de 1,6 millóns de euros que estaban encamiñados xa coas xestións do anterior Goberno Municipal, como se pode constatar no expediente que existe no Concello sobre o tema.

A través do representante da comarca de Arousa na Deputación, o grovense José Antonio Cacabelos, os socialistas de Vilagarcía queren coñecer a postura da Deputación, e saber os motivos da paralización na tramitación desta subvención e os motivos polos que a Deputación rexeitou incluíla nos Fondos Europeos, e por que a complicidade entre o Presidente Louzán e o Alcalde de Vilagarcía Tomás Fole deixou a Vilagarcía sen este importante investimento.

A portavoz municipal dos socialistas en Vilagarcía, e recente secretaria de organización provincial do PSdeG, Tania García, apuntou que “non por ser habitual deixa de ser espantoso que a Deputación de Pontevedra faga tanta deixadez de funcións con determinados Concellos. Como Vilagarcía tiña un Goberno socialista, Louzán pretendeu entorpecer esta obra ata o punto de deixar que se perdera. Pero o máis lamentable é que sendo Alcalde Tomás Fole ningún dos dous moveu un só papel para evitar a perda de 1,6 millóns de euros. Eso sí, Fole aplaude que existan 9 millóns de euros para investimento nas Pousadas do Salnés, facendo competencia desleal aos empresarios de

hostelería pero agocha a cabeza na defensa desta obra prioritaria para Vilagarcía”.

Os socialistas consideran un erro que no inicio de xuño a praia de Compostela está todavía comezando a ser acondicionada para a epoca estival

A portavoz do grupo, Tania García, pregúntase se esta é “a aposta decidida pola praia que prometeu Tomás Fole”

Pídenlle ao Goberno local que se deixe de ideas peregrinas e aposte por proxectos serios para a praia

Vilagarcía de Arousa, 4 de xuño de 2012.- Coa temporada de verán entrando xa no calendario, e ante a necesidade de aproveitar ao máximo as oportunidades de promoción económica que supón o turismo para Vilagarcía, o Partido Socialista considera que está moi retrasado o acondicionamento necesario para a praia de Concha-Compostela e o seu contorno.

O Goberno Municipal vén de anunciar, nos últimos días, a intervención no areal principal da cidade con traballos de nivelación da pendente da zona de baño. Esta actuación, anunciada nos primeiros días de xuño, é, para os socialistas, un erro de planificación, xa que estas accións deberían ter sido iniciadas con anterioridade. “Afortunadamente o tempo non nos acompaña, senón a ver como se compatibilizaba a presenza dos bañistas coas máquinas da Deputación”

Esta pasividade vese acompañada do retraso en abrir o concurso para a concesión do establecemento hostaleiro do xardín da Compostela, cuxo aproveitamento é, obviamente, nos meses de utilización da praia. De seguro, calquera empresario que tivese intención de optar a esta concesión querería ter a disposición o establecemento xa nestes momentos, para instalarse e comezar a traballar aproveitando ao máximo o tempo. Sen embargo todavía non semella existir unha data estimada para a súa futura apertura.

A esta xa máis que evindente falta de xestión de Tomás Fole, engádeselle a peregrina e innecesaria idea deste goberno do Partido Popular de facer un pasarela de madeira. Os socialistas dubidan da autorización de Costas para facer esta intervención, pero de seren así, os socialistas pídenlle ao Goberno local, que de facerse, o máis lóxico e prioritario é facela anexa ao paseo marítimo, para ser utilizada como carril-bici. Os socialistas tamén aconsellan ao Alcalde que renuncie a outra das súas ideas peregrinas e non contrate este verán aparatos hinchables para a praia e aposte, como xa fixemos os socialistas coa instalación da tirolina ou da rede tridimensional, por equipamentos fixos. “Nestes momentos de crise temos que apostar polo investimento e non polo gasto” sinalaron os socialistas.

Por último os socialistas, instan ao Alcalde de Vilagarcía a solventar o principal problema da praia que son os vertidos. “Coas obras de compensación do novo trazado do ferrocarril, solventábase o problema de vertidos que sofre o chamado río da tripeira, un dos puntos máis negros da praia” Os socialistas pídenlle ao Alcalde que axilize canto antes con Fomento esta actuación, que xa quedara comprometida da lexislatura anterior. Tamén, recordan os socialistas, “Tomás Fole pedíu a colaboración da Xunta, pero esta xestión, quedou só para a foto, porque facer non fixeron nada”. 

O Goberno Municipal de Vilagarcía cobra case un 7% máis de taxa de limpeza mentras os veciños perciben que a cidade está cada vez máis sucia

A suba da tasa supón un aumento de ingresos para o Concello de máis 220.000€ que non se están a percibir en eficiencia.

Vilagarcía de Arousa, 2 de xuño de 2012.- O grupo socialista no Concello de Vilagarcía quere manifestar a constante recepción de advertencias dos veciños e veciñas sobre o que consideran unha notoria perda de limpeza nas rúas da vila. As queixas constatan unha percepción de rúas máis descuidadas, especialmente nas rúas peonís do centro da cidade, e un aumento considerable de maleza sen control en diversos camiños e rúas de diferentes parroquias. O rural está abandonado na súa conservación. Ao respecto deste último punto, os socialistas realizaron as visitas pertinentes e comprobaron in situ a realidade das queixas, como se pode ver nas fotos enviadas anexas.

Esta situación resulta especialmente difícil de comprender xa que os veciños e veciñas de Vilagarcía sofren unha suba da taxa de limpeza dun 6,7%. Este incremento, en cómputo global, supón unha recadación de 220,368€ para o Concello, máis de 36´5 millóns das antigas pesetas. Os socialistas consideran que é necesaria unha explicación real do Goberno Municipal de Vilagarcía sobre a falta de xestión na limpeza da cidade, e por que cando os veciños máis pagan por este servicio é cando consideran que está a funcionar peor.