MOCIÓN MUNICIPAL DESAFIUZAMENTOS

MOCIÓN MUNICIPAL DESAFIUZAMENTOS

O Grupo Municipal Socialista, en base ao disposto nos artigos 91.4 e 97.3 do Regulamento de Organización, Funcionamento e Réxime Xurídico das entidades locais e demais normativa que poida resultar de aplicación, presenta esta MOCIÓN, en base á seguinte

EXPOSICIÓN DE MOTIVOS

Co estalido da crise e o aumento do paro centenares de milleiros de familias chegaron a unha situación límite que non lles permite cubrir as súas necesidades básicas.

Segundo os datos do Consello Xeral do Poder Xudicial, entre 2007 e 2010 producíronse no Estado español preto de 300.000 execucións hipotecarias e as previsións din que entre 2011 e 2012 pódese chegar á cifra de 500.000.

Cando esto sucede as familias non só se enfrentan á perda da súa vivenda senón tamén a unha condena financieira de por vida: a entidade bancaria interpón unha demanda e iníciase o proceso de execución hipotecaria que remata coa subasta do inmoble. Se a subasta queda deserta (cosa que no actual contexto de crise sucede en máis do 90% dos casos), coa lei vixente a entidade bancaria adxudícase a vivenda polo 50% do seu valor de tasación e segue reclamando o pago da débeda restante, máis os intereses e as costas xudiciais, ás persoas en situación de insolvencia mediante o embargo de nóminas, contas, etc. así como embargos aos avalistas. É dicir, ademais de perder a vivenda, milleiros de familias enfróntanse a unha condena financieira de por vida que se traduce nunha condena á exclusión social e á economía sumerxida.

Esta lexislación que permite que as entidades financieiras se adxudiquen as vivendas polo 50% do valor de tasación non só é anómala e non ten comparativa coas lexislacións doutros países do noso entorno, senón que ademais era descoñecida polas familias cando asinaron os contratos hipotecarios. Feito que se suma á publicidade enganosa coa que se comercializaron a meirande parte desas hipotecas, á sobrevalorización nas tasacións e ao linguaxe de difícil comprensión utilizado non contratos que, agora se descubre que en moitos casos agochaba todo tipo de cláusulas abusivas, como é o caso das cláusulas solo.

Consideramos inadmisible e totalmente inxusto que nun Estado social e democrático de dereito, todas as consecuencias da crise recaian sobre a parte máis vulnerable do contrato hipotecario e en cambio as entidades financieiras, en boa medida responsables da actual crise, estean a recibir axudas millonarias que saen dos impostos, sen ter que asumir ningunha responsabilidade ao mesmo tempo que seguen a xenerar miles de millóns de beneficios anuais.

Todo o aquí o exposto vulnera o actual marco xurídico, posto que o dereito á vivenda é un mandato constitucional, especialmente recollido no artigo 47 da Constitución española que di: “Todos os españois teñen dereito a unha vivenda digna e adecuada. Os poderes públicos promoverán as condicións necesarias e establecerán as normas pertinentes para facer efectivo ese dereito”, pero tamén no artigo 33 que limita claramente o dereito á propiedade privada ao cumprimento da súa función social (e que a día de hoxe estase incumprindo sistematicamente nas vivendas baleiras acumuladas por bancos e caixas) ou no artigo 24 que garantiza a tutela xudicial (vulnerados nos procesos de execucións bancarias onde se produce clara indenfensión) así como os compromisos xurídicos en materia de dereito á vivenda asumidos polo Estado español ao ratificar tratados internacionais vinculantes, como son, entre outros, a Declaración Universal de Dereitos Humáns (Artigo 25) e o Pacto Internacional de Dereitos Económicos, Sociais e Culturais (Artigo 11), especialmente a partires da súa Observación Xeral nº 4 - que concreta o contido do dereito a unha vivenda adecuada - e a Observación Xeral nº 7 - que define os desaloxos forzosos como unha das principais vulneracións do dereito á vivenda.

É certo que estamos falando dunha normativa de competencia estatal, pero cuios efectos dramáticos concrétanse no ámbito municipal, posto que aos concellos a onde se dirixen maioritariamente as persoas e as familias afectadas en busca de axuda. Así os concellos se convirten en dobremente perxudicados: en primeiro lugar porque vulnéranse os dereitos fundamentais dos seus cidadáns, en segundo porque, en pleno contexto de crise, cando os recursos son máis escasos ca nunca, reciben todas as peticións de axuda das persoas e famillias con poucos ou ningún recurso.

A perda da vivenda priva ao individuo ou á familia de toda residencia e, a súa vez, a ausencia de residencia exclúeos de toda vía administrativa, conlenvando por elo a perda de dereitos, impedindo ás persoas afectadas realizarse tanto profesional como familiarmente.

Como consecuencia do anterior, os desafiuzamentos- aínda máis cando supoñen o mantemento da débeda- conlevan altos niveis de dramatismo, inseguridade e desprotección das persoas, por todo isto

ACÓRDASE:

1º.- Solicitar ao Goberno de España que aprobe unha modificación da regulación hipotecaria que inclúa a figura da dazón en pago, de maneira que, nos casos de vivenda habitual, se o banco executa a hipoteca e se queda coa vivenda, a totalidade da débeda (hipoteca, intereses e costas xudiciais) quede liquidada.

2º.- Instar ao Goberno de España a aprobar unha moratoria ou implementar as medidas necesarias para paralizar os desafiuzamentos das familias en situación de insolvencia sobrevida e involuntaria. Para os milleiros de desafiuzamentos xa producidos, que se aproben con carácter de urxencia medidas necesarias destinadas a que milleiros de vivendas baleiras que están a acumular as entidades financieiras como consecuencia deses embargos sexan postos inmediatamente a disposición das familias desafiuzadas e sen recursos en réxime de aluguer social, non superando nunca o 30% da renda familiar dispoñible.

3º.- Máis alá da medidas de competencia estatal, o Concello de Vilagarcía comprométese a cancelar todas as contas bancarias de titularidade municipal en entidades que executen un só desafiuzamento no termo municipal de Vilagarcía, a poñer a disposición dos afectados por execucións hipotecarias os servizos xurídicos municipais, a non autorizar a presenza da Policía local en  ningún acto de desaloxo por desafiuzamento e a garantir os realoxo digno das familias afectadas.

4º.- Dar traslado destes acordos ao Consello de Ministros en especial ao Ministerio de Xustiza e ao Ministerio de Economía, así como aos grupos parlamentarios no Congreso e no Senado, ao Parlamento de Galicia e ás Plataformas de afectados polo desafiuzamentos e ás Asociacións de Veciños de Vilagarcía de Arousa.

En Vilagarcía de Arousa, 12 de novembro de 2012

OS SOCIALISTAS DE VILAGARCÍA SORPRÉNDENSE DE QUE O ALCALDE TOMÁS FOLE SOLICITE AGORA AXUDA SOBRE QUE FACER CON FEXDEGA, O SEU PROXECTO ELECTORAL ESTRELA

A situación actual da Fundación Fexdega foi responsabilidade do Goberno Local que aceptou cargar cun recinto que a Xunta non quería

Vilagarcía de Arousa, 7 de novembro de 2012.- O Partido Socialista de Vilagarcía observa con estupor a reacción desmedida do Alcalde Tomás Fole ante os comentarios feitos pola portavoz socialista no Concello, Tania García, en relación á situación e xestión do recinto de Fexdega neste fin de semana coa coincidencia de un circo co único salón ferial deste ano. Resulta obvio que a xestión municipal neste punto foi errática e deslabazada, pois non é natural que nas únicas datas en que Fexdega teña ocupación (e para máis gravidade, un proxecto empresarial local) se facilite a instalación dun circo no aparcamento da parte dianteira do recinto eliminando estacionamentos, dificultando a accesibilidade, limitando a visibilidade do recinto, xerando malos olores pola presenza de animais, etc. Os socialistas xa propuxeron que o circo se ubicase na explanada do Ramal, lugar máis apropiado por seren un parking menos utilizado durante o inverno e por non estar rodeado de vivendas.

O que semella é que o Alcalde Fole está a requerir axuda sobre o que o Goberno Local debe facer con Fexdega, se cadra porque está a percibir que o que foi o seu grande proxecto electoral ten, cada día, máis buratos. En primeiro lugar cabe lembrarlle ao señor Fole que o que pon a Fexdega nesta situación actual é el mesmo, dende que favorece que a Xunta se desentenda de todo endosando a responsabilidade ao Concello de Vilagarcía. O natural tería sido contribuír e sumarse a unha decisión conxunta para todos os recintos feriais de Galicia, que si é un debate necesario. Pero as ansias faraónicas levaron ao entón candidato Fole a comprometerse a asumir un recinto que conleva un gasto inasumible para o Concello (en subvención directa máis que o albergue de Cruz Vermella e o comedor de Cáritas xuntos), mentras outros recintos feriais de Galicia seguen a ser subvencionados polo ente autonómico. E non se olvide Fole de que esta decisión implicou o despido dos 4 traballadores que tiña a Fundación traballando alí, e que eran realmente os motores da organización de eventos e actividades. E para exemplo a perda da Feria Multisectorial, polo nulo interés do Goberno e a ausencia de traballadores que a podían activar. Dende logo non están os tempos para macroproxectos sen definición e para deixar perder postos de traballo por un capricho.

Realmente ao final do proxecto o Alcalde está a desvelar as súas intencións dende o inicio que parecen ser privatizar a xestión dun espacio privilexiado a un prezo increíble de 1€ por m2 ao mes, para un negocio do eido deportivo nun recinto xa adicado ao deporte (o cal favorece a carteira de clientes do futuro negocio, máis privilexio aínda). Esto tampouco é o proxecto que estaba deseñado para Fexdega e, dende logo, non ten o apoio dos socialistas. Pero é dunha desfachatez absoluta que Fole recrimine agora aos representantes da Fundación de Deportes que non aportaran ideas sobre o tema, cando foi precisamente este órgano municipal o ninguneado polo Goberno Local, e esta Fundación tivo que ser convocada por petición dos clubes porque, en palabras da actual Presidenta da Fundación Elena Suárez “esto era unha decisión que tiña que ser tomada polo Goberno Municipal e así foi, non consideramos ter que plantexala á Fundación de Deportes”.

Os socialistas veñen de hai tempo apostando por unha concepción de Fexdega como recinto multiusos, no que se debe seguir explotando a realización de ferias como recurso (e para o que fan falta os traballadores que foron despedidos), e que tivo grande actividade con xerentes que apostaron realmente por traballar este organismo e non para pasar por el só para cobrar un soldo como o popular Juan Luis Callón. Ademáis Fexdega permite a actividade de prospección para a celebración de eventos deportivos, congresuais, empresariais, etc. no seu interior, sen establecer ninguna actividade fixa e permanente que invalide calquera outra proposta.

Que o Alcalde deixe de facer cada semana unha cousa con Fexdega e que non torpedee os proxectos feriais nen a aqueles que os promoven. Así poderíase traballar entre todos en resolver unha situación que el mesmo convirteu en problemática, sen que serva de excusa para que algunha empresa teña un negocio privilexiado e sen que dimita ningún concelleiro máis. 

Convocatoria Asemblea Extraordinaria

Estimad@ compañeir@, coa vontade de compartir espazos e tempos de debate do partido pola presente convocámoste á

ASEMBLEA EXTRAORDINARIA

Coa seguinte orde do día:

1.      Constitución da asemblea e elección de Mesa.

2.      Análise e debate sobre os resultados das eleccións autonómicas do 21 de outubro

Data: xoves 8 de novembro de 2012

Hora: 20.00h en primeira convocatoria e 20.30h en segunda convocatoria

Lugar: sede do partido. Rúa Castelao 18, entrechán.

Pola importancia dos asuntos a tratar, esperamos a túa presencia.

Recibe un saúdo

                                                                                  

Julio Torrado Quintela                                                                      Argimiro Serén Mera

Secretario de Organización                                                              Secretario Xeral

JULIO TORRADO: "ESTAS SON AS ELECCIÓNS DA INXUSTIZA FRENTE A SOLIDARIDADE, DA DIGNIDADE FRENTE A CODICIA"

O líder socialista resaltou que cada voto do vindeiro día 21 decidirá si se pagan as ambulancias, as mamografías e os servicios sociais

O candidato do PSdeG-PSOE por Arousa destacou en Carril que non tódolos políticos son iguais porque uns teñen vontade de traballar para os demáis e outros de engordar ás empresas máis fortes

Vilagarcía, 14 de outubro de 2012 - O candidato do PSdG-PSOE pola comarca de Arousa, Julio Torrado, encabezou esta mañá o mitin que a formación socialista deu en Carril  resaltando que o proceso electoral que se vivirá o vindeiro día 21 de outubro “son as eleccións da inxustiza contra a solidaridade, da xente que ten vontade de traballar polos demáis fronte á codicia”. Todos temos un voto –engadiu- e nestas eleccións será o voto da “dignidade frente a codicia”.

As manifestacións non poden ser máis oportunas si se teñen en conta os titulares da prensa de hoxe que din que “as fortunas dos millonarios españois engordan en plena crise” xa que  “os patrimonios das sociedades de inversión teñen medrado nalgúns casos ata un 50 %”.

Os socialistas defenden no seu programa aplicar un maior tramo do IRPF as grandes fortunas para deste xeito poder pagar o gasto social en mediciñas e educación. Dixo Torrado que “cada voto do vindeiro día 21 decidirá si se pagan ambulancias, mamografías…  ou se se engordará as grandes fortunas”.  “Non todos os políticos somos iguais -destacou o xoven socialista- porque algúns temos vontade de traballar para os demáis, de que todos teñamos dignidade”.

“Nós non vamos a permitir que haxa alguén que teña menos do que sexa digno, porque todo o mundo merece un nivel de vida digno”.  Reclamou sanidade pública para todos “porque todos os rapaces son iguais veñan do país que veñan”.

“Que a ninguén lle pregunten en qué traballa seu pai”, dixo o candidato do PSdeG-PSOE. “A nós non nos molesta que o fillo dun albanel sexa presidente do goberno”, manifestou recordando ao veterano socialista Alfonso Guerra quen facía ver nas súas campañas as grandes diferencias sociais que existiron neste país e que, segundo Torrado, voltan a aflorar.

O líder socialista falou hoxe pola mañá para os carrilexos aos que lles mostrou que a formación socialista está en contra de que as latas de conserva non leven inscrita a procedencia do producto, unha medida que adoptou o goberno de Feijoo e que, segundo dixo Torrado, levará a que os carrilexos teñan que emigrar e a que o seu producto o envasen grandes corporacións foráneas, mentres os traballadores autónomos vilagarciáns perden a súa capacidade de vivir do mar. “Aquí viven 15.000 persoas do mar”, manifestou.

Recordou que “non todos os políticos somos iguais porque aquí a rexeneración da praia para que puideran traballar os cidadáns de Carril fixoa o alcalde socialista Javier Gago” mentras que o PP de momento en Carril no fixo nada”.

Neste tema afondou Tania García, a portavoz municipal, quen recordou que o PSdeG-PSOE con Touriño ao frente da Xunta de Galicia convertiu a illa de Cortegada nun parque natural, mentras que a Xunta “so entregou uns permex ás portas das eleccións e non me extranaría que os quitasen por toda a polémica que están suscitando”.   

Pola súa banda Miro Serén, o secretario local, quen destacou que a política que fai o PP de retirar as becas provoca que “os fillos dos descamisados non teñan as mesmas oportunidades” . “Non lles interesa que estean sentados na mesma aula o fillo dun empresario que o fillo dun traballador”, dixo.

Serén fixo un percorrido polos ministros de educación e destacou que Wert quere acabar coa nosa lingua. Recordou neste senso que o programa socialista vai rematar co decreto que relega ao galego e subliñou que o “máximo que fixo pola educación en Vilagarcía o actual goberno da xunta “foi pintar unhas portas do colexio A Lomba”.

Tamén interviu a concelleira Susana Camiño, de Carril, quen criticou os recortes na limpeza e destacou que este ano se está a retrasar o calendario de vacunas “¿será porque no lo queren facer pagar?”, preguntouse.

TORRADO DEFENDE A NECESIDADE DE ACHEGARSE Á XENTE NESTES MOMENTOS DE DESCRÉDITO XERAL DA POLÍTICA

O candidato socialista vilagarcián di que o PSdeG é a única forza capaz de liderar o cambio de modelo en Galicia

Os socialistas apelan a convertir a indignación en voto para rematar coas inxusticias sociais fomentadas polo goberno do PP.

Vilagarcía de Arousa, 13 de outubro de 2012.- Os socialistas de Vilagarcía organizaron esta mañán un reparto de publicidade electoral polo mercado e a praza de Vilagarcía encabezados polo candidato, Julio Torrado, e tamén contaron coa presencia do Secretario de Organización do PSdeG, Pablo García.

Julio Torrado destacou a “necesidade de estar preto dos cidadáns nestes momentos de extrema dificultade”. “É fundamental o contacto directo coa cidadáns, explicando as nosas propostas fundamentais, que non son outras que a defensa ultranza de aqueles servicios públicos esenciais para garantir a igualdade de oportunidades de tódolos cidadáns”. O candidato socialista garantíu que “de acadar o goberno da Xunta, o PSdeG eliminará o copago dos medicamentos e volverá a instaurar a gratuidade dos libros de texto, xa que éstas son dúas medidas fundamentais para facer desta unha sociedade un poco máis xusta”.

Explicou que son medidas que xa tiña instauradas o goberno anterior ao do PP e que “agora son máis necesarias que nunca”. “É o momento en que máis medidas sociais fan falla”, dixo. “É o momento de que todos podemos estudar gratuitamente e que non teñamos que decidir cal dos nosos fillos vai estudar e cal emigra ao extranxeiro”. Torrado recordou que hai un descenso notable da partida para becas y que o goberno xa non quere financiar os libros de texto, polo que considera que estamos volvendo a unha sociedade de hai 40 anos, onde moi poucos podían ir a universidade. Segundo o socialista vilagarcián, é fundamental que a xente saiba que “nós estamos en contra deste modelo e que se poden quitar os cartos doutras partidas coma un imposto as clases máis altas”, de xeito que “toda a sociedade sexa un pouco máis igualitaria”, dixo.  Para explicar esta política, o socialista arousán metiuse entre a xente do mercado e difundiu a máxima de que as ideas socialistas deben estar máis vivas ca nunca.  

O Secretario de Organización do PSdeG, Pablo García, incidíu na necesidade de deixar claro que “non tódolos políticos somos iguais, existen diferentes formas de facer política e nós o queremos demostrar”. O tamén candidato pola provincia de Pontevedra argumentou que “non é igual unha política baseada nos recortes que unha política baseada na defensa dos dereitos dos cidadáns, que é a política que defende o PSdeG”.

Asemade, Pablo García tamén quixo destacar a importancia de que “todos aqueles cidadáns descontentos coa situación actual acudan a votar, xa que o voto é o único medio polo que se pode acadar un cambio de goberno que significa un cambio de políticas”. Polo tanto, o Secretario de Organización do PSdeG fai un chamamento a “confiar no PSdeG, única formación capaz de liderar ese cambio de políticas tan necesario”.

Por último, Pablo García aproveitou a súa visita a Vilagarcía para preguntarlle ao candidato do Partido Popular polos 400 millóns de euros que o Consello de Contas afirma que Feijóo ocultou do déficit de 2010. O candidato socialista pregúntase se “Feijóo vai a continuar mentíndolle aos cidadáns e presumindo dun déficit “niquelado” que agora se demostra que é unha mentira máis”. 

TORRADO DENUNCIA QUE FEIJOO DUPLICOU AS CIFRAS DO PARO EN GALICIA EN TRES ANOS

O candidato do PSdeG-PSOE por Arousa expuso que dun 11% de desemprego na comunidade pasouse ao actual 22%

“Xogámonos o futuro” dixo o líder socialista quen resaltou que o PP culpa aos cidadáns de ter vivido por riba das súas posibilidades mentres o PSdeG asocia a crise cos especuladores 

Vilagarcía de Arousa, 7 de outubro de 2012.- O candidato do PSdG-PSOE pola comarca de Arousa, Julio Torrado, liderou esta mañá o mitin de Vilaxoán  cunha aposta clara polo emprego sinalando que os socialistas farán pagar o precio da crise aos especuladores subindo os impostos ás clases máis altas, porque foron precisamente os especuladores os que causaron o actual sufrimento, en contra do que promove o Partido Popular quen culpa aos cidadáns de ter vivido por riba das súas posibilidades.

Torrado expuso claramente para os vilaxoaneses os datos do desemprego en Galicia. “Hoxe hai un 22% de paro en Galicia” frente ao 11% que se rexistraba hai so tres anos. Amosou, ademáis, outras cifras moi claras. 45 foron os días que dixo Feijóo que lle levaría resolver o desemprego en Galicia e 675 son o número de persoas que cada 45 días fóronse ao paro durante os últimos catro anos.

Pola contra destacou que os orzamentos do Estado destinan 6 millóns de euros menos para o desemprego.

O líder socialista dou aínda máis datos económicos. Dixo que en 25 anos Galicia acumulou 4.000 millóns de débeda e nos tres anos seguintes Feijóo duplicouna. Precisamente, engadiu, case o dobre desta débeda, 7.000 millóns é que lle quere dar o PP a Nova Galicia Banco.

“Iguais non somos” sentenciou Torrado porque co PSdeG-PSOE os pensionistas non van pagar os medicamentos,  e “imos investir en emprego e sanidade e poñer en marcha os servicios sociais  que, quen os puxo a andar neste país foi o Partido Socialista e quen os quita é o PP”. “¿Cómo o imos facer? Aumentando o que teñen que pagar de IRPF os que máis teñen”, respostou.

Renuncia a seguros privados

Torrado implicouse persoalmente no proxecto socialista. Dixo que dando sexa diputado o primeiro que vai facer é “renunciar a calquera seguro privado médico” porque a aposta socialista é unha sanidade universal e gratuita. “Nós non lle preguntamos a ninguén de qué país é para atendelo no médico. Empézase preguntando iso e acábase preguntando cántos cartos tes ou a quen votas” subliñou.

No mitin socialista interviron tamén a portavoz municipal do PSdG-PSOE Tania García, quen destacou que o PP non inviste nas instalacións sanitarias, nin en mamografías e que a candidata a deputada por Vilagarcía Marta Rodríguez dixo que non iba a costarlle un peso ao concello, e a pesares dixo cobra 800 euros ao mes do concello e máis de 4.000 do Parlamento de Galicia.

Tania García sinalou que o PSOE gastou cartos na súa etapa de goberno para dar infraestructuras a Vilaxoán e que Tomás Fole foi despois a inauguralas a nin sequera invitaron aos socialistas. Denunciou que Fole gastou 73.000 euros en facer un pabellón polideportivo en Fexdega, cando “non facía falla” porque xa hai polideportivos.

Tamén intervíu Miro Serén, o secretario local dos socialistas vilagarciáns, que rememorou a súa etapa coma docente en terras vilaxoanesas. Serén resaltou que “hai alternativas de goberno” porque os recortes son recortes ideolóxicos. “O PP prefire pagar inchables que limpar os centros escolares”.

Os socialistas defenden ante os empresarios de FECA unha fiscalidade máis solidaria “para que pague máis quen máis ten, buscando una saída conxunta da crise”

Julio Torrado incidíu na necesidad de que esta crise non provoque unha ruptura social

Abel Losada defendeu a necesidade de investir en I+D+i e a creación dun programa de emprego xuvenil en empresas privadas de sectores productivos

Vilagarcía de Arousa, 5 de outubro de 2012.- O PSdeG-PSOE continúa a súa rolda de contactos con diferentes asociacións da cidade. Neste caso, o candidato do PSdeG-PSOE por Arousa, Julio Torrado, e o número un da provincia, Abel Losada, mantiveron unha reunión cos directivos da Federación Comarcal de Empresarios de Arousa (FECA). Os empresarios, a través do seu presidente Jose Luis Vilanova, e do vicepresidente e secretario de FECA, explicaron a súa postura acerca da actual coxuntura e das medidas que consideran necesarias para a reactivación da actividade económica, especialmente das empresas da nosa comarca.

Julio Torrado defendeu a necesidade de “implantar una fiscalidade solidaria, máis xusta, que grave máis ás rendas máis altas, xa que este é un principio fundamental de xusticia social”. Torrado destacou que “defenderá este presuposto alá a onde vaia, independentemente do interlocutor ao que se enfrente”.

Os socialistas incidiron nas propostas recollidas no seu programa electoral destinadas á xeración de emprego, “eixo fundamental do noso programa”. Abel Losada afirmou que “é fundamental xenerar emprego, sobre todo para os máis xóvenes, en empresas privadas dos principais sectores productivos”. Para Julio Torrado esta medida é fundamental, xa que “ademáis de darlle unha oportunidade merecedida á xuventude de inserción no mundo laboral, é unha medida máis que axuda á reactivación da economía do país”.

Para os socialistas, o maior esforzo debe facerse no sector do I+D+i, xa que, en palabras de Torrado “está claro que camiñamos hacia unha sociedade do coñecemento na que tomar as decisións adecuadas en políticas de investigación e desenvolmento pode marcar o futuro de todos nos como país”.