O Partido Socialista realizará a súa tradicional comida anual o 1 de maio, e nomeará Militante de Honra a Manuel Rodríguez Cuervo

Os socialistas queren agradecer así a labor de Cuervo, que se despide despois de 20 anos no Pleno Municipal

A comida contará coa participación de compañeiros de partido e outros amigos e persoas que queren compartir a xuntanza anual e participar da homenaxe

Vilagarcía de Arousa, 27 de abril de 2015.- O Partido Socialista de Vilagarcía aproveita novamente a data do 1 de maio para celebrar a súa tradicional comida anual, que acolle a militantes e non militantes de Vilagarcía e representación de toda a comarca. Os socialistas participarán na manifestación de 1 de maio que percorrerá as rúas de Vilagarcía, e acudirán despois á comida conxunta.

Nesta xuntanza, os socialistas entregan cada ano unha mención especial nomeando a un militante de honra da agrupación. Este ano, de maneira sinalada, os socialistas destacarán con este distintivo a Manuel Rodríguez Cuervo, quen hoxe lunes 27 participa no seu último pleno despois de 20 anos. Os socialistas queren destacar a prolongada traxectoria de Cuervo, quen participou en todos os gobernos socialistas dende 1991, e estes últimos 4 anos dende a oposición.

O secretario xeral dos socialistas, Miro Serén, actual compañeiro de corporación de Cuervo, destacou que “falamos dun compañeiro cunha dilatada experiencia, que aportou, aporta e seguirá aportando dende o seu coñecemento profundo da realidade de Vilagarcía”. Tania García como voceira municipal apuntou que “sempre tiven en Manolo un apoio e un valor destacado á hora de analizar moitas realidades de Vilagarcía, sendo especialmente un coñecedor absoluto do noso rural”. Alberto Varela, candidato á Alcaldía polo Partido Socialista destacou de Cuervo que “a chegada dos servizos básicos a moitos lugares do rural ten o seu selo e a súa impronta. Moitas persoas me din hoxe en día que na actualidade, con un goberno inoperante que no resolve problemas, entenden aínda mellor o valor inmenso que tivo Manolo como concelleiro”.

A comida dos socialistas será este venres no restaurante Acebo, despois da manifestación a partir das 14.30. Está aberta a todas as persoas que queiran participar e que teñen ata o mércores para anotarse, por un precio de 20€, e para facelo únicamente teñen que pasar pola sede socialista ou chamar por teléfono 986502948 / 687474600

AXENDA SEMANAL - ALBERTO VARELA

Axenda semanal de Alberto Varela do 27 abril ao 3 de maio:

Luns 27 de Abril de 2015

12:30

Visita a asociación Con Eles

Lugar: Sede Con Eles

17:00

Pleno Municipal 

Lugar: Salón de plenos do Concello

 

Martes 28 de Abril de 2015

10:00

Visita a Cruz Roja

Lugar: Sede Cruz Roja

17:30

Reunión con Organizadores de Eventos

Lugar: Sede PSdeG – Vilagarcía

 

 

Mércores 29 de Abril de 2015

20:30

Encontro Sectorial sobre Cultura    

Lugar: Seminario 1 do Auditorio

 

 

Venres 1 de Maio de 2015

12:00

Manifestación Día Internacional dos Traballadores

Lugar: Praza de Ravella

14:00

Comida Homenaxe a Manolo Cuervo

Lugar: Asador Acebo

 

Sábado 2 de Maio de 2015

12:30

Pregunta ao teu Candidato

Lugar: Praza de Galicia

 

Domingo 3 de Maio de 2015

12:30

Pregunta ao teu Candidato

Lugar: Praza da Liberdade (Carril)

Alberto Varela pretende volver a facer de Vilagarcía un referente cultural, “como xa foi e que perdemos neste catro anos nefastos"

O candidato socialista visitou con parte do seu equipo diversas instalación culturais, das que afirmou que están “amplamente infrautilizadas”

Varela considera que a cultura debe dar un doble obxectivo, tanto formativo como sendo un sector económico con impacto en Vilagarcía

Vilagarcía de Arousa, 25 de abril de 2015.- Alberto Varela, candidato socialista á Alcaldía de Vilagarcía visitou hoxe diversas instalación culturais de Vilagarcía, visita na que contrastou o o “amplo abandono” á que foron sometidas nestes últimos catro anos, nos que os socialistas consideran que Vilagarcía perdeu a referencia cultural que mantiña, a favor doutros Concellos que, na mesma comarca, aproveitaron ese “desdén” do goberno local para erixirse como polo de atracción de visitantes. Nesta aposta pola cultura, considera que é un dos elementos que claramente define a puxanza dunha cidade e porque os socialistas cremos neste sector imos plantexar unha política cultural ambiciosa.  Varela afirma que  “a cultura é poliédrica, serve de vía de medranza persoal, de factor de cohesión social, de soporte de identidade local e supón un activo económico de primeira orde indiscutible que debemos aproveitar”, referíndose aos moitos eventos que se celebran, e particularizando na perda de eventos como o Festival do Norte que suponía “para moitos negocios locais” un momento cumio dentro do ano. Algunhas das propostas que indican os socialistas na súa programación para Vilagarcía, son:

 -Crear o CONSELLO LOCAL DA CULTURA: coa participación de distintos axentes culturais, como as asociacións e colectivos organizadores e creadores, así como os/as técnicos/as municipais, que deseñen e contribúan a planificar e difundir a actividade cultural. Logrando construir un modelo de Cultura de todos e para todos.

- PLAN DE DIFUSIÓN DE ACTIVIDADES CULTURAIS, que alcance unha comunicación eficaz da programación cultural mediante a mellora dos medios tradicionais de difusión e a utilización das novas tecnoloxías, incluíndo a creación dunha axenda dixital que aglutine todos os eventos programados.

- APOIAR O TALENTO LOCAL, contando cos creadores locais e apoiando as súas iniciativas, especialmente as dos máis novos, na difusión das súas creacións, tanto na rúa como nas instalación dispoñibles, para que ese talento se poida converter en proxectos tanxibles.

- NOVA REGULACIÓN DOS LOCAIS DE ENSAIO. É preciso facer unha revisión da ordenanza que regula o prezo do uso das instalacións, acordando cos usuarios unha nova normativa que garanta o mantemento das instalacións coa accesibilidade dos usuarios.

- Promover a  LINGUA GALEGA COMO SINAL DE IDENTIDADE. Dende o Concello promoveremos políticas activas que contribúan a un incremento do uso do galego. En 2017 cúmprense 70 anos da publicación de “Cómaros Verdes” de Aquilino Iglesias Alvariño, primeira obra publicada en galego despois da Guerra Civil, editada na mítica librería Celta de Vilagarcía.Traballaremos para que esta efeméride supoña un reclamo para a celebración dun certame ou congreso arredor da lingua galega.

- Elaborar un PLAN DE PROMOCIÓN DO PATRIMONIO CULTURAL, que regule o mantemento dos elementos patrimoniais de Vilagarcía e a súa integración en rutas temáticas que os poñan en valor, prestando especial atención aos xacementos arqueolóxicos de Xiabre, aos petróglifos de Os Ballotes e ao Castro Alobre.  Todoes eles elementos que poden fomentar o turismo verde xunto con Cortegada. 

- Crear unha EXPOSICIÓN DE HISTORIA LOCAL que recolla os principais fitos da Historia de Vilagarcía e que permita expoñela e difundila a través da rede de centros educativos e centros socioculturais do municipio.

Para explicar estas e outras propostas, así como para escoitar os colectivos e persoas vinculados ó mundo cultural os socialistas celebran un Encontro Sectorial sobre Cultura o vindeiro mércores 29 de Abril no Seminario 1 do Auditorio ás 20:30. Encontro ó que Alberto Varela covidada a calquer persoa con inquedanzas culturais a participar.

Alberto Varela recrimina a Tomás Fole que “faga como se nada” a pesar de ter que recoñecer que utiliza os fondos do Concello para pagar persoal da súa campaña

O candidato socialista reprocha ao Alcalde que considere normal a situación, e insiste en solicitar o cese da xefa de campaña do PP que cobra do Concello

Varela replica a Fole que “se o que propón é debatir, levo meses facendo propostas e presentando un proxecto. Debatimos cando Fole queira sobre calquera cousa”.

Vilagarcía de Arousa, 22 de abril de 2015.- O candidato socialista á Alcaldía, Alberto Varela, respondeu hoxe ao alcalde Tomás Fole polas declaracións feitas públicas no día de onte sobre a utilización fondos públicos para pagar a súa xefa de campaña, cuestión que o candidato do PP asumiu como certa explicando que non había problema con eso.

Varela manifestou que o feito de que Fole “faga como se nada pasase” amosa que “o seu concepto dun funcionamento natural, lexítimo e democrático da administración está polo chan”. O candidato socialista admitiu que esperaba unha reacción “máis adecuada ao seu cargo, asumindo erros e actuando en consecuencia co cese da xefa de prensa dado que está actuando como traballadora do partido”, mais afirmou que tampouco se sinte decepcionado polo Alcalde porque “tristemente, é coñecida a súa actitude”. Afondando no asunto, Varela afirmou que “no propio PP hai persoas que se sonroxan ante a actitude que está tomando Fole, facendo e xustificando estes comportamentos. Eu enténdoos”.

Varela Paz respondeu tamén ás peticións do Alcalde de debatir sobre o propio candidato socialista, ao que plantexou que “debatamos de todo. Eu levo meses presentando un proxecto para Vilagarcía, unha idea de presente e de futuro. Estou encantado de explicarllo a Fole a nosa idea e de debatir sobre ela. Xa o plantexei no seu momento e sigo insistindo , creo necesario que existan debates e estou disponible en calquer momento e sobre calqueira cuestión. Aínda nun primeiro momento Fole agochouse, gardo que agora non dé marcha atrás. Agardo que cese a súa xefa de campaña para que non cobre dos cartos de todos e, despois, diga coma min que está a disposición para falar abertamente”. 

Alberto Varela compromete desenvolver un Plan de Fomento da Lectura, con especial atención aos máis pequenos

O candidato socialista lamenta que este goberno decidira eliminar os programas do Lectoriño

Varela aproveitou a celebración mañá do día do libro para apostar por unha “promoción de hábitos de lectura, que alimenten unha formación crítica e completa”

Vilagarcía de Arousa, 22 de abril de 2015.- Alberto Varela presentou hoxe o Plan de Fomento da Lectura que pretende implantar durante os próximos anos. O candidato socialista pretende que este plan consista no desenvolvemento de actividades e campaña de concienciación da lectura, así como atender especialmente á semana da celebración do día do libro con actividades específicas.

Varela incidiu especialmente no impacto que este plan debería ter nos máis pequenos, e plantexou colaboración entre o Concello e os centros educativos para “alimentar un dos hábitos máis positivos que se poden inculcar aos rapaces”. Varela Paz apuntou que “existe un evidente déficit de lectores, que vai en aumento nos últimos anos, cando a lectura resulta un valor necesario na educación e formación”, e polo tanto considera que “as administracións deben facer por promover os hábitos positivos, que redunden nunha educación crítica e constructiva da cidadanía”.

Varela Paz apuntou que, ademáis de campañas e actividades de promoción da lectura, os socialistas valoran a creación de bibliotecas abertas, coa habilitación de espazos en lugares públicos como prazas ou xardíns, onde se poidan resguardar libros abertos a uso por parte de calquera cidadán, que poderían deixar un e coller outro, o que convertiría estes lugares en puntos de intercambio. Abogou, ademáis, pola posibilidade de establecer unha feria do libro, “como xa houbo no pasado e que tamén se perdeu” . O alcaldable sinala que, con apoio suficiente, esta feira podería convertirse nunha actividade de referencia que contribuira a “recuperar a referencia cultural que foi Vilagarcía no pasado e que con este goberno perdeu a favor doutras poboacións de Arousa, como A Illa, que se aproveitaron da inoperancia deste goberno.

O candidato socialista afondou na proposta, para comparar co feito de que anteriores gobernos puxeron en marcha o programa Lectorín (posteriormente Lectoriño) e, non entanto, a chegada deste goberno municipal eliminou este programa. Varela entende que “o PP ten unha teima fronte á lectura, fronte á cultura en xeral, que evidencia a súa vontade dunha sociedade máis formada. Non é a nosa visión”. 

Alberto Varela debateu o seu modelo de política deportiva para Vilagarcía nunha xuntanza con clubes e usuarios das instalacións deportivas

Varela plantexou a dobre visión do deporte como ferramenta de ocio e formación integral, especialmente nos nenos e nenas, e o seu valor turístico e de impacto económico

Os clubes amosaron a súa dispoñibilidade para colaborar máis nunha reorganización da Fundación de Deportes con maior participación

Vilagarcía de Arousa, 21 de abril de 2015.- Alberto Varela mantivo na tarde-noite de onte unha xuntanza con clubes deportivos e usuarios das instalacións de Vilagarcía, na que debateron sobre as propostas que os socialistas presentan a estas vindeiras eleccións municipais, e avanzaron sobre ideas de futuro para a reorganización e mellora da política deportiva de Vilagarcía.

O candidato socialista iniciou a xuntanza expoñendo a idea da concepción dual do deporte, ao igual que no eido cultural, que aspira a unha dobre función. Por unha banda está a vertente dirixida ao ocio e vida saudable, onde Varela Paz incidíu na importancia especial no traballo con nenos e nenas, dado o carácter formativo do deporte. Varela lembrou que “eu levo practicando deporte dende que era moi pequeno, e realmente valoro moito as cousas que aprendín grazas ao deporte. Creo que debemos potenciar a labor formativa en valores”. Orientado a esta función, Varela resaltou a importancia de manter as instalacións de maneira adecuada pois “incluso dende un punto de vista económico, o máis eficiente é manter ben o que xa é propio”. Alberto Varela lembrou a figura de Adolfo Pedrido, concelleiro socialista no primeiro goberno democrático que “xa en 1979 apostaba pola cidade deportiva en Fontecarmoa”, e defendeu o valor das instalacións deportivas que, baixo o seu criterio “son mellorables, pero constitúen un innegable valor que durante anos se foi construíndo. Temos unhas boas instalacións, hai que saber utilizalas e agora esto non está a ocorrer”.

Destacando a labor dos clubes, Varela apuntou que cree no modelo participativo, no que a Fundación de Deportes funcionou correctamente durante moito tempo e axudou a consolidar unha estrutura deportiva “envexada por outros Concellos”. “Mais o Concello non pode vivir aproveitándose do labor dos clubes, senón que ten que ter unha labor coordinadora, de dirección técnica e deportiva sobre os obxectivos estratéxicos e comúns. Esto agora non ocorre e dende a concellería de Deportes funciónase de maneira pasiva e aletargada”. A xuntanza permtíu un debate aberto de ideas no que Varela afirmou constatar que “nen sequera existe contacto real entre as persoas que dirixen a política deportiva de Vilagarcía e os clubes. As persoas á fronte dos órganos deportivos teñen que estar apegados aos clubes e visitando as instalacións, con persoal técnico que coñeza as súas dinámicas e realidades. Houbo bos exemplos no pasado, agora non ocorre”.

Por outra banda, Varela destacou o valor que o deporte ten como sector de impacto económico para Vilagarcía. A importancia que adquiren as competicións deportivas, e apuntou Varela á última Semana santa que acolleu varios eventos, necesita que “tomemos este eido coa importancia que merece. O impacto económico nunha cidade de servizos como Vilagarcía é fundamental. Debemos esforzarnos por estar á altura como Concello, para facilitar e planificar correctamente a organización de eventos ao longo do ano”. O candidato socialista amosou a súa absoluta dispoñibilidade para promover e apoiar a celebración de actividades que atraian visitantes, o que apuntou que é “un eixo clave da nosa visión estratéxica da Vilagarcía do presente e do futuro”, e por iso comprometeu ante os presentes a súa dedicación a sacar adiante os proxectos que se presenten neste sentido, e a tratar de alimentar estas posibilidades no futuro.

AXENDA SEMANAL - ALBERTO VARELA

Axenda semanal de Alberto Varela do 20 ao 26 de abril: 

Luns 20 de Abril de 2015

20:00

Encontro sectorial sobre deporte

Lugar: Seminario 1 do Auditorio Municipal

Martes 21 de Abril de 2015

20:00

Reunión co equipo de campaña e candidatura municipal

Lugar: Sede PSdeG – Vilagarcía

Mércores 22 de Abril de 2015

12:00

Presentación programa de fomento da lectura  

Lugar: Sede PSdeG – Vilagarcía

17:00

Visita praia e paseo marítimo   

Lugar: Praia Concha-Compostela

Xoves 23 de Abril de 2015

Conmemoración do Día Internacional do Libro

Sábado 25 de Abril de 2015

09:00

Mesa Convención Municipal Psdg-Psoe

Lugar: Palacio de Congresos de Santiago de Compostela

21:30

Acto Presentación Ádega Cine Clube

Lugar: Praza da Peixería

Domingo 26 de Abril de 2015

12:30 - 14:30

Pregunta o teu Candidato (Formato de encontro aberto á cidadanía)

Lugar: Xardíns de Dona Concha (Vilaxoán) 

Alberto Varela aposta por reforzar o departamento municipal de Servizos Sociais con máis recursos persoais e económicos

O candidato socialista reuniuse onte con representantes de entidades sociais de Vilagarcía para expoñer o programa en materia de Educación, Sanidade e Servicios Sociais

Entre os asistentes, agradeceuse a Varela e ao seu equipo que se incluiran no programa algunhas ideas recollidas nas xuntanzas individuais con cada colectivo

Vilagarcía de Arousa, 17 de abril de 2015.- O candidato socialista á Alcaldía de Vilagarcía, Alberto Varela, continúa presentando as principais áreas do seu programa electoral ante os colectivos e entidades sectoriais. Neste caso Varela mantivo unha xuntanza con representantes dos sectores englobados no área de Benestar, no que os socialistas enfocan Educación, Sanidade e Servizos Sociais, e no que se atoparon membros de todos estes sectores.

Varela expuxo as ideas xa coñecidas en materia de educación e sanidade, focalizadas nas necesidades de infraestructuras e o seu mantemento.

No tocante ao ámbito dos servizos sociais, Varela Paz defendeu unha política de valores transversais, centrada na igualdade de oportunidades, e con atención á diversidade e aos colectivos minoritarios e con posibilidade de exclusión. Para elo apostou por reforzar na medida do necesario o área municipal de servizos sociais, e criticou as reformas do PP nas que "dende o goberno central limitan o incremento de persoal equiparando a importancia das distintas áreas escudándose na crise, cando en realidade servizos sociais debería non soamente estar fora desas limitacións senón que debía estar promovéndose o incremento dos recursos", e apuntou cara o Alcalde ao afirmar que "a pesares de Montoro, parece que Fole esfórzase por encontrar solucións ante a lei pero non para investir en servizos sociais, se non para que cos cartos públicos lle paguemos un equipo de campaña electoral". Alberto Varela lembrou ao anterior goberno, quen case duplicou o investimento en política social, "onde Ana Lorenzo fixo unha gran labor e Dolores García soubo valorar as necesidades e reduciu outras partidas para incrementar esta".

O candidato do PSdeG apostou de maneira fundamental polo asociacionismo e a acción colectiva, agradecendo a todos a súa implicación nas organizacións nas que participan, e incidiu na importancia de que o Concello contribúa á coordinación entre entidades. Asemesmo, e continuando coa idea xeral que está a defender en todas as áreas, Varela apuntou que é necesario facilitar a participación dos axentes sociais involucrados na planificación de actividades e accións a desenvolver.

O alcaldable socialista avanzou as medidas que se atopan no seu programa electoral, que estes días ve a luz e que os socialistas presentan en varios formatos (web, escrito e a través das xuntanzas). Neste sentido puxo especial atención nos mais pequenos, e apuntou que "non podemos mirar mais lonxe se os nenos da nosa sociedade pasan dificultades" e avanzou un Plan de Alimentación Infantil, co obxectivo de garantir unha correcta alimentación de nenos e nenas. Alberto Varela lembrou que o grupo socialista presentou esta moción durante esta lexislatura, pero que coincidiu en tempo con que o PP preferira gastar 12.000€ en mobles para a Alcaldía.

Varela apuntou tamén algunhas ideas que considera que "pódense levar a cabo para facilitar a inclusión social de colectivos desfavorecidos, e que non precisan de grandes investimentos senón de vontade e esforzo", como a captación de fincas grazas a acordos por bonificacións fiscais aos propietarios, co fin de convertilos en hortas urbanas cultivadas por persoas con estas dificultades de inclusión social.

En termos de conciliación, Alberto Varela amosouse partidario de facilitar a apertura dos comedores escolares en épocas non lectivas, para favorecer a conciliación laboral e familiar, sendo esta unha reivindicación amosada polas ANPAs durante esta lexislatura. 

Alberto Varela afirma que se manterá firme nas reivindicacións en materia de sanidade e educación ante a Xunta de Galicia

O candidato socialista volveu a reclamar a necesidade dun novo centro de saúde, para o que “a antiga Comandancia de Marina é o emplazamento ideal”, e a dignificación do Hospital do Salnés

Lamentou tamén que as obras de mantemento dos centros educativos se anuncien “chegadas as eleccións” despois de anos sen facer nada e sen garantía de se irán adiante.

Vilagarcía de Arousa, 16 de abril de 2015.- O candidato socialista á Alcaldía de Vilagarcía, Alberto Varela presentará hoxe as propostas máis importantes para o ámbito do Benestar, no que os socialistas engloban educación, sanidade e políticas sociais, nun coloquio aberto no Auditorio (seminario 1), no que está confirmada a participación de representantes de ONGs e profesionais do eido educativo e sanitario. Previamente a esta actividade, no día de onte o candidato socialista acompañouse de parte do seu equipo para manifestar algunha das reivindicacións que Varela mantén no seu programa electoral.

O candidato socialista, que conta na súa candidatura con membros do sector sanitario como a matrona Yolanda Carrera e o enfermeiro e sindicalista do sector sanitario Javier Mtnez. Fente, visitou de maneira simbólica o entorno da antiga Comandancia de Marina, para manter a reclamación na necesidade dun novo centro de saúde para Vilagarcía que ten o seu emplazamento ideal neste edificio. Varela sumou esta reclamación á da “dignificación” do Hospital do Salnés, que segundo o candidato “mantén a calidade que ten gracias a uns profesionais excelentes, que loitan cada día contra o ninguneo ao que os somete a Xunta de Galicia”. Varela non dubidou en remarcar que “para o PP, O Salnés é un territorio de segunda, e o que acontece co Hospital é unha mostra evidente”. Lembrou Varela que foi o goberno que encabezou Emilio Pérez Touriño o que concretou a eterna demanda da terceira planta e a ampliación de servizos do Hospital, mentres que “Feijoo non para de quitar servizos, para convertir o Salnés nun ambulatorio. Cada vez menos personal, cada vez menos recursos, cada vez menos servizos” e acusou a Fole de ser “un títere, que prefire calar diante dos seus xefes que defender aos seus veciños”. O socialista dixo que “calquera persoa de Vilagarcía é consciente de que as reivindicacións dun novo centro de saúde e dunha mellora do Hospital son as que máis apoio cidadá teñen, e con razón. Nos estaremos sempre na primeira fila desa reclamación. Pretendo ser o Alcalde que esixa o que nos merecemos ata que se cumpla. Non entendo outra maneira de representar aos vilagarciáns.”

O alcaldable socialista lamentou que “o PP pense que pode vir aquí a reírse dos veciños. A deputada Marta Rodríguez prometeu no seu día aquel famoso millón de euros do que só se soubo nunha noticia no periódico, pero nada máis. Feijoo prometeu trescentas veces a ampliación do Hospital, e as conselleiras de sanidade xa non saben nin cantas veces o repetiron. Se hai que prometer varias veces o mesmo, é que a promesa non vale de nada” espetou, mais sinalou a Fole ao indicar que “o problema é de quen vai de palmeiro a eses anuncios e logo cando se incumplen en vez de reclamar, xustifica”.

Diante da antiga Comandancia lembrou que foi con un goberno socialista na Xunta, sendo presidente Touriño e conselleira María Xosé Rubio, e con Javier Gago na presidencia do Porto, cando se firmou a cesión dos terreos para a construcción dun novo centro de saúde. “Aquel proxecto estaba encamiñado. O PP olvidouno. Eu estou por recuperar aquel proxecto, Fole non. Quero debatir de esto con el e quero saber por que non defende esta reivindicación”.

Varela Paz trasladou esta situación ao eido educativo, e apuntou que o sucedido cos centros de ensinanza ten todas as semellanzas. “Os colectivos do ámbito educativo, ANPAs, docentes e alumnos levan reclamando moito tempo melloras nos centros de necesidade urxente” referíndose a demandas como a reparación do CEIP Rosalía de Castro ou a construcción dunha nova aula de educación física en Rubiáns, ademáis dos accesos ao CEIP A Lomba e as serias deficiencias no CEIP Arealonga. Alberto Varela apuntou que “a Xunta olvidouse de Vilagarcía primeiro porque había un goberno de esquerdas, e agora porque Fole non ten forza para reclamar e reivindicar nada. Agora chegan as eleccións e o PP anuncia pouco menos que a resolución de todos os problemas por arte de maxia. É inconcebible”. Varela afirmou que “eu non me creo os anuncios a 40 días das eleccións” e afirmou que o mantemento dos centros é unha esixencia que un alcalde debe poñer nos primeiros lugares. “Agora non hai ningunha garantía de que realmente as obras se executen como deben e cando deben”. 

Alberto Varela pídelle ao alcalde que non continúe coa “desfeita” das obras electoralistas iniciadas en diversos puntos de Vilagarcía

Varela apunta que “era predecible que un goberno tan caótico terminara o mandato provocando o caos”

O candidato socialista considera unha “irresponsabilidade” que se inicien obras “sen medios, sen persoal e sen ter os terreos para elo”

Vilagarcía de Arousa, 15 de abril de 2015.- Alberto Varela, candidato a Alcaldía polo PSdeG-PSOE, visitou hoxe distintos puntos actualmente en obras en Vilagarcía, como o Piñeiriño, a Praza de España ou a rúa Ramón y Cajal, e afirmou que “o estado actual das intervencións é unha desfeita”. Varela acusou ao alcalde de “iniciar un descontrolado plan de obras, que como únicamente teñen o obxectivo electoralista de que os cidadáns pensen que se están facendo melloras, non están en realidade ben planificadas e non teñen visos de dar froitos”. Varela acusou a Fole de “provocar o caos coa súa obsesiva reacción de levantar agora toda a cidade”, aínda que ironizou indicando que “era previsible que un goberno tan caótico, tan falto de previsión e de capacidade, terminara a lexislatura provocando o caos”.

O candidato socialista repasou as obras municipais, das que destacou que “no Piñeiriño estase a facer unha chapuza, un día enterrando restos e outro levantando, poñendo xogos infantís que se retiran doutros lugares... Na Praza de España as obras están paradas, porque houbo tanta presa por iniciar que o alcalde non parou a mirar se poderían ser rematadas. En Ramón y Cajal comezaron as obras con un so operario ¿Que obra pensa Fole que se fai con un so traballador? E en Bamio resulta que queren facer un campo nuns terreos que non son propiedade do Concello”. Plantexados estos problemas Varela preguntouse “¿a que cabeza se lle ocorre levantar unha vila para montar tal desfeita?”. Particularmente sobre o que acontece coa propiedade dos terreos de Bamio para a construcción do campo de fútbol, Varela plantexa que “¿como é posible que o Concello adxudique unha obra sen ter a titularidade dos terreos? ¿Qué ocurre agora se eses terreos finalmente non se consiguen?”

Varela Paz achacou as problemáticas ao afán electoralista. “Fole pensa que, como noutros tempos pasados, iniciar obras a final do mandato vai darlle votos porque a xente vai pensar que se fan cousas. Mais os veciños e veciñas amosan ser bastante máis normales que o Alcalde, e están fartos de que se intenten estas tretas.

Finalmente, o alcaldable socialista plantexou que “se cadra o mellor é que Fole pare todo isto”, xa que considera que “semella que a intención é deixar como legado unha cidade levantada sen medios para terminar, e logo duns meses botarnos a culpa aos que teñamos que resolver os problemas que está a crear agora”. “Se cadra se paramos, Vilagarcía aínda pode organizarse para facer as cousas con xeito e ben feitas”.