A agrupación de Vilagarcía do Partido Socialista queremos enviar un apoio forte, comprometido, colaborador e por enriba de todo: socialista, aos compañeiros Jorge María, de Vilanova, e Dulcinea Aguín, de Sanxenxo, que nas últimas datas veñen de ser proclamados polas súas agrupacións como candidatos ás respectivas alcaldías destes dous municipios arousáns.
Dende Vilagarcía queremos manifestar a nosa esperanza en que estas dúas apostas, que dende hai moito tempo veñen traballando polo socialismo, por Arousa, e polas súas vilas, saberán recabar o apoio de moitos cidadáns e poderán ofrecer no futuro respostas para os seus veciños, como xa o están a facer.
O compromiso que estes dous compañeiros amosan nestes momentos de dificultade serve para comprobar como os socialistas comprendemos a política como un servizo á sociedade, ás persoas.
Dende Vilagarcía, enviamos un saludo a todos os compañeiros de Sanxenxo e Vilanova, expresándolles o noso afecto e animándoos a traballar xunto a estes candidatos polo ben de todos.
No hay comentarios:
Publicar un comentario