Inauguración da rehabilitación da finca e casa de Carús

Foto: José Luiz Oubiña
Fuente: Faro de Vigo 

A mañá do pasado domingo día 25 de abril serviu para inaugurar a recuparación e reforma da casa e finca de Carús, na parroquia de Trabanca Badiña, unha das principais obras levadas a cabo cos fondos do Plan E impulsado polo goberno de José Luis Rodríguez Zapatero.

A casa da familia Carús construiuse no ano 1910, ano no que precisamente finou o científico Roque Falcón Carús, da familia propietaria da casa e da finca. Agora este espacio está aberto para sempre para disfrute dos veciños de Vilagarcía en xeral e de Trabanca Badiña en particular.

A reforma da casa da familia Carús permitirá agora habilitala como Casa da Memoria, e recollerá departamentos municipais como o Arquivo Municipal e outros destinados á acollida e xestión de fondos históricos, bibliográficos ou musicais.

Comunicado de Prensa. Centro de saúde V.

O PP intenta calar o debate sobre o novo centro de saúde
Os socialistas creen que tras esta actitude atópase a decisión de non dotar a Vilagarcía dos recursos sanitarios que necesita.

Vilagarcía de Arousa, 18 de abril de 2010.- O candente debate sobre a construción dun necesario centro de saúde en Vilagarcía está a esperar pola opinión pública do PP da nosa vila, que mantén un silencio impropio dunha formación política que ten que dar resposta ante as inquedanzas dos veciños.

O Partido Socialista sostén unha opinión clara ao respecto, defendendo que é necesario para Vilagarcía un centro de saúde novo de referencia, coa dotación dos recursos necesarios para unha óptima calidade asistencial. Ademais, o PSdeG defende que a localización idónea son os terreos da antiga Comandancia de Marina xa que reúnen características ideais como a súa centralidade, accesibilidade a outros servicios, posibilidades de aparcamento e de transporte público moi próximas.

Sen embargo, e a pesares de representar ao partido que ten responsabilidades de Goberno na Xunta de Galicia, no PP de Vilagarcía seguen agochados e dando a calada por resposta. Probablemente esto signifique, polo tanto, que o temor de que o que quere o PP é que non se fale deste tema para poder dar unha solución difuminada e que non este á altura, pode estar máis cerca de facerse realidade.

Dende o PSdeG de Vilagarcía solicitamos ao PP local, e particularmente ao seu presidente local Tomás Fole, que dunha vez deixe clara a súa postura sobre se existe a vontade real de contruir un centro de saúde de calidade en Vilagarcía ou non. Quizáis resulte que a coñecida débil posición política de Tomás Fole dentro do propio PP non lle permita dar unha opinión de compromiso cos vilagarciáns, e prefira manterse apegado ás decisións dos seus dirixentes aínda que estas choquen frontalmente coas necesidades da nosa vila. A pesares de todo, en caso de facelo, o PP tería que explicar por qué non lle serven como válidos os terreos da antiga Comandancia, gratuitos e xa a disposición da Consellería de Sanidade, ou se considera que é mellor emprender novas negociacións e posibles gastos para o Concello de Vilagarcía embarcándose en novos terreos que non reunisen boas condicións.

O Partido Socialista, dende a súa defensa firme e inflexible dunha sanidade pública de calidade, segue a manterse na mesma postura que ven defendendo e confía que se teña en conta a opinión de Vilagarcía e non a dos que a queren olvidar.


Saúdos
Comisión Executiva Municipal

14 de abril, día da República

A Comisión Executiva Municipal do PSdeG-PSOE de Vilagarcía, organizou un acto de homenaxe á II República e de recordo ás vitimas do alzamento franquista, no que contamos coa presenza da nosa Alcaldesa, Dolores García.

No acto estiveron presentes moitos compañeiros e cidadáns que manifestarn o seu sentir republicano, e rematou cunha ofrenda floral ao monumento Rosas Rotas, no parque Miguel Hernández, no que o partido, representado pola Secretaria Xeral Tania García, a Alcaldesa Dolores García, e Rosina Villaverder, filla do último alcalde republicano de Vilagarcía Elpidio Villaverde, depositou un ramo de flores aos pes dos nomes grabados na escultura. Asemes, participaron moitas persoas que depositaron as súas rosas no mesmo lugar.

O PSdeG, ademáis, fixo público un manifesto con motivo da conmemoración deste 14 de abril:


Hoxe, día 14 de abril, todos os que compartimos un sentimento republicano conmemoramos aquel día de 1931 no que se instaurou a II República Española.

Foi aquela unha etapa de progreso, de avance social, de apoio á democracia e aposta por un modelo de sociedade que os socialistas recordamos hoxe. Pero a II República foi truncada, sen embargo, con un vil e infame golpe de estado fascista, que meteu a este país na cruenta e vil Guerra Civil.

Hoxe, aquí diante desta escultura erixida para manter presente a dignidade dos que morreron pola liberdade, e na honra dunha vontade democrática que foi atacada polos que traizoaron a este país e ás súas xentes, proclamamos ben alto a nosa repulsa por aquel levantamento militar miserable e a nosa defensa dos valores da democracia.

Este non é un acto contra ninguén, como aprendemos do respeto pola pluralidade daquela II República pero, como escribiu Mario Benedetti, hai que ter coidado “cos ruíns do pasado, e tamén cos sabios granuxas do presente”. Nestes tempos nos que este país pretende resolver débedas morais históricas, que xa hai tempo que tiñan que ter sido resoltas, aparecen xuíces e políticos que pretenden amparar a quenes foron agresores e dar a espalda a quenes foron víctimas e ás súas familias. Dende o simbolismo e recordo que evoca esta escultura, os socialistas manifestamos a nosa firme vontade de seguir loitando pola dignidade daqueles que pretenderon ser olvidados forzosamente, e de manternos firmes ante os que pretenden ocultar o seu propio pasado.

En defensa da dignidade daquelas víctimas pola defensa da República, da democracia, da xustiza e do progreso que encarnou aquela etapa, confiamos en que máis pronto que tarde sexa posible de novo.

Comunicado de Prensa. Centro de Saúde IV

Os socialistas pídenlle ao PP de Vilagarcía que se posicione dunha vez sobre a ubicación do novo centro de saúde.
Os socialistas defenden a construcción do centro na antiga Comandancia.

Vilagarcía de Arousa, 9 de abril de 2010.- O Partido Socialista de Vilagarcía quere mostrar a súa satisfacción polos avances que se están a producir con respecto ao novo centro de saúde para Vilagarcía, en referencia á aprobación nestes últimos días da proposición non de lei no Parlamento de Galicia en favor da construcción desta instalación.

Esta proposición non de lei, impulsada polo Grupo Parlamentario Socialista, recolle a fórmula que ven sendo defendida polos socialistas en todos os ámbitos. Neste sentido, dende esta formación política quérese insistir na proposta firme de que se constrúa o centro de saúde nos terreos da antiga Comandancia de Marina, como así quedou encamiñado na etapa do anterior goberno autonómico. Esta localización recolle as mellores características posibles ao respecto, como son a centralidade, a accesibilidade, os servicios, o aparcamento e todas as facilidades posibles con respecto a outras localizacións.

A este respecto, a secretaria xeral dos socialistas de Vilagarcía, Tania García, manifestou que “o PP, e particularmente o seu presidente local Tomás Fole, teñen que dar explicacións sobre cal é a súa postura real. Non é válido xa tentar de xogar ao escondite e pretender buscar excusas para non construir un centro de saúde de referencia, coa calidade merecida para os vilagarciáns. Os veciños xa saben a postura do Partido Socialista, que é continuar co proceso iniciado polas distintas administracións, nas etapas que foron dirixidas polos socialistas, para construir o centro de saúde nos terreos da antiga Comandancia. ¿Cal é a postura do PP? ¿Por qué non consideran válida a opción plantexada da Comandancia?”.

O Partido Socialista mantén, de maneira firme, a súa postura inicial, e confía en que as distintas administracións implicadas dean pasos para achegarse ao obxectivo final. Para esto os socialistas non creen que sexa positivo fomentar debates sen sentido, e enfrontamentos localistas innecesarios. O que é necesario é apostar de verdade por unha sanidade pública de calidade. Os vilagarciáns merecen unha defensa firme dos seus dereitos, e o novo centro de saúde é unha necesidade que Vilagarcía demanda e que o Partido Socialista apoia. Espérase, desde esta formación política, que o PP abandone a súa estratexia de distracción e enredo e se sume ás accións positivas que queren os veciños.

Visita de Manuel "Pachi" Vázquez a Vilagarcía

Este xoves día 8 de abril, ás 20h., visitará a sede do Partido Socialista en Vilagarcía o Secretario Xeral do PSdeG, Manuel "Pachi" Vázquez.

A visita a Vilagarcía do secretario xeral ten como obxectivo coñecer de primeira man as súas valoracións sobre a situación política actual de Galicia, así como estar á disposición dos militantes para poder debatir sobre os temas de interese.

Esperamos a presencia na sede de todos os que desexades acudir.

Comunicado de Prensa. Centro de Saúde (III)

O voceiro do Partido Popular en Vilagarcía, Tomás Fole, segue na súa teima
Tenta desviar a atención e segue sen explicar as razóns da non construción do centro de saúde de Vilagarcía nos terreos da Comandancia

Vilagarcía de Arousa, 25 marzo de 2010.- Unha vez máis, e como xa tristemente estamos acostumados a comprobar, o portavoz do Partido Popular de Vilagarcía pretende convertir o debate sobre o novo centro de saúde nun lanzamento de excusas baratas e na busca de alguén a quen cargarlle a súa propia irresponsabilidade coa ampla maioría da poboación de Vilagarcía.

É necesario recordarlle a Tomás Fole, unha vez máis e xa van moitas, que existe unha liña de traballo para construír un novo centro de saúde nos terreos da antiga Comandancia de Marina. Esta vía, iniciada polos socialistas no anterior Goberno da Xunta, conta con todas as facilidades posibles en canto a espacio, comunicacións, accesibilidade e centralidade. Foi a nova conselleira, Pilar Farjas, co respaldo cómplice e sumiso do Partido Popular de Vilagarcía, quen bota agora para atrás o proxecto e se escuda en ideas a todas luces absurdas. Resulta entón que o señor Fole pretende convencer aos veciños de Cornazo, Fontecarmoa ou Vilaboa de que teñen mellor acceso e máis servizos e equipamentos no peirao de Vilaxoán que no centro de Vilagarcía, insistindo ademais na demostrada falacia de que a nosa localidade está a crecer máis en Vilaxoán que no resto da vila, é máis, e pretende facernos crer que o Centro de Saúde de San Roque non fai anos que se quedou pequeno e obsoleto para as necesidades dunha poboación coma Vilagarcía

O señor Tomás Fole non lle está a facer ningún favor a Vilagarcía sendo cómplice do evidente plan da consellería de enfangar o debate para non construír ese novo centro, pola triste razón pola que o PP funciona dende as súas responsabilidades de goberno de non aportar nada aos concellos nos que non goberna, como lamentablemente sabemos perfectamente en Vilagarcía.

Sen embargo si que o voceiro do Partido Popular en Vilagarcia se permite o luxo de criticar labores políticas e de reivindicación de dereitos que fan os representantes dos outros partidos políticos. A defensa dos intereses dos veciños faise con todos os recursos necesarios pois a manifestación ou a protesta, igual que a actividade parlamentaria, o contacto cos veciños ou a participación en actos públicos, son ferramentas posibles, aínda que no partido do señor Fole e o Partido Popular consideren que a xente non debería de queixarse nunca por nada. Dende o Partido Socialista consideramos que o señor Fole, lonxe de criticar a organización de actividades de información e reivindicacións veciñais, e máis aínda de criticar que outros representantes políticos participen, o voceiro do Partido Popular debería poñerse do lado dos veciños e deixarse de actitudes partidistas que pouco ou nada benefician á maioría dos vilagarciáns.

Proposición Non de Lei no Parlamento de Galicia polo centro de saúde na antiga Comandancia de Mariña

O deputado autonómicoModesto Pose, portavoz de Sanidade do grupo parlamentario do PSdeG no Parlamento de Galicia, ofreceu onte unha rolda de prensa para expoñer a postura desta formación acerca da planificación sanitaria en Vilagacía, e dar a coñecer a proposición non de lei  presentada o día  dous de marzo no Parlamento.

"Os socialistas defendemos a necesidade de mellorar as instalacións de atención primaria na nosa vila", sinalou o deputado aludindo á saturación do centro ubicado na rúa San Roque, e ás súas deficiencias en prazas de aparcamentos  e á inseguridade dos peóns. "A postura do Partido Socialista é firme en canto á  necesidade dun novo Centro de Saúde e que a súa ubicación non pode ser outra cós terreos da antiga Comandancia de Mariña", concluíu Pose. "As xestións iniciadas coa cesión do Ministerio de Defensa á Autoridade Portuaria de Vilagarcía e a posterior posta a disposición da Consellería de Sanidade do céntrico solar, sendo Presidente da rada o socialista Javier Gago, non poden tirarse pola borda como pretende facer agora a Conselleira de Sanidade".

Por todo o anteriormente exposto, o Grupo Parlamentariodo do PSdeG dacordo cos socialistas de Vilagarcía presentou unha proposición non de lei que insta ao Goberno de Galicia a:

1. Culminar o procedemento de aceptación dos terreos da Comandancia de Mariña para a Construción do centro de saúde de Vilagarcía.

2. Redactar ao longo do 2010 o Plan Funcional e o Proxecto do citado centro.

Por outra banda, o Grupo de Goberno de Vilagarcía pedíulle á Xunta que se «deixe de enredar» e defina dunha vez que modelo de atención sanitaria pretende para a capital arousana. Se este é un deseño centralizado, Ravella non alberga dúbidas: os 5.000 metros cadrados que ofrece a antiga Comandancia de Marina. Agora ben, se o que o Sergas busca é unha rede distribuida por todo o municipio, o Concello ten seis propostas que ofrecerlle para a ubicación doutros tantos centros de saúde

Tamén o anterior Presidente da Autoridade Portuaria e Ex Alcalde de Vilagarcía, Javier Gago, quixo aportar a súa opinión sobre a ubicación do novo centro de saúde, o socialista defende a construción nos terreos da antiga comandancia e botou por terra os argumentos urbanísticos de Puertas, xa que a parcela está calificada polo plan xeral municipal, non polo plan especial do Porto, sendo o seu uso o de outros equipamentos. «Dacordo co artigo 47 de la Lei do Solo de Galicia, un simple acordo do pleno e outro do Consello de Administración da Autoridade Portuaria bastaría para cambialo a equipamiento sanitario sen necesidade de modificar nin o plan especial do Puerto, nin por suposto o PXOM ,  o compromiso coa sanidade pública e con Vilagarcía amósase con feitos e non só con palabras. Esta é unha boa ocasión para elo”.