Entrevistas á Alcaldesa Dolores García

No día de hoxe publícanse nas edicións de Arousa de La Voz de Galicia e de Faro de Vigo, sendas entrevistas coa Alcaldesa Dolores García, a raíz do seu anuncio do pasado xoves da renunciar a ser candidata á alcaldía de Vilagarcía nas vindeiras eleccións do ano 2011. Polo seu especial interese, deixamos aquí os enlaces aos extractos das dúas entrevistas publicadas en internet.

Fuente: José Luiz Oubiña
Faro de Vigo

Fole non ten peso, pero pode estar ben para ir de copas"

Fonte: La Voz de Galicia
http://www.lavozdegalicia.es/arousa/2010/09/26/0003_8747636.htm 

"Ni soy una mártir, ni el PSOE me echa. Me marcho yo porque primero está mi salud"

Fonte: Faro de Vigo

http://www.farodevigo.es/portada-arousa/2010/09/26/martir-psoe-echa-marcho-salud/476060.html

En resposta ás declaracións dos grupos políticos sobre o comunicado da Alcaldesa

PP e EU posiciónanse conxuntamente en declaracións fóra de lugar

A elegancia mostrada pola Alcaldesa Dolores García no proceso da súa renuncia a ser candidata no 2011, chocha frontalmente coas declaracións insidiosas e faltas de respeto de PP e EU.

Vilagarcía de Arousa, 25 de setembro de 2010.- As declaracións públicas da Alcaldesa de Vilagarcía, anunciando a súa renuncia a ser candidata polo Partido Socialista para as vindeiras eleccións municipais de maio de 2011, veñen de provocar diversas reaccións nos portavoces dos distintos partidos políticos de Vilagarcía que dende a nosa formación estimamos importante valorar. É necesario destacar as visións á altura das circunstancias que mostraron Castro Ratón e Rivera Mallo, mostrando o respecto polas declaracións da Alcaldesa que, pola súa parte, foron nítidas sobre a súa decisión. Sen embargo pola outra banda, e unha vez máis, a coalición que EU e o PP teñen amarrada en Vilagarcía volveuse poñer de manifesto na coincidencia das súas declaracións.

Mentres Tomás Fole utiliza terminoloxía totalmente fóra de lugar, é necesario dicir que, pola contra do que o PP considera, os únicos que teñen posibilidade de outorgar alcaldías e credibilidade aos proxectos políticos son os cidadáns. Segundo a representatividade que éste manifestan nas furnas, cabe recordarlle ao señor Fole que sexa quen sexa a persoa que encabece o proxecto socialista, el sempre é, e será, oposición. Pero todavía máis inconcebible resulta que sexa precisamente Tomás Fole quen, pretendéndose situarse como un medium de medio pelo, tente de trasladar á opinión pública unha información falsa, facendo elucubracións imposibles sobre a realidade do PSdeG. Dende a nosa formación política consideramos que os procesos internos dos partidos son cuestións precisamente internas, e precisamente por iso non manifestamos a nosa opinión durante os tempos do último congreso local do PP no que, xa que o señor Fole fala de movementos internos, a imaxe que deron como partido foi patética, con xogo sucio, descalificacións persoais e acusacións de enchufismo.

De igual modo Esquerda Unida, que volve a traballar para o PP facéndolle de ariete descontrolado, fai unha mistura de opinións da que soamentes se poden extraer descalificacións, que ás veces semella que é a única opinión política que ten EU. Pero sen embargo cabe recordar que está na mesma situación do PP en Vilagarcía, pois todavía estes días temos noticias que nos recordan a maniobras do tándem dictatorial Fajardo-Bueno, máis propias do polit-buró, saltándose ampliamente a vontade dos cidadáns que votaron unha lista electoral, enviando ao seu xa excompañeiro Mariano Ibáñez ao gulag, e designando a dedo aos representantes públicos.

Quizáis o que se pode comprobar nestas declaracións é o nulo concepto democrático que preside ambas formacións, PP e EU, pois o seu único obxectivo é alcanzar cotas de poder. Non conseguen concebir que haxa outras formacións políticas nas que os seus representantes vexan a política como un servizo aos cidadáns, que esixe unha dedicación absoluta e que, cando as persoas consideran que deron todo o que tiñan pero que non poden asegurar continuar ao 100%, prefiren que outros tomen o relevo. Ese concepto de aferrarse ao poder que Fole, Fajardo e Bueno destilan, e a continua frustración á que se ven sometidos por comprobar que os cidadáns prefiren outras formacións políticas para que os representen, é o que lles impide ver a realidade como é, interpretala segundo as súas ansias incalculables e acabar posicionándose conxuntamente de forma repetida.

Dolores García anuncia a súa renuncia a encabezar a candidatura socialista municipal no ano 2011

A Alcaldesa Dolores García, anunciou publicamente o pasado xoves a súa renuncia a encabezar a candidatura do Partido Socialista nas vindeiras eleccións municipais de maio de 2011. A nosa compañeira Dolores fixo público o anuncio despois de informar á secretaria xeral local, ao secretario xeral provincial e ao secretario xeral galego, así como aos seus compañeiros do grupo municipal socialista e aos compañeiros socios de goberno do BNG. Despois de ofrecer unha rolda de prensa informando da decisión, a Alcaldesa acudiu á sede do partido para expoñer á comisión executiva local a situación. 

Nas distintas declaracións feitas pola Alcaldesa, sinalou que esta foi "unha decisión toma por motivos persoais, feita dende o convencimento e a convicción de ter entregado o mellor de min". Dolores García quixo salientar o "apoio en primer lugar do meu partido, que depositou a súa confianza en min, especialmente á executiva local e á secretaria xeral, do secretario provincial e da executiva galega. Por suposto, tamén o apoio dos meus compañeiros de goberno, sen distinción de siglas. E tamén aos traballadores do Concello, especialmente a aqueles que tiveron unha labor máis próxima e aos que compartiron conmigo este día a día".

Na intervención ante os medios de comunicación, a Alcaldesa glosou de maneira xeral os principais logros do Goberno Municipal durante o mandato que ela presidiu, incidindo especialmente no modelo de cidade proposto, facendo unha vila "máis humana e máis habitable". Referiuse tamén á recuperación de Cortegada como un dos puntos máis importantes da súa lexislatura. Non se esqueceu tampoco da aposta polos Servizos Sociais, "que baixo o meu mandato experimentaron un incremento presupuestario dun 100%", así como a "mellora dos servizos e a administración municipal". Dolores García, rematou o seu comunicado con unha declaración moi emotiva do seu concepto profundamente democrático da sociedade e do sentido da política como servizo aos cidadáns, expresando que "a miña tarefa e a miña acción como gobernante estivo e estará adicada ata o final ás persoas", recordando que desenvolverá a súa labor ata o momento do traspaso de poderes.

"Ten sido para min un orgullo e unha honra traballar por Vilagarcía. Viñen a servir e nesto tiven posto todo o meu empeño", finalizou.

A Comisión Executiva Municipal, por medio dunha rolda de prensa ofrecida pola secretaria xeral Tania García e o secretario de organización Álvaro Carou, ofreceu o venres a postura do partido acerca da nova situación. Nesta comparecencia, a secretaria xeral quixo manifestar por enriba de todo "o agradecemento á Alcaldesa Dolores García pola súa labor pública no nome de todo o partido". Os representantes socialistas destacaron a claridade nas súas opinións de Dolores García, e agradeceron de forma moi sinceira as verbas de agradecemento que a Alcaldesa lles dedicou no seu anuncio, destacando que "mostran o sentimento de pertenza a este partido, que dende aquí devolvemos á nosa compañeira". Ademáis, dende a Executiva Municipal quixeron destacar a "elegancia coa que Dolores García afronta este momento tanto nas formas como no procedemento, que amosan a calidade humana da nosa Alcaldesa". Sinalaron tamén que "a renuncia da compañeira Dolores García, coa honestidade coa que ela se mostrou, permítenos tamén a oportunidade de afrontar co tempo necesario unha nova estapa ilusionante para presentar unha proposta á cidadanía que continúe a facer que os vilagarciáns se sintan representados polo Partido Socialista de forma maioritaria, como así ven sendo durante case 20 anos". 

Ante as preguntas dos medios de comunicación sobre nomes e posibilidades para definir ao novo candidato ou candidata para encabezar o cartel electoral, Tania García sinalou que "o procedemento que o Partido Socialista vai seguir ven marcado por uns prazos e formas definidos dende a Comisión Executiva Federal, que todavía non concretou para as cidades entre 20.000 e 50.000 habitantes. Ademáis hai que ter en conta que, fronte aos demáis partidos que se ven na tarefa de propoñer candidatos electorais, o Partido Socialista non ten que propoñer a un candidato senón a un futuro alcalde ou alcaldesa, pois a importancia que o PSdeG ten en Vilagarcía fan saber que na vindeira lexislatura a nosa vila seguirá a contar cun alcalde ou alcaldesa socialista."

Comunicado oficial do PSdeG sobre a difusión de infomación electoral

Vilagarcía de Arousa, 2 de setembro de 2010.- Ante as informacións aparecidas en distintos medios de comunicación nas últimas 24 horas, acerca de cuestións relativas á candidatura electoral que presentará o Partido Socialista de Vilagarcía ás eleccións municipais do vindeiro ano, a Comisión Executiva Municipal do PSdeG en Vilagarcía quere facer públicas as seguintes cuestións:

1.       A Comisión Executiva Municipal do PSdeG en Vilagarcía é a máxima representación do partido a nivel local entre congresos, e as valoracións, opinións e declaracións públicas do Partido Socialista son ofrecidas polos cauces formais. Outras vías de información non son representación do Partido Socialista.

2.       O Partido Socialista non fixo público ningún resultado de ningunha enquisa, nin de carácter electoral nin de ningún outro tipo, durante todo o período desta lexislatura municipal.

3.       Non existe, nin existiu nestas últimas datas, ningunha valoración do Partido Socialista acerca de consultas populares que puideran ter feito, no libre exercicio da súa labor, calquera medio de comunicación. Sen embargo, si consideramos oportuno sinalar que estas consultas non teñen un valor científico nin representativo e que, por tanto, non serán tidas en conta polos órganos desta formación política.

4.       O Partido Socialista ten aberto o proceso de conformación das candidaturas electorais para as cidades de máis de 50.000 habitantes. Para as poboacións entre 20.000 e 50.000, entre as que se atopa Vilagarcía, a dirección federal do PSOE (máximo órgano do partido a nivel estatal), que é a encargada de marcar o procedemento non ten sequera definido o proceso e, por tanto, non hai procedemento aberto, non existe calendario nin prazos aínda definidos. Previsiblemente, este procedemento aplicarase cara final de ano, podendo incluso prolongarse ata inicios do vindeiro ano 2011.

5.       Mentres o procedemento indicado se inicie, o Partido Socialista segue a traballar por Vilagarcía e apoia de xeito especial ao seu grupo municipal como grupo de goberno e coa máxima representación da Alcaldesa Dolores García.

6.       O Partido Socialista considera que as informacións xurdidas en distintos medios de comunicación responden a meras especulacións informativas. Respectando de forma escrupulosa a liberdade de expresión dos medios de comunicación, e recoñecendo tanto a importancia fundamental da súa labor, como o interese que suscita o Partido Socialista de Vilagarcía por ser o referente político da nosa cidade, esta formación política considera que é necesaria unha maior rigorosidade á hora de ofrecer informacións de tan profundo calado. Para elo solicita aos medios que reflictan a postura do Partido Socialista de Vilagarcía por medio das valoracións dos seus representantes oficiais, e non se amparen no anonimato de fontes de información que difunden informacións falsas e que para nada representan a opinión do Partido Socialista.

Valoración das festas

Os socialistas rexeitan as declaracións machistas e “casposas” do concelleiro Jaime Ramos

O xa tradicional rexeite do PP cara a Festa da Auga resulta indignante. Se o PP quere aportar algo ás festas, que apoie a histórica demanda de Vilagarcía de non ser despreciada polos gobernos autonómicos do PP en comparación coas festas do Albariño.

Vilagarcía de Arousa, 30 de agosto de 2010.- O Partido Socialista de Vilagarcía sitúase entre a sorpresa e a indignación ante as declaracións feitas polo concelleiro do PP Jaime Ramos en representación da súa formación política, sobre o conxunto de actividades en Vilagarcía durante a época de festas locais.

En primeiro lugar, os socialistas consideramos que a postura do PP de considerar que festexos como a Festa da Auga ou o Combate Naval, que atraen a Vilagarcía a decenas de miles de persoas, non estiveron á altura da cidade semella un delirio fora de lugar. É ben certo, como todo o mundo sabe, que a dereita política vilagarciana está dende sempre abertamente en contra da Festa da Auga, e que cando o PP gobernou este Concello fixo grandes esforzos por prescindir dela, superados daquela pola forza dos organizadores e o apoio cidadán. Hoxe é un dos buques insignia das festas de San Roque, a pesar do PP. A afluencia de público que a disfruta, coa súa repercusión económica na cidade, é o seu maior aval ante o que parece que Ramos pecha os ollos. Pero as festas de Vilagarcía teñen moito mais, e se Jaime Ramos tivera a ben ter preguntado aos veciños, comprobaría como este ano recórdase como un dos de maior número de xente na rúa.

Sen embargo resulta pasmoso que o mais importante para o PP de Vilagarcía é recuperar a elección da raíña das festas e criticar, con tintes fóbicos totalmente rexeitables, algúns elementos puntuais do desfile de carrozas. Os socialistas consideramos que, máis alá de apostas escénicas moi concretas sobre as que reflexionar para continuamente mellorar no futuro, a xa superada (por fortuna) elección da raíña das festas respondía a unha casposa e retrógrada concepción machista da sociedade, que parece que todavía non foi superada polo PP, que concibe á muller como elemento de exhibición. Invitamos os socialistas ao PP, e particularmente ao señor Ramos, a que supere esas arcaicas posturas e se una a unha sociedade avanzada, para a que as súas declaracións supoñen un retroceso. Esperamos que o señor Fole, presidente do PP e responsable último das declaracións do señor Ramos, pida desculpas por esta desafortunada aparición pública do concelleiro do seu grupo municipal.

Sen embargo, e aproveitando a valoración que Jaime Ramos fixo sobre os concertos en Vilagarcía, os socialistas queremos recordarlle cal podía ser a súa aportación. En Vilagarcía superouse a crítica situación económica xeral, que non permitía grandes inversións, cunha bagaxe de actuacións musicais que, como todo o mundo comprobou, foron atractivas para moitos sectores da poboación. Pero non estaría de más que o PP apoiara dunha vez por todas a demanda xa histórica de Vilagarcía de non ser despreciada polos gobernos do PP na Xunta de Galicia en comparación coas festas do Albariño. Na vila cambadesa, a “niña bonita” do PP, as subvencións e axudas públicas para as festas caen a mans cheas, mentres en Vilagarcía seguimos a esperar por un trato xusto, coa complicidade sangrante e ofensiva tanto do señor Ramos, como do presidente do PP Tomás Fole e da deputada Marta Rodríguez.

Esperamos que o señor Ramos, e o seu dirixente Tomás Fole, teñan a ben reflexionar sobre a súa posición sobre as festas e, se ben teñen toda a lexitimidade para platenxar as críticas que consideren oportunas, entendan a súa pertenza á sociedade do século XXI e non anhelen outras épocas que, por fortuna, deixamos atrás.

Toma de posesión como concelleira de Tania García

O pasado xoves día 26 celebrouse o pleno ordinario do mes de agosto do Concello de Vilagarcía. Como é habitual, a sesión tivo lugar ás 18.00h no salón de plenos do edificio do Concello.

O primeiro punto da orde do día foi a toma de posesión como concelleira da compañeira Tania García, que xa forma parte do grupo municipal socialista e do Goberno Municipal despois da renuncia por motivos persoais de Dolores Couso. A nosa compañeira, e secretaria xeral desta agrupación de Vilagarcía, Tania García sustitúe a Dolores Couso pola rigurosa continuación da orde da lista da candidatura presentada nas eleccións municipais de 2007, e asume as competencias da anterior compañeira: limpeza, parques e xardíns.

Dende este espazo desexámoslle á nosa nova representante no pleno municipal unha boa andaina e un bo facer nas súas responsabilidades, que a ben seguro desenvolverá satisfactoriamente.

Asimesmo, queremos facer constar o noso agradecemento á compañeira Dolores Couso, pola súa dedicación ao servizo público e a súa vontade de participar no traballo para os demais que supón a política local.

Salarios públicos

Tomás Fole cae na hipocresía para tentar atacar ao Goberno Local
O voceiro do PP en Vilagarcía pretende utilizar os soldos públicos como arma arroxadiza, cando él mesmo cobra tanto como a alcaldesa de Vilagarcía por un posto de traballo que pagamos todos e do que non se coñece nin onde está o seu despacho
Os socialistas instamos a Tomás Fole a que faga público o seu salario e os seus resultados da súa labor no IPESPO

Vilagarcía de Arousa, 23 de agosto de 2010.- A comisión executiva do PsdeG – PSOE de Vilagarcía de Arousa considera totalmente desafortunadas as declaracións feitas nos pasados días polo voceiro do PP nesta vila, Tomás Fole, sobre os salarios e e retribucións das persoas que dedican seu tempo á función pública. Os socialistas consideramos que non é para nada positivo entrar en debates demagóxicos e estériles, xa que o ataque neste sentido a persoas que exercen o servicio público soamente por facelo dende posturas políticamente distintas, acaba por repercutir negativamente sobre toda a valía do sistema en xeral. Nos tempos nos que estamos, os socialistas estimamos que é máis necesaria a colaboración que o enfrontamento, e menos se o que propicia este é o descrédito dunha labor que, alomenos dende esta formación política, seguimos considerando imprescindible.

Resulta desesperanzador que o señor Fole tente menoscabar o esforzo que fan as persoas que se dedican ao mesmo que él, acerten ou se equivoquen, teñan bos resultados ou lle saian mal as cousas, apelando para eso a manipulacións dos datos con intencións electoralistas. Efectivamente, os soldos cobrados polos concelleiros en Vilagarcía son públicos, igual que o foron cando o señor Fole estaba liberado durante catro anos e nos que non o escoitamos queixarse, e son os cidadáns co seo voto e a súa forza social os que valorarán se están ben invertidos ou non.

En todo caso cabe recordarlle ao señor Fole que os concelleiros de Vilagarcía son elixidos democráticamente, e a súa labor e os seus honorarios están por iso totalmente lexitimados. ¿Pódese dicir o mesmo de Tomás Fole? Non pensamos así dende o Partido Socialista xa que foi colocado a dedo por Rafael Louzán, presidindo un chiringuito chamado IPESPO do que non lle deixan presentar os actos públicos pero do que cobra tanto como a alcaldesa de Vilagarcía, e máis que calquera dos concelleiros que critica. Esa é a realidade do señor Fole, ao que instamos dende o PsdeG agora a que faga públicos os resultados, os obxectidos conseguidos e incluso onde está o seu despacho, xa que o salario que lle paga a Deputación de Pontevedra sae dos cartos de todos e temos dereito a coñecer se fai algo productivo, ou se soamente se dedica a pasear por Vilagarcía para deixarse ver.

O que o señor Fole debería de facer é traballar, e propoñer alternativas cando considera que a xestión do Goberno de Vilagarcía non é boa nalgún aspecto. Por agora, os cidadáns seguen a esperar a primeira vez que Fole aporta algo positivo, e non recurre á hipocresía de máis baixo nivel menospreciando a labor dos que, alomenos, traballan en política e non viven dela sen dar un pau ao auga.