A cidade de Vilagarcía inaugurou nos ultimos días a rúa Rei Daviña, unha das principais arterias da cidade, no seu novo modelo de rúa para uso e e disfrute das persoas. Esta idea está enmarcada dentro do proxecto de humanización da nosa vila, pensando na utilidade e no respecto ao medioambiente. Rei Daviña é, sen ningunha dúbida, o mascarón de proa deste concepto que en Vilagarcía, seguindo un modelo progresista de cidade, o Concello está a promover.
As actuacións nas ARI de Carril e Vilaxoán, e os novos proxectos de humanización do entorno de Ravella e da rúa Castelao, contribuirán a cambiar a vida cidadán de Vilagarcía, cara un modelo máis pensado para as persoas que para os automóbles, un modelo que prime o respecto ao medioambiente, un modelo pensado para fomentar as relacións veciñais e persoais, para favorecer a todos e a todas e para promover unha nova Vilagarcía na que os protagonistas sexan os veciños.
A inauguración da nova Rei Daviña formalizouse nun acto festivo, rematado cun emotivo discurso da nosa Alcaldesa Dolores García, que lembrou a importancia desta rúa na Historia de Vilagarcía, e cunha actuación da Banda de Música Municipal.
No hay comentarios:
Publicar un comentario