Convocatoria Asemblea Ordinaria

CONVOCATORIA ASEMBLEA ORDINARIA

Data:           Venres, 26 de novembro de 2010

Hora:          20.00h en primeira convocatoria

                   20.30h en segunda convocatoria

Lugar:          Casa do Pobo. Sede do Partido.

                   Rúa Castelao 18, entrechán.

ORDE DO DÍA

1. Constitución da Asemblea e elección da mesa
2. Lectura e aprobación, se procede, da acta da Asemblea anterior
3. Informe político e de xestión da Comisión Executiva Municipal
4. Calendario e procedemento Eleccións Municipais 2011
5. Rogos e preguntas

Secretario de Organización                            Secretaria Xeral     

Álvaro Carou García                                     Tania García Sanmartín

xoves, 11 de novembro de 2010

Inauguración da reforma da sede

O pasado venres a sede da nosa Agrupación Municipal de Vilagarcía de Arousa abriu as súas portas despois do proceso de reforma que a mantivo cerrada durante os últimos meses. Para esa inauguración celebrouse un acto na propia sede, que convocou a militantes e simpatizantes socialistas non soamente de Vilagarcía senón de toda a comarca, e que tivo como convidado especial a José Blanco, Vicesecretario General do PSOE, que presidiu a inauguración.



Fuente: La Voz de Galicia



O compañeiro Pepe Blanco, que simbolizou o acto coa firma no libro de visitas da sede, interveu ante os presentes resaltando a importancia desta convocatoria, que reunía a tantos socialistas nunha reforma que servía de icono para o proceso de continua transformación que ocorre no noso partido, no que sempre se busca unha constante mellora. O Ministro de Fomento, apelou as súas responsabilidades orgánicas e institucionais para lembrar que "os socialistas pasamos por momentos moi difíciles na historia deste país, pero sempre saímos adiante gracias ao traballo e ás conviccións nas que nos apoiamos", e instou a todos os compañeiros a explicar o proxecto socialista para que a situación actual a poidamos superar. En clave local, Blanco resaltou a presencia dos tres rexidores municipais socialistas da recente historia de Vilagarcía, José Recuna, Javier Gago e Dolores García, para a que tivo unhas especiais palabras de agradecemento polo seu sentido da responsabilidade e de respeto ao partido, ademáis de agradecerlle o traballo desenvolvido ata o de agora. Con eles, Blanco recalcou a idea de que o futuro de Vilagarcía pasa polo feito de que "será alcalde quenes vós decidades", en alusión aos militantes locais.

Fuente: Faro de Vigo

 Precedendo a Pepe Blanco no turno de palabra, Pablo García, secretario de organización do PSdeG recoñeceu que "percíbese un gran traballo detrás de este espazo" e que "tedes a mellor sede do partido de toda Galicia", e mostrouse confiado nos resultados do partido en Vilagarcía e en toda a provincia.

No mesmo sentido manifestouse Modesto Pose, secretario xeral do PSdeG na provincia de Pontevedra, quen apuntou directamente á Deputación de Pontevedra como obxectivo provincial que será alcanzado polos socialistas no ano vindeiro tras as eleccións municipais. Ademáis de Modesto Pose, interviu tamén a secretaria xeral de Vilagarcía, Tania García, que expresou que "esta é unha sede nova para o socialismo de sempre".

Entre ambos, os compañeiros de Vilagarcía coa máxima representación no partido e en representación da executiva local e de todos os compañeiros, quixeron mostrar o seu profundo agradecemento a todos os que puxeron o seu esforzo para chegar a este día. En particular quixeron agradecer de forma muy cálida o traballo de Carlos Berride, compañeiro que se encargou de facer o proxecto e deseño da sede. Tamén destacaron o traballo de José Antonio Cora Mouriño, a quen a secretaria xeral destacou como "o alma máter desta reforma". Por último Tania García quixo manifestar o seu agradecemento a Lino Mouriño, anterior secretario xeral, e ao propio Modesto Pose, quenes consolidaron a sede como propia para o Partido Socialista durante a dirección orgánica local de Lino Mouriño.

Os compañeiros de Vilagarcía reiteramos estes agradecementos, e damos por iniciado un novo período de traballo e ilusión, nunha sede que é, máis que nunca, a Casa do Pobo, e que está lista para acoller todos os proxectos persoais e grupais que, dende os principios do socialismo, teñan como fin o ben común.

Cursos de Formación

La Fundación Jaime Vera ha difundido la información referente a los cursos de formación que desarrollará en el trimestre octubre - diciembre de este año 2010. En la web de la propia Fundación: http://www.fundacionjaimevera.es/ , en el apartado "Formación" se puede encontrar toda la información referente.

En esta oferta se puede encontrar tanto formación a distancia como presencial. El listado de cursos para este último trimestre de año es:

La Fundación Jaime Vera ofrece condiciones de matrícula especiales a los militantes del PSOE y de Juventudes Socialistas.

Entrevistas á Alcaldesa Dolores García

No día de hoxe publícanse nas edicións de Arousa de La Voz de Galicia e de Faro de Vigo, sendas entrevistas coa Alcaldesa Dolores García, a raíz do seu anuncio do pasado xoves da renunciar a ser candidata á alcaldía de Vilagarcía nas vindeiras eleccións do ano 2011. Polo seu especial interese, deixamos aquí os enlaces aos extractos das dúas entrevistas publicadas en internet.

Fuente: José Luiz Oubiña
Faro de Vigo

Fole non ten peso, pero pode estar ben para ir de copas"

Fonte: La Voz de Galicia
http://www.lavozdegalicia.es/arousa/2010/09/26/0003_8747636.htm 

"Ni soy una mártir, ni el PSOE me echa. Me marcho yo porque primero está mi salud"

Fonte: Faro de Vigo

http://www.farodevigo.es/portada-arousa/2010/09/26/martir-psoe-echa-marcho-salud/476060.html

En resposta ás declaracións dos grupos políticos sobre o comunicado da Alcaldesa

PP e EU posiciónanse conxuntamente en declaracións fóra de lugar

A elegancia mostrada pola Alcaldesa Dolores García no proceso da súa renuncia a ser candidata no 2011, chocha frontalmente coas declaracións insidiosas e faltas de respeto de PP e EU.

Vilagarcía de Arousa, 25 de setembro de 2010.- As declaracións públicas da Alcaldesa de Vilagarcía, anunciando a súa renuncia a ser candidata polo Partido Socialista para as vindeiras eleccións municipais de maio de 2011, veñen de provocar diversas reaccións nos portavoces dos distintos partidos políticos de Vilagarcía que dende a nosa formación estimamos importante valorar. É necesario destacar as visións á altura das circunstancias que mostraron Castro Ratón e Rivera Mallo, mostrando o respecto polas declaracións da Alcaldesa que, pola súa parte, foron nítidas sobre a súa decisión. Sen embargo pola outra banda, e unha vez máis, a coalición que EU e o PP teñen amarrada en Vilagarcía volveuse poñer de manifesto na coincidencia das súas declaracións.

Mentres Tomás Fole utiliza terminoloxía totalmente fóra de lugar, é necesario dicir que, pola contra do que o PP considera, os únicos que teñen posibilidade de outorgar alcaldías e credibilidade aos proxectos políticos son os cidadáns. Segundo a representatividade que éste manifestan nas furnas, cabe recordarlle ao señor Fole que sexa quen sexa a persoa que encabece o proxecto socialista, el sempre é, e será, oposición. Pero todavía máis inconcebible resulta que sexa precisamente Tomás Fole quen, pretendéndose situarse como un medium de medio pelo, tente de trasladar á opinión pública unha información falsa, facendo elucubracións imposibles sobre a realidade do PSdeG. Dende a nosa formación política consideramos que os procesos internos dos partidos son cuestións precisamente internas, e precisamente por iso non manifestamos a nosa opinión durante os tempos do último congreso local do PP no que, xa que o señor Fole fala de movementos internos, a imaxe que deron como partido foi patética, con xogo sucio, descalificacións persoais e acusacións de enchufismo.

De igual modo Esquerda Unida, que volve a traballar para o PP facéndolle de ariete descontrolado, fai unha mistura de opinións da que soamentes se poden extraer descalificacións, que ás veces semella que é a única opinión política que ten EU. Pero sen embargo cabe recordar que está na mesma situación do PP en Vilagarcía, pois todavía estes días temos noticias que nos recordan a maniobras do tándem dictatorial Fajardo-Bueno, máis propias do polit-buró, saltándose ampliamente a vontade dos cidadáns que votaron unha lista electoral, enviando ao seu xa excompañeiro Mariano Ibáñez ao gulag, e designando a dedo aos representantes públicos.

Quizáis o que se pode comprobar nestas declaracións é o nulo concepto democrático que preside ambas formacións, PP e EU, pois o seu único obxectivo é alcanzar cotas de poder. Non conseguen concebir que haxa outras formacións políticas nas que os seus representantes vexan a política como un servizo aos cidadáns, que esixe unha dedicación absoluta e que, cando as persoas consideran que deron todo o que tiñan pero que non poden asegurar continuar ao 100%, prefiren que outros tomen o relevo. Ese concepto de aferrarse ao poder que Fole, Fajardo e Bueno destilan, e a continua frustración á que se ven sometidos por comprobar que os cidadáns prefiren outras formacións políticas para que os representen, é o que lles impide ver a realidade como é, interpretala segundo as súas ansias incalculables e acabar posicionándose conxuntamente de forma repetida.

Dolores García anuncia a súa renuncia a encabezar a candidatura socialista municipal no ano 2011

A Alcaldesa Dolores García, anunciou publicamente o pasado xoves a súa renuncia a encabezar a candidatura do Partido Socialista nas vindeiras eleccións municipais de maio de 2011. A nosa compañeira Dolores fixo público o anuncio despois de informar á secretaria xeral local, ao secretario xeral provincial e ao secretario xeral galego, así como aos seus compañeiros do grupo municipal socialista e aos compañeiros socios de goberno do BNG. Despois de ofrecer unha rolda de prensa informando da decisión, a Alcaldesa acudiu á sede do partido para expoñer á comisión executiva local a situación. 

Nas distintas declaracións feitas pola Alcaldesa, sinalou que esta foi "unha decisión toma por motivos persoais, feita dende o convencimento e a convicción de ter entregado o mellor de min". Dolores García quixo salientar o "apoio en primer lugar do meu partido, que depositou a súa confianza en min, especialmente á executiva local e á secretaria xeral, do secretario provincial e da executiva galega. Por suposto, tamén o apoio dos meus compañeiros de goberno, sen distinción de siglas. E tamén aos traballadores do Concello, especialmente a aqueles que tiveron unha labor máis próxima e aos que compartiron conmigo este día a día".

Na intervención ante os medios de comunicación, a Alcaldesa glosou de maneira xeral os principais logros do Goberno Municipal durante o mandato que ela presidiu, incidindo especialmente no modelo de cidade proposto, facendo unha vila "máis humana e máis habitable". Referiuse tamén á recuperación de Cortegada como un dos puntos máis importantes da súa lexislatura. Non se esqueceu tampoco da aposta polos Servizos Sociais, "que baixo o meu mandato experimentaron un incremento presupuestario dun 100%", así como a "mellora dos servizos e a administración municipal". Dolores García, rematou o seu comunicado con unha declaración moi emotiva do seu concepto profundamente democrático da sociedade e do sentido da política como servizo aos cidadáns, expresando que "a miña tarefa e a miña acción como gobernante estivo e estará adicada ata o final ás persoas", recordando que desenvolverá a súa labor ata o momento do traspaso de poderes.

"Ten sido para min un orgullo e unha honra traballar por Vilagarcía. Viñen a servir e nesto tiven posto todo o meu empeño", finalizou.

A Comisión Executiva Municipal, por medio dunha rolda de prensa ofrecida pola secretaria xeral Tania García e o secretario de organización Álvaro Carou, ofreceu o venres a postura do partido acerca da nova situación. Nesta comparecencia, a secretaria xeral quixo manifestar por enriba de todo "o agradecemento á Alcaldesa Dolores García pola súa labor pública no nome de todo o partido". Os representantes socialistas destacaron a claridade nas súas opinións de Dolores García, e agradeceron de forma moi sinceira as verbas de agradecemento que a Alcaldesa lles dedicou no seu anuncio, destacando que "mostran o sentimento de pertenza a este partido, que dende aquí devolvemos á nosa compañeira". Ademáis, dende a Executiva Municipal quixeron destacar a "elegancia coa que Dolores García afronta este momento tanto nas formas como no procedemento, que amosan a calidade humana da nosa Alcaldesa". Sinalaron tamén que "a renuncia da compañeira Dolores García, coa honestidade coa que ela se mostrou, permítenos tamén a oportunidade de afrontar co tempo necesario unha nova estapa ilusionante para presentar unha proposta á cidadanía que continúe a facer que os vilagarciáns se sintan representados polo Partido Socialista de forma maioritaria, como así ven sendo durante case 20 anos". 

Ante as preguntas dos medios de comunicación sobre nomes e posibilidades para definir ao novo candidato ou candidata para encabezar o cartel electoral, Tania García sinalou que "o procedemento que o Partido Socialista vai seguir ven marcado por uns prazos e formas definidos dende a Comisión Executiva Federal, que todavía non concretou para as cidades entre 20.000 e 50.000 habitantes. Ademáis hai que ter en conta que, fronte aos demáis partidos que se ven na tarefa de propoñer candidatos electorais, o Partido Socialista non ten que propoñer a un candidato senón a un futuro alcalde ou alcaldesa, pois a importancia que o PSdeG ten en Vilagarcía fan saber que na vindeira lexislatura a nosa vila seguirá a contar cun alcalde ou alcaldesa socialista."

Comunicado oficial do PSdeG sobre a difusión de infomación electoral

Vilagarcía de Arousa, 2 de setembro de 2010.- Ante as informacións aparecidas en distintos medios de comunicación nas últimas 24 horas, acerca de cuestións relativas á candidatura electoral que presentará o Partido Socialista de Vilagarcía ás eleccións municipais do vindeiro ano, a Comisión Executiva Municipal do PSdeG en Vilagarcía quere facer públicas as seguintes cuestións:

1.       A Comisión Executiva Municipal do PSdeG en Vilagarcía é a máxima representación do partido a nivel local entre congresos, e as valoracións, opinións e declaracións públicas do Partido Socialista son ofrecidas polos cauces formais. Outras vías de información non son representación do Partido Socialista.

2.       O Partido Socialista non fixo público ningún resultado de ningunha enquisa, nin de carácter electoral nin de ningún outro tipo, durante todo o período desta lexislatura municipal.

3.       Non existe, nin existiu nestas últimas datas, ningunha valoración do Partido Socialista acerca de consultas populares que puideran ter feito, no libre exercicio da súa labor, calquera medio de comunicación. Sen embargo, si consideramos oportuno sinalar que estas consultas non teñen un valor científico nin representativo e que, por tanto, non serán tidas en conta polos órganos desta formación política.

4.       O Partido Socialista ten aberto o proceso de conformación das candidaturas electorais para as cidades de máis de 50.000 habitantes. Para as poboacións entre 20.000 e 50.000, entre as que se atopa Vilagarcía, a dirección federal do PSOE (máximo órgano do partido a nivel estatal), que é a encargada de marcar o procedemento non ten sequera definido o proceso e, por tanto, non hai procedemento aberto, non existe calendario nin prazos aínda definidos. Previsiblemente, este procedemento aplicarase cara final de ano, podendo incluso prolongarse ata inicios do vindeiro ano 2011.

5.       Mentres o procedemento indicado se inicie, o Partido Socialista segue a traballar por Vilagarcía e apoia de xeito especial ao seu grupo municipal como grupo de goberno e coa máxima representación da Alcaldesa Dolores García.

6.       O Partido Socialista considera que as informacións xurdidas en distintos medios de comunicación responden a meras especulacións informativas. Respectando de forma escrupulosa a liberdade de expresión dos medios de comunicación, e recoñecendo tanto a importancia fundamental da súa labor, como o interese que suscita o Partido Socialista de Vilagarcía por ser o referente político da nosa cidade, esta formación política considera que é necesaria unha maior rigorosidade á hora de ofrecer informacións de tan profundo calado. Para elo solicita aos medios que reflictan a postura do Partido Socialista de Vilagarcía por medio das valoracións dos seus representantes oficiais, e non se amparen no anonimato de fontes de información que difunden informacións falsas e que para nada representan a opinión do Partido Socialista.