CANDIDATURA ELECCIÓNS MUNICIPAIS 2015

1. ALBERTO VARELA PAZ
39 anos.
Licenciado en Dereito. Experto en Dereito Urbanístico.

2. TANIA GARCIA SANMARTÍN
40 anos
Voceira Municipal. Sª de Organización Provincial.
Traballadora Social.

3. MIRO SERÉN MERA
54 anos
Mestre. Director do Colexio O Piñeiriño
Concelleiro

4. PAOLA MARÍA MOCHALES
34 anos
Arquitecta. Máster en Renovación Urbana e Rehabilitación.

5. LINO MOURIÑO SANTIAGO
38 anos
Licenciado Ciencias Políticas e da Administración
Concelleiro.

6. SONIA OUTÓN CASAL
34 anos.
Licenciada en Ciencias Políticas e da Administración
Experiencia laboral no ámbito sindical

7. JUAN ANTONIO PÉREZ CALLÓN
66 anos
Economista.
Candidato á Alcaldía (1987) e concelleiro (1987-1995)

8. LUZ ABALO PÉREZ
57 anos
Licenciada en Empresariales. Auditora e empresaria.

9. ÁLVARO CAROU GARCÍA
35 anos
Licenciado en Ciencias Políticas e da Administración. Máster en Recursos Humáns.
Concelleiro (2011)

10. MARÍA ARAÚJO REY
38 anos.
Traballadora Social
Concelleira (2003-2007)

11. GABRIEL GONZÁLEZ DÍAZ
22 anos.
Estudiante de Historia.
Membro de Xuventudes Socialistas.

12. REYES CASABELLA MOUTA
43 anos
Economista. Empresaria en consultoría.

13. DIEGO GARCÍA SANTIAGO
41 anos
Enxenierio Agrícola. Especialista en viticultura.

14. MATILDE LAYA LORENZO
47 anos
Traballadora UGT. Técnico en formación.

15. CARMELO GUERRA SÁNCHEZ
38 anos
Traballador portuario en desemprego

16. HELENA PÉREZ QUINTÁNS
25 anos.
Grado en Publicidad e Relacións Públicas.
Xuventudes Socialistas

17. FRANCISCO CUSTODIA BUCETA
41 anos.
Mariscador

18. YOLANDA CARRERA LORENZO
55 anos
Matrona. Expresidenta de Cruz Vermella

19. JAVIER MARTÍNEZ FENTE
54 anos
Enfermeiro.
Executiva Galega de UGT

20. MARI LUZ PÉREZ ARIAS
71 anos
Mestra xubilada

21. SESO GIRÁLDEZ
81 anos
Co-fundador da agrupación (1977). Exdeputado autonómico.
Candidato á Alcaldía (1983)

S1. MANUEL BARREIRO FERNÁNDEZ
67 anos
Xubilado

S2. SARA BARROS LAYA
18 anos.
Estudante de Traballo Social
Xuventudes Socialistas

S3. VICENTE LAGO CASTAÑO
63 anos.
Xubilado.

AXENDA SEMANAL - ALBERTO VARELA

Martes  10 de Febreiro de 2015

20:30 - 21:30

Reunión coa Asociación Contra Vento e Marea - A Laxe

Lugar: Centro sociocultural de A Laxe

Mércores 11 de Febreiro de 2015

20:00 - 21:00

Reunión coa AA.VV. de A Golpelleira – A Torre

Lugar: Centro sociocultural da Torre

Xoves 12 de Febreiro de 2015

19.00 - 21.00

Grupo de traballo Área de Benestar

Lugar: Sede PSdeG – Vilagarcía

Alberto Varela inicia as xuntanzas cos sectores produtivos de Vilagarcía, comezando polos hostaleiros e os comerciantes

No día de onte, Varela e Tania García acudiron á sede de Zona Aberta e a semana pasada o candidato socialista mantivo unha xuntanza co colectivo Ahituhi

Varela destacou que "a importancia fundamental na actividade económica destes sectores fai imprescindible traballar en conxunto, escoitar e dialogar constantemente"

Vilagarcía de Arousa, 6 de febreiro de 2015.- O candidato socialista de Vilagarcía comezou nas últimas semanas a visita aos principais sectores produtivos da cidade, iniciando esta acción con xuntanzas cos hostaleiros e os comerciantes. No día de onte, Varela e Tania García acudiron á sede de Zona Aberta e na semana pasada mantivo unha xuntanza coa dirección de Ahituvi. Varela apuntou que "a hostalería e comercio supoñen en torno ao 69% da actividade económica de Vilagarcía, polo que son dous colectivos que merecen unha atención prioritaria no proxecto da Vilagarcía que todos queremos para os vindeiros anos".

O candidato socialista compartíu a súa visión de Vilagarcía con estes colectivos, baseada na idea das potencialidades da vila debido a súa estratéxica posición nas comunicacións con Galicia e a meseta, e como punto de referencia da ría. Varela considera que "é posible extraer unha enorme produtividade da nosa situación, mais é necesario esforzarse e traballar para elo, e agora ninguén con responsabilidade de goberno nas administracións o está a facer".

Varela recabou as ideas dos colectivos, e incidíu en que "por riba de todo o que se poida aportar e poñer en marcha sectorialmente, o fundamental é a participación e o diálogo para as decisións de goberno. É imprescindible que os hostaleiros e comerciantes tomen parte daquelas iniciativas que os afectan, e a responsabilidade dun goberno local está en escoitar e plantexar obxectivos conxuntos".

Particularmente o candidato socialista puxo en valor as accións políticas desenvolvidas polo grupo socialista nesta lexislatura dende a oposición, destacando a oposición á creación de grandes áreas comerciais na periferia, como foi no intento do PP de impulsar un centro comercial nos terreos na antiga Megasa, ou a necesidade de promover dende a administración a realización de eventos e actividades que atraian xente a Vilagarcía durante todo o ano.

O Partido Socialista de Vilagarcía celebra este sábado 7 de febreiro unha xornada de portas abertas a cidadanía para escoitar as súas demandas

Os socialistas, xa metidos de cheo na elaboración do seu programa electoral para as municipais de maio, convocan aos veciños de Vilagarcía a participar na súa concreción

Vilagarcía de Arousa, 5 de febreiro de 2015.- O Partido Socialista de Vilagarcía celebrará o vindeiro sábado 7 de febreiro unha xornadas de portas abertas á cidadanía de 17:00 ata as 21:00 na súa sede da rúa Castelao, 18 para escoitar as ideas que teñen os veciños e que consideren que deberían ser incluídas no programa do PSOE de Vilagarcía para as vindeiras eleccións municipais.  O candidato á Alcaldía, Alberto Varela, participará tamén da xuntanza, pretendendo que participen o maior número de veciños e veciñas de Vilagarcía. Neste senso, Varela apuntou que “a cidadanía solicita participación, e con toda a razón pois os partidos políticos non podemos monopolizar a acción política, senón que temos que ser instrumentos de participación a través dos que transformar a sociedade. Os socialistas entendemos esta vontade e abrimos as nosas portas para todos os vilagarciáns, que ven como esta cidade está enquistada e adormecida. Queremos ser protagonistas do proceso de cambio de Vilagarcía e queremos selo coa maior participación posible”.

Dende o Partido Socialista convidan, ademais, a que quen non poida asistir a este encontro tamén pode facer chegar as súas propostas programáticas a través das redes sociais do PSOE Vilagarcía, tanto vía Twitter como Facebook e por suposto email (psdeg_psoevilagarcia@yahoo.es). Dende o PSdeG de Vilagarcía anuncian que non será a única xornada similar e que realizará outra similar a inicios do mes de marzo para pechar as propostas que se incluirán.

Sinalar tamén que hoxe xoves ás 21:00 o candidato Alberto Varela e a voceira municipal Tania García terán unha reunión con membros de Zona Aberta na súa sede para recoller ás demandas do colectivo de comerciantes de Vilagarcía tan maltratados polo actual Alcalde Tomás Fole.   

AXENDA SEMANAL - ALBERTO VARELA

AXENDA SEMANAL ALBERTO VARELA

Luns 2 de Febreiro de 2015

20:30 - 21:30

Reunión coa AA.VV. de Castragudín 

Lugar: Centro sociocultural de Castragudín

  

Martes 3 de Febreiro de 2015

 20:00 - 21:00

Reunión coa AA.VV. de Cornazo

Lugar: Centro sociocultural de Cornazo  

  

Mércores 4 de Febreiro de 2015

20:00 - 21:00

Reunión coa AA.VV. de O Xisto

Lugar: Centro sociocultural de O Sixto

  

Xoves 5 de Febreiro de 2015

21:00 - 23:00

Reunión con Zona Aberta

Lugar: Sede de Zona Aberta na Rúa Gumersindo Nartallo

  

Venres  6 de Febreiro de 2015

20:30 - 21:30

Reunión coa AA.VV. O Souto de Rubiáns e a Comunidade de Montes

Lugar: Centro sociocultural de Rubiáns

Preguntas parlamentarias e Proposición Non de Lei (PNL) do PSdeG sobre Lantero

O venres 23 de xaneiro, o PSdeG presentou no Parlamento, a través da deputada Patricia Vilán e tras unha xuntanza cos representantes do PSdeG de Vilagarcía Alberto Varela e Tania García, unha serie de iniciativas parlamentarias sobre a situación da empresa Lantero e conflicto laboral existente. Concretamente, rexistráronse 5 preguntas ao Goberno da Xunta e unha PNL instando ao ente autonómico a intervir na situación para tentar de axudar a resolver o conflicto.

Ademáis, no vindeiro luns os socialistas presentaremos no Valedor do Pobo un escrito demandando a información que a Xunta está a negar sobre as subvencións concedidas á empresa Lantero, e para coñecer os posibles condicionantes que poidan ter sobre a plantilla e as condicións laborais. 

----------------------------------

O 14 de outubro de 2014, o grupo parlamentario socialista solicitaba á Xunta de Galicia copia das resolucións definitivas de concesión de axudas públicas á entidade empresarial “LANTERO EMBALAJE” (cunha factoría sita en Vilagarcía de Arousa), tanto se fose adquirida con fondos propios como con fondos da UE e/ou do Estado. Esta solicitude foi remitida á Consellería de Presidencia con data 21 de outubro e, ante a pasividade do goberno, reiterada o 27 de novembro.

Os traballadores de “LANTERO” levan máis de 100 días de folga (dende o día 13 de outubro), nun conflicto laboral que xa é un fito na historia da loita obreira en O Salnés. Aínda máis, a súa é unha das folgas máis longas de Galicia; 24 horas de garda ás portas da nave de O Pousadoiro. A maior abundanza, o día 21 de outubro o Xulgado do Social nº 2 de Pontevedra declarou legal a folga.

E cal é a resposta da empresa? 48 traballadores xa teñen recibido a súa carta de despido. No propio documento de despido, a empresa fala da vía do despido colectivo para subcontratar o servizo prestado polos traballadores despedidos. 48 traballadores dos máis de 100, das máis de 100 familias que en Vilagarcía de Arousa e a súa comarca vivían do traballo nesta empresa.

Mentres, malia pedila, a Xunta de Galicia non entrega a documentación que se lle pediu ao día seguinte do inicio da folga nen tenta mediar para tentar solucionar o problema.

           

PREGUNTAS:

1.- Ten coñecemento o goberno da Xunta da situación da entidade empresarial “LANTERO EMBALAJE” (cunha factoría sita en Vilagarcía de Arousa)?

2.- Que pasou coas axudas públicas á empresa, tanto en fondos da Xunta, da UE e/ou do Estado?

3.- Por que o goberno non entrega a documentación solicitada por este grupo parlamentario relativa ás axudas, dadas a gravidade e urxencia do problema?

4.- Cal é a opinión do goberno sobre a actitude da empresa cos traballadores?

5.- Vai mediar a Xunta de Galicia entre o a empresa e a representación dos traballadores para tentar solucionar o conflicto?

PNL:  Por todo o exposto, o Grupo Parlamentario dos Socialistas de Galicia presenta a seguinte Proposición non de lei para o seu debate en Pleno:

O Parlamento galego insta á Xunta de Galicia a que medie entre a entidade empresarial “LANTERO EMBALAJE” e a representación dos traballadores, para tentar solucionar o conflicto da factoría en Vilagarcía de Arousa.

O Partido Socialista denuncia que a Xunta “oculta” a información que solicitaron hai tres meses sobre as axudas públicas concedidas a Lantero

Alberto Varela anuncia que, de non recibir resposta inmediata, acudirán ao Valedor do Pobo para obligar á Xunta a dar unha información que xa tiña que ter facilitado

O secretario xeral do PSdeG, José Ramón Gómez Besteiro, estará mañá en Vilagarcía para reunirse cos traballadores e o comité de empresa

Vilagarcía de Arousa, 15 de xaneiro de 2015.- O Partido Socialista de Vilagarcía reclama que leva tres meses agardando pola información solicitada á Xunta de Galicia sobre as axudas públicas concedidas á firma Lantero, que os socialistas solicitaron xa no inicio do conflicto laboral para comprobar se existiron condicións relativas á plantilla de traballadores ou o mantemento do emprego. Os socialistas, a través da súa voceira municipal Tania García, iniciaron esta acción xa en outubro, que se concretou cando o día 21 daquel mes a deputada Patricia Vilán presentou a solicitude para recabar a información relativa ás axudas públicas concedidas á empresa. Os socialistas alertan que aínda non recibiron resposta algunha, o que consideran unha “ocultación da información”. A propia deputada Patricia Vilán presentou un escrito insistindo na solicitude, sobre o que tampouco recibiu resposta.

O candidato socialista á Alcaldía, Alberto Varela, advertiu que, de non obter a información inmediata nos vindeiros días, os socialistas teñen preparado acudir ao Valedor do Pobo. “Resulta extraordinariamente sorprendente que unha administración como a Xunta de Galicia sáltese manifestamente todos os prazos e a decencia administrativa ocultando información”, expresou Varela. O alcaldable socialista non eximiu de responsabilidade a Tomás Fole, do que dixo que “se os cidadáns tiveran a mínima sensación de que Fole ten algún interese en solucionar o conflicto, ou polo menos en que os traballadores teñan dereito a coñecer a información sobre a situación, podería ter botado unha mano ou directamente ser el mesmo o que solicitase a información”, mais concluiu que “xa ninguén conta con que este Alcalde axude a solucionar nada”.

Visita de José Ramón Gómez Besteiro

Os socialistas anunciaron tamén que mañá, sendo ésta a semana en que se iniciou o xuicio sobre a folga dos traballadores, o secretario xeral do PSdeG José Ramón Gómez Besteiro acudirá a visitar aos traballadores e reunirse co comité de empresa de Lantero, para coñecer a actualidade dos últimos días e ter contacto de primeira man cos traballadores. “Moitos compañeiros e compañeiras, de todos os puntos de Galicia, pregúntannos e interésanse pola situación dos traballadores de Lantero. Recibimos moitas chamadas e consultas sobre unha situación tan dura de militantes que se atopan en defensa doutras situacións de conflicto laboral e compañeiros dos sindicatos que se preocupan por eles. A visita do compañeiro Besteiro, como xa o foi a da compañeira Pilar Cancela, secretaria de organización, e a da propia deputada Patricia Vilán que estiveron nas movilizacións anteriores, pretende trasladar tamén esa solidaridade”, recalcou Alberto Varela.

Gómez Besteiro e Varela celebrarán ás 20.30h na sede dos socialistas unha asemblea aberta a calquera veciño/a que queira asistir na que debatirán sobre as propostas e preguntas que trasladen os asistentes sobre a situación política de Galicia e Vilagarcía.