Esta única iniciativa do bipartito
de dereitas amosa o escaso nivel político deste Goberno Municipal.
A ordenanza multa as xuntanzas de
varias personas nunha beirarrúa, supostamente por molestar o paso.
Vilagarcía de Arousa, 25 de abril de 2012.- O bipartito de dereitas PP-IVIL que conforma o
Goberno Municipal de Vilagarcía está a conseguir superarse a si mesmo e está a
tramitar a presentación, para o vindeiro Pleno Municipal, dunha ordenanza
municipal que regule a movilidad na cidade. Sen embargo, lonxe de ser esta unha
medida complementaria a outras iniciativas que se centren en temas de economía
e emprego na nosa localidade, resulta ser a única iniciativa que todo un
Goberno Municipal é quen de presentar. O feito de presentar unha única
iniciativa en todo un mes de traballo non é novo, pois este mesmo Goberno xa
deu este baixo nivel de traballo noutros plenos que tan só presentaron unha
única iniciativa. Sen embargo, unha breve análise da ordenanza a debatir ofrece
unha visión preocupante da xestión municipal.
A ordenanza de movilidade que o
bipartito de dereitas vai presentar baséase na surrealista prohibición de
actividades como que un neno/a de 9 anos ande en patinete pola rúa ou que non
se agrupen demasiadas persoas xuntas nunha beirrarúa. De feito, este tipo de
conductas pode levar a sancións e multas.
Ante tal demostración de xestión
municipal, os representantes do Partido Socialista pregúntanse se estes son os
temas prioritarios e que merecen tanta adicación para o Goberno Municipal. A
portavoz socialista no Concello, Tania García, valorou hoxe que “na situación
na que nos atopamos, coas encrucilladas económicas e políticas de calado e
importancia que existen, e a incertidume sobre o Estado de Benestar que o
Goberno de Estado está a difundir, o Goberno Municipal soamentes foi noticia
este mes por talar uns árbores para facer aparcamentos e por prohibir andar en
patinete”.
A ordenanza a presentar, ademáis de
recoller cuestións tan perigosas como abrir a porta a que varias persoas sexan
multadas polo único feito de deterse a falar na rúa (cuestión que trae
lembranzas difícilmente expicables), presenta ademáis diversas contradiccións
coa acción deste equipo de goberno. Cabe lembrar que entre as decisión do
Alcalde Tomás Fole está a de eliminar prazas de policía municipal ao non
amortizar as do persoal que se xubile. Daquela cabe interpretar que, ademáis de
ser menos número de efectivos, a policía terá agora a dura, impagable e
laboriosa misión de perseguir rapaces en patinete para identificar e comprobar
a súa idade por se están a incumprir a lei. Se cadra, o concelleiro responsable
do área que presenta a ordenanza, Cholo Dorgambide, terá en mente a chegada dos
Rangers de Texas para axudar a esta tarefa.
En realidade, o preocupante deste
asunto é que este bipartito de dereitas está a presentar unha pobre e delirante
xestión municipal no que unha das súas patas, o PP, non presenta ningunha
iniciativa a un pleno tendo 10 concelleiros, o Alcalde soamentes apareceu en
escena este mes para talar árbores e o único concelleiro de IVIL presentará
esta ordenanza que só pretende regular con lei e sancións o que para todos os
demáis cidadáns, semella que á excepción do propio Goberno, parécelle absurdo.
No hay comentarios:
Publicar un comentario