O
candidatos socialista expón hoxe o seu modelo global na relación do Goberno
coas parroquias, e as súas principais propostas
Varela
plantexará a creación dos orzamentos participativos nas parroquias para
orientar os investimentos municipais, e a activación do Consello Veciñal
Vilagarcía de Arousa, 10 de abril de 2015.- O candidato socialista
á Alcaldía de Vilagarcía manterá esta tarde-noite no Auditorio de Vilagarcía un
encontro co conxunto das AAVV de Vilagarcía, no que constituirá para Varela
"a primeira xuntanza de facto do Consello Veciñal". Varela pretende
dar forma simbólica así ao órgano que se compromete a reactivar dende o Goberno
Municipal, o que supón de antemán a realización dun dos compromisos que o
candidato socialista ven plantexando ás AAVV.
Tanto Varela Paz como membros do
seu equipo veñen mantendo progresivamente xuntanzas coas AAVV do municipio, así
como con representantes veciñais das asociacións máis activas nas distintas
parroquias, como Mulleres Rurais, asociacións culturais e comunidades de montes.
Nestas conversas, os socialistas xa adiantaron as principais propostas, que
hoxe proporán a debate conxunto. De entre estas ideas Varela destaca tres como
fundamentais:
- Creación do Consello Veciñal,
que agrupe aos representantes veciñais das parroquias nun órgano colectivo, de
forma que se poidan organizar e coordinar mellor labores colectivas, como os
calendarios de limpezas, as actividades a realizar nos centros e outras.
- Presencia do Goberno de maneira
efectiva nas parroquias. Varela apunta que "a presencia do Goberno xunto
aos veciños implica dúas cousas: unha é estar, pero a outra é que sirva para
algo estar alí. O noso compromiso é que un membro do Goberno esté presente cada
dous meses en cada parroquia, e con capacidade efectiva de actuar a decidir,
porque non vale de nada ter a algún concelleiro paseando polas parroquias pero
que teña que non poida comprometer ningunha acción", afirmou Varela en clara
alusión á situación actual da que moitas AAVV se queixaron, segundo indica o
socialista.
- Elaboración dos Orzamentos
Participativos, "a imaxe do que plantexou a Deputación de Lugo,
pretendemos abrir aos veciños e veciñas a orientación dos investimentos que se
realicen nas parroquias. Xa o estamos a facer para o que plantexaremos como
propostas de campaña, pois as obras que comprometamos agora que faremos sendo
Goberno salen das consultas coas persoas de cada lugar, que son as que mellor
coñecen a súa realidade", indicou Varela.
A xuntanza de hoxe, en seguemento
destes puntos, servirá para intercambiar algunhas ideas que os colectivos
consideren de importancia e que os socialistas ábrense a asumir no seu
programa.
No hay comentarios:
Publicar un comentario