VALORACIÓN DA SITUACIÓN POLÍTICA MUNICIPAL

Despois do proceso de conversas e ante o inmediato Pleno Municipal de investidura do vindeiro Alcalde de Vilagarcía, o PSdeG de Vilagarcía desexa expoñer as súas valoracións da situación política municipal:

1. O Partido Socialista de Vilagarcía adicou estas semanas entre as eleccións municipais e o pleno de investidura a contactar e promover o diálogo coas outras forzas políticas que obtiveron representación, en estrito cumprimento dun compromiso de actitude dialogante e aberta sobre as decisións adquirido e defendido durante a campaña electoral. O PSdeG considera que ser o partido máis votado outórgalle total lexitimidade para conformar goberno municipal en diversos escenarios, mais apostou dende o inicio por explorar as posibilidades de entendemento coas outras forzas de esquerdas do Pleno. O Partido Socialista aceptou todos os formatos propostos, lugares ou número de persoas asistentes as xuntanzas, fomentando a celebración destas.

2. Nas últimas xuntanzas celebradas, o Partido Socialista formulou temas de debate e contraste de posicións aos distintos partidos políticos. Fundamentalmente baseados en tres puntos: liñas estratéxicas, accións políticas concretas e organización e xestión do goberno municipal. Os membros socialistas participantes nas xuntanzas, e principalmente Alberto Varela, responderon a todas as cuestións que os demais partidos políticos tiveron a ben consultar sobre todos eses puntos, constatando un entendemento cos demais partidos nas liñas estratéxicas necesarias para Vilagarcía. Os socialistas interesáronse por coñecer a opinión sobre eses temas, e o papel que os outros grupos políticos consideraban que debían tomar na vindeira corporación, sen obter unha resposta clara sobre tan situación.

3. O BNG anunciou dende un principio a súa posición de non tomar parte nun hipotético goberno municipal, decisión que o PSdeG respecta profundamente e da que considera que é indubidablemente lexítimo, e tamén sobre a que agradece a claridade da postura dende un inicio. A pesares desta decisión, BNG e PSdeG continúan a manter xuntanzas igualmente que cos outros partidos, dentro do clima de diálogo que os socialistas consideran necesario.

4. Alcanzado o punto do Pleno de Investidura, os socialistas consideran esta unha ocasión inmellorable para que os grupos que están tomando parte nas conversas, manifesten xestos oportunos que clarifiquen a súa posición actual. Os socialistas consideran imprescindible este paso para coñecer o punto das conversas nas que se atopan, e agardarán á posición e sentido do voto que os demais grupos manifesten na sesión de investidura.

5. O equipo do PSdeG continuará a manter diálogo e conversas habituais e constantes cos demais grupos políticos encamiñadas a chegar aos acordos necesarios, independentemente de que as decisións que mañá manifesten os demais partidos visualicen unha ou outra postura respecto das súas intencións.

Vilagarcía de Arousa, 12 de xuño de 2015

ASEMBLEA EXTRAORDINARIA

Estimad@s compañeir@s,

con motivo da celebración das eleccións municipais o pasado 24 de maio, comprácenos convocarvos á:

ASEMBLEA EXTRAORDINARIA

Data: Martes 9 de xuño de 2015.

Hora de inicio: 20.00h en primeira convocatoria e 20.30h en segunda convocatoria.

Lugar: Sede da agrupación.

ORDE DO DÍA:

1. Constitución da Asemblea e elección da mesa.

2. Valoración das Eleccións Municipais.

Dada a importancia do tema a tratar, contamos coa túa participación.

Sen mais, recibide un cordial saúdo no nome de toda a Comisión Executiva Municipal.

A executiva municipal do PSdeG avala a folla de ruta de Alberto Varela que contempla abrir o diálogo coas demais forzas políticas de Vilagarcía

A dirección socialista considera que os resultados obtidos lexitiman todas as posibilidades que Varela e o seu equipo estimen

Acordouse convocar unha asemblea extraordinaria para o martes 9 de xuño

Vilagarcía de Arousa, 28 de maio de 2015.- A comisión executiva municipal do PSdeG de Vilagarcía celebrou onte a súa primeira xuntanza despois das eleccións municipais, e fíxoo para facer unha valoración dos resultados obtidos así como dos vindeiros pasos a dar unha vez definido o vindeiro pleno municipal. A dirección dos socialistas en Vilagarcía valorou de maneira extraordinariamente positiva os resultados obtidos pola formación nas eleccións do pasado domingo, e incidiron na importancia que tivo neste resultado tanto o proxecto e a candidatura presentada como o traballo desenvolvido polo grupo municipal socialista nesta pasada lexislatura. Dende o PSdeG consideraron que se abre un tempo novo e que é preciso estar á altura do que os cidadáns decidiron, que segundo a interpretación dos membros da executiva local é un goberno municipal próximo, cercano, dialogante e que formule con firmeza os retos da Vilagarcía actual e de futuro.

  

Acerca das relación cos outros grupos municipais, á vista dos resultados obtidos o domingo, a dirección socialista avalou as intencións de Alberto Varela, que despois das eleccións manifestou en varias ocasións a súa intención de iniciar contactos cos demais grupos que obtiveron representación no pleno. Varela, que tomou parte na xuntanza, explicou a súa intención de coñecer de primeira man as opinións e ideas que os demais grupos teñen sobre o seu papel na vindeira corporación. A executiva municipal do PSdeG avalou esta iniciativa e acordou unanimemente que o grupo socialista electo, con Varela ao fronte, teñen todo o apoio para definir nos próximos días ata o pleno de investidura a liña de diálogo que consideren máis apropiada. Na xuntanza concordouse que os resultados lexitiman calquera das posibilidades abertas para a votación de investidura do Alcalde e a conformación do vindeiro grupo municipal, sempre que sexan nunha liña de acción de esquerdas e progresista para Vilagarcía.

A executiva socialista acordou tamén celebrar o vindeiro martes día 9 unha asemblea extraordinaria de valoración dos resultados, para a que convocarán a toda a militancia e na que calquera afiliado poderá abordar a situación resultante. 

Alberto Varela agradece o apoio demostrado polos veciños de Vilagarcía durante a súa campaña electoral

O candidato socialista afirma que “os veciños deben escoller entre dous modelos: o da desatención e a crispación permanente ou o representado polo meu equipo, o da participación e diálogo constante”

Varela indica que “a rolda de xuntanzas abertas por todos os territorios de Vilagarcía amosou o desexo de cambio dos veciños de Vilagarcía. Os cidadáns queren volver ter un goberno que os escoite”

Vilagarcía de Arousa, 22 de mayo de 2015.- O candidato socialista á Alcaldía de Vilagarcía, Alberto Varela, puxo fin onte en Rubiáns á rolda de xuntanzas abertas por todas as parroquias de Vilagarcía. “Quero agradecer ao meu equipo a súa dedicación durante estes quince días de campaña. Pero sobre todo quero agradecer aos veciños de Vilagarcía o apoio amosado á miña candidatura e ao meu proxecto de cambio para Vilagarcía”. Neste senso, Varela recordou que  “superamos todas as expectativas en afluencia de público. Ao tratarse de actos pensados para que os veciños interviñesen e establecesen un diálogo con nós, puidemos comprobar o profundo descontento co Goberno actual e a necesidade de abrir unha nova etapa na que os cidadáns volvan ser os protagonistas da vida política de Vilagarcía”.

“O domingo trátase de escoller entre dous modelos: o representado por Tomás Fole, baseado no oscurantismo, no desprezo e desatención aos cidadáns, aderezados pola permanente crispación na vida política, social e cultural de Vilagarcía; ou o representado por nós, consistente en recuperar a concordia, o diálogo e o respecto mutuo entre os veciños e o goberno municipal”, sinalou Alberto Varela, quen se mostrou convencido de ser quen de representar o cambio de rumbo que Vilagarcía precisa.

 Alberto Varela afirmou que “o resultado do PSOE nas eleccións do vindeiro domingo será mellor do esperado, tal como indica a tendencia esbozada polas enquisas, pero sobre todo pola sensación que diariamente me transmiten os veciños na rúa”. Nesta liña, o candidato socialista afirmou que “estamos en condicións de obter o respaldo maioritario dos veciños de Vilagarcía. Pido ese respaldo para desenvolver un proxecto de reactivación de Vilagarcía, pero sobre todo para que os veciños volvan ter un Alcalde permanentemente na rúa, non parapetado nun despacho como sucedeu estes últimos catro anos”.  Alberto Varela concluíu afirmando que “Vilagarcía non merece esperar más. É o momento de devolverlle aos veciños o tempo perdido”.

AXENDA DE ALBERTO VARELA PARA O 20 E 21 DE MAIO

Axenda do noso candidato á Alcaldía, Alberto Varela, para o 20 e 21 de maio:

Mércores  20 de Maio de 2015

12:30

Rolda de Prensa  

Lugar: Sede

20:30

Xuntanza Aberta no Piñeiriño

Lugar: Parque do Piñeiriño

Xoves 21 de Maio de 2015

10:00

Almorzo informativo coa prensa (coa presenza de  Pilar Cancela-Secretaria de Organización do Psdeg e Oscar López- Portavoz do PSOE no Senado)

Lugar: Por confirmar

16:45

Debate no Canal Rías Baixas (Alberto Varela, Tomás Fole, María Villaronga e Jesús López)

19:00

Debate na Cadena SER (Alberto Varela, Tomás Fole, María Villaronga e Jesús López)

20:30

Xuntanza Aberta en Rubiáns

Lugar: Centro Cultural de Rubiáns

Alberto Varela propone crear un novo parque infantil no xardín do Centenario

Varela lembra que trasladar para o Centenario o parque infantil do Cavadelo foi “unha de tantas propostas do grupo socialista no Pleno que, aínda aprobada, non foi executada”

O candidato socialista enmarcou esta idea dentro da proposta de revisión dos xardíns para nenos, “que necesitan ser atendidos independentemente de onde se ubiquen”

Vilagarcía de Arousa, 19 de maio de 2015.- Alberto Varela, candidato socialista á Alcaldía de Vilagarcía, plantexou hoxe unha revisión dos parques infantís de Vilagarcía, con especial atención a aqueles que se atopan nas parroquias fora do casco urbano. Varela apuntou que “a política de parques chupi-guays semella ser que os tres ou catro lugares do centro máis visibles sexan remodelados todas as veces que faga falta, pero se abandonen os parques infantís do rural”. “Non é a nosa concepción”, indicou Varela, quen plantexou a necesidade de atender todas as demandas e necesidades por igual.

Alberto Varela utilizou varios exemplos para evidenciar o que considera un comportamento “estándar” do goberno local, diferenciando as veciños en dúas velocidades, en función de se saen máis ou menos na prensa. “Este goberno actuou toda a lexislatura a golpe de foto. O que sae na foto se intenta arreglar e o que non, esquécese”, criticou mentres mencionou a ubicación de columpios no Piñeiriño provintes doutros xardíns; o estado de abandono do parque de Trabanca Sardiñeira, “onde a herba estase a converter nun bosque”; o entorno do xardín da Lomba que está absolutamente descoidado e sen coidar dende hai tempo ou o ubicado en Trabanca Badiña que está “totalmente descuidado”.

Dentro desta avaliación dos parques infantís Varela apuntou ao xardín do Centenario. “Queda moi alonxado do centro para Fole”, ironizou, e sinalou que leva moito tempo sen unha utilización concreta. Varela considera que houbo unha proposta de interese durante a lexislatura, que foi trasladar para o Centenario os xogos infantís do Cavadelo. “Non hai comparación, pois poderían estar nun entorno máis amplo, moito máis natural e ata máis seguro, rodeados de árbore e non cunha carretera diante” apuntou. O candidato do PSdeG lembrou que esta proposta, feita polo grupo socialista no Pleno hai xa tempo, “foi unha máis das nosas ideas que aportamos para mellorar a calidade de vida dos veciños e veciñas de Vilagarcía, e debeu de parecer boa cando foi aprobada por unanimidade”. Ao final, “Fole aprobou pero non actuou, unha vez máis”, afirmou resignado.

AXENDA DE ALBERTO VARELA PARA O 18 E 19 DE MAIO

Axenda do candidato á Alcaldía, Alberto Varela, para o 18 e 19 de maio:

Luns 18 de Maio de 2015

19:15

Entrevista na Cadena Ser

20:30

Xuntanza Aberta en Galáns/Renza/Aralde/Eiviño/O Rial

Lugar: Casa da Cultura de Galáns (Presenta o acto Tania García)

 

Martes 19 de Maio de 2015

10:30

Atención a medios de comunicación

18:30

Visita a Guillán coa candidatura

20:30

Xuntanza Aberta en Guillán

Lugar:  Casa da Cultura de Guillán (Presenta o acto Javier Gago)