O Partido Socialista proporá enmendas á proposta de estatutos da FPSDM para evitar que os clubes poidan quedar sen representación

O boceto de estatutos reduce drásticamente a presenza de asociacións de veciños, ANPAs e colectivos de profesores en órganos que tamén ven reducidas as súas competencias.

Vilagarcía de Arousa, 17 de outubro de 2011.- O Partido Socialista, despois de estudar o borrador de estatutos da FPSDM proposto polo concelleiro de deportes Luis Garrigós, presentará diversas alegacións para tentar de correxir algúns puntos que considera que non son apropiados, ademáis de solicitar unha xuntanza co actual concelleiro de Deportes para plantexar reformular algunhas ideas que conxuguen unha perspectiva máis aberta do deporte municipal.

Os socialistas consideran que os estatutos actuais son un bo marco de referencia, cos que a concellería tivo etapas en que foi o departamento mellor valorado do Goberno Municipal. Sen embargo, queren recoñecer a lexitimidade de Garrigós para facer a súa proposta que, aínda así, debería axustarse as liñas xerais propostas en campaña electoral, principalmente ao feito de dar maior capacidade de opinión aos clubes. Este punto é precisamente onde a nova proposta mostra un grande oco, xa que o borrador inclúe aos clubes deportivos nun órgano de nova creación, o Consello Consultivo, sen ningunha competencia real de decisión e coa soa misión executiva de nomear 3 membros a un Consello Reitor de 14 integrantes. Os clubes compartirían consello consultivo ao mesmo nivel con ANPAs, colectivo de profesores de educación física e asociación de veciños, polo que sería posible que ningún representante de clubes fora elixido para formar parte dos órganos con capacidade decisora, o cal supón un sinsentido descomunal. De maneira xeral os socialistas consideran que eses colectivos sinalados teñen, tamén, que ter asegurada unha presencia, por mínima que sexa, no consello da Fundación. En conxunto, a proposta pretende constituir un consello con case un 80% de membros de designación directa dos partidos políticos (11 de 14; retirando ademáis representantes de designación no Pleno e aumentando os que decidirá o Alcalde de modo directo), mentres que a composición actual da xunta reitora é de pouco máis do 50% (11 de 21).

Cabe lembrar que a composición actual dos distintos órganos contempla a presencia mínima dun representante de cada un dos colectivos antes sinalados, ademáis de cuotas para os clubes, incluso tendo en conta unha diferenciación entre deportes minoritarios e maioritarios, para aumentar a representatividade. Non consideran dende o PSdeG que exista motivación para desprenderse de estas voces, sendo o caso dos clubes moi chamativo.

Noutro orde de cousas, os representantes socialistas estiman inapropiado a distribución de funcións e decisións proposta, xa que segundo os novos borradores o consello reitor (que ven inicialmente a substituir ao anterior consello de xerencia) pasa de xuntarse cada dúas semanas a facelo cada 3 meses, o que resta de maneira colosal a súa capacidade organizativa e de influencia. Este cambio ven na liña de resta de competencias para os distintos órganos, que se culminan coa apropiación para o propio concelleiro de deportes de potestades exclusivas e sen xustificación ante estes órganos como decidir obras dun 10% do orzamento que poden chegar ata 6 millóns€. Cos estatutos actuais, as competencias exclusivas da presidencia son case nulas, tendo en conta que todas as súas decisións teñen que pasar polo consello de xerencia.

De modo xeral, os socialistas tamén queren apuntar que o borrador non fai mención en ningún senso á importancia do deporte recreativo, non federado. Tamén suporá motivo de propostas por parte do PSdeG.

PRESENTACIÓN DA CANDIDATURA ÁS ELECCIÓNS XERAIS DA PROVINCIA DE PONTEVEDRA

Día: Martes, 18 de outubro de 2011 

Hora: 12:00h

Lugar: VILAGARCÍA, Sede do partido en rúa Castelao, 18, entrechán;

Interveñen:

Modesto Pose

Secretario Xeral da provincia de Pontevedra

 

Manel Vázquez

Candidato nº3 ao Congreso

 

Carmela Silva

Candidata nº1 ao Congreso

 

 

Saúdos

FEXDEGA

O Partido Socialista reclama ao Presidente en fucións, Carlos Oubiña, a xuntanza do Padroado da Fundación Fexdega

É preciso que os patróns saiban como se vai desenvolver a inmediata actividade que suporá a Feria Multisectorial, e baixo qué condicións

Os socialistas queren coñecer baixo que fórmula se contratou á enpresa organizadora da Feira

Vilagarcía de Arousa, 14 de outubro de 2011.- Despois do proceso de desmantelación de Fexdega comandado polo Concello de Vilagarcía e a Xunta de Galicia, e coa inmediata celebración da Feria Multisectorial en perspectiva, toda información relacionada co recinto de A Maroma senella ter sido paralizada.

O Partido Socialista de Vilagarcía plantexa a necesidade urxente de convocatoria dun Padroado para coñecer a realidade da situación e vindeira actividade da Fundación, a tenor de diversas cuestións que se teñen que aclarar.

En primeiro lugar os socialistas denandan saber como está plantexada a organización do Feria Multisectorial, prevista para o vindeiro mes de novenbro. Esta feria, a de maior rentabilidade para, terá que organizarse e celebrarse sen os traballadores do recinto que foron despedidos fulminantenente polo proceso no que a Xunta e o Concello plantexaron para a Fundación. A este respecto parece necesario aclarar como de desenvolverá a multisectorial.

Adenáis do sinalado, as recentes informacións apuntan á celebración dunha feira do moble portugués nas mesmas datas ca Feira Multisectorial, polo que os socialistas queren coñecer se se van celebrar conxuntamente e en que condicións.

Tamén consideran os socialistas que dados os cambios que se están a producir na Fundación Fexdega, é necesario aclarar o papel de cada un dos patronos e as súas labores actuais, para esclarecer as actuacións que se están a levar a cabo recentenente.

Por último parece de interese plantexar que, dada a elevada actividade que nestas vindeiras datas se producirá, o despido fulminante dos traballadores foi unha decisión que podería ter sido reconsiderada no seu momento, cuestión que os socialistas plantexaron pero que tanto a Xunta como as directrices de Tomás Fole como Alcalde non tomaron en conta.

José Manuel Vázquez, Alcalde de A Illa de Arousa, será definitivamente o número 3 da lista do PSOE ao Congreso dos deputados

A portavoz dos socialistas en Meis, Marta Giráldez, e o militante de Vilagarcía Fernando Quintela complementan a lista como suplentes

O Comité Federal do PSOE ven de aprobar esta mañá as candidaturas ao Congreso e Senado para as vindeiras eleccións xerais

Vilagarcía de Arousa, 8 de outubro de 2011.- O Partido Socialista de Arousa terá en José Manuel Vázquez Vázquez, Alcalde de A Illa de Arousa, ó seu principal representante nas listas do PSOE para o Congreso das vindeiras eleccións xerais, tal e como aprobou en Madrid o Comité Federal do partido hoxe pola mañá.

Despois do traballo de oito anos do cambadés Domingo Tabuyo os militantes arousáns apostaron por abrir unha nova etapa, depositando a confianza en Manuel Vázquez. Vázquez, economista de formación é o primeiro, e polo de agora único, Alcalde elixido de A Illa de Arousa, chegando á alcaldía en maio de 1999 trala segregación de 1997. A pesares de que moitas voces apuntaron a inviabilidade do novo Concello no seu día, Vázquez consolidou un proxecto que fai hoxe da Illa un Concello consolidado, modernizado, saneado economicamente e que resulta exenplo en xestión e convivencia.

Ao longo destes anos, os diferentes gobernos municipais de A Illa de Arousa, comandados todos por Manuel Vázquez, conseguiron dotar ao municipio de infraestruturas básicas como o novo Concello, o instituto, o auditorio, o vial de acceso ao porto do Xufre ou novo centro de saúde en fase de construción.  A Illa de Arousa é un Concello recoñecido a nivel europeo pola súa xestión medioambiental, destacando a posta en valor do parque natural do Carreirón, a consecución de dúas bandeiras azuis, a implantación de rutas de senderismo e a aposta pola reciclaxe e o compostaxe doméstica que valeulle ao Concello varios recoñecenentos e distincións.

Como complenento á representación de Manuel Vázquez, os socialistas arousáns estarán tamén representados nas candidaturas pola portavoz do partido en Meis, Marta Giráldez e polo militante de Vilagarcía Fernando Quintela. Preténdese así recoñecer a labor de Giráldez, avogada, que reactivou ao partido en Meis estes últimos anos acadando significativas subidas de votos, e dar continuidade a Quintela que xa concurríu na candidatura das eleccións municipais eN Vilagarcía, sen resultar elexido, e que está sendo un dos responsables socialistas na área sanitaria dada a súa condición profesional de enfermeiro.

Todos eles formarán unha candidatura encabeza pola viguesa Carmela Silva, que renatou a lexislatura como portavoz do Senado, e polo pontevedrés Guillermo Meijón, actual deputado no Parlamento de Galicia e secretario de educación do PSdeG-PSOE. 

O Goberno Municipal anuncia a creación dun servicio de mediación de empleo que xa leva funcionando dende tempo atrás.

Pola contra, segue sen producirse a xuntanza de axentes económicos e sociais que o PP prometeu como a súa primeira medida a tomar.

Vilagarcía de Arousa, 2 de outubro de 2011.- O Concello de Vilagarcía ven de anunciar nos pasados días a suposta creación dun novo departamento de formación e empleo no Centro de Matosinhos, a través da contratación de mediadores laborais por parte do Concello de Vilagarcía.

Dende o Partido Socialista consideramos positiva esta medida, apropiada sen dúbida ningunha aos difíciles tempos que corren en termos laborais, precisamente. Tal é así a nosa consideración, que este servicio xa viña funcionando dende hai meses, incluso dende antes do cambio de Goberno Municipal en Vilagarcía. De maneira explícita, cabe sinalar que os mediadores laborais contratados o son a cargo do coñecido programa de cooperación da Xunta de Galicia, e que despois da solicitude por parte do anterior equipo de Goberno Municipal a subvención para a contratación de profesionais para este servicio foi concedida nos primeiros días do mes de maio, antes incluso das eleccións municipais.

É de interese apuntar tamén que esta proposta xa foi plantexada en campaña electoral polo Partido Popular, e que o próprio exconcelleiro socialista de emprego Álvaro Carou tivo que encargarse de lembrar ao candidato popular á Alcaldía Tomás Fole que o servicio xa estaba en marcha.

Sen pretender minusvalorar o feito de que a concellería, que agora dirixe Elena Suárez, continúe co programa que se iniciou polos anteriores concelleiros de emprego José Membrives e Álvaro Carou, resulta certamente inapropiado, a ollos do Partido Socialista, que nun tema de tanta importancia se mostre unha sensación de tal despreocupación e descoñecemento como para non saber que o servicio xa estaba en funcionamento, e especialmente cando se trata dun área de goberno do que a súa concelleira é unha liberada do Goberno Municipal.

Sen embargo, e a pesares deste intento de promocionar algunha actividade do área de emprego, os socialistas consideramos que existe todavía unha importante cuestión que afrontar, que é a promesa electoral do PP de reunir, nos primeiros cen días de mandato, aos axentes económicos e sociais de Vilagarcía para establecer decisións e liñas de actuacións conxuntas. Aínda estamos á espera dalgunha xuntanza cos representantes do sindicatos de Vilagarcía. Ésta, que foi nominada como “a primeira medida que se tomará”, está todavía por realizarse.

O Partido Socialista solitica ao Goberno Local, por tanto, que actúe con algo máis de coñecemento e rigor, e que se centre máis en desenvolver actuacións efectivas, para as que terá sempre o apoio do Partido Socialista, que nas súas xa habituais escenificacións efectistas de propaganda.

CRÉDITO ICO. RESPOSTA AO GOBERNO DO PARTIDO POPULAR

O PSdeG de Vilagarcía mantén a súa disponibilidade a aprobar a solicitude de crédito ao ICO, sempre que se priorice o pago a PEMES e proveedores locais

Os socialistas recordan que o seu grupo municipal solicitou por escrito ao Goberno de Vilagarcía a solicitude deste préstamo o pasado mes de agosto

Vilagarcía de Arousa, 28 de setembro de 2011.- O grupo socialista no Concello de Vilagarcía quere manifestar a súa dispoñibilidade para aprobar en pleno a solicitude de crédito do ICO que permitiría ao Concello de Vilagarcía obter liquidez para pagos a proveedores, así como aclarar que o que se lle propuxo ao Sr. Fole no pleno foi que pospuxera a presentación da solicitude (o prazo remata o vindeiro 30 de novembro) instándolle a priorizar as facturas das pequenas e medianas empresas e, particularmente, aos proveedores locais. Esta proposta permitiría resolver problemas dos pequeños negocios e comercios arousáns, antes que afrontar pagos a multinacionais e grandes compañías. Esta liña de crédito do ICO, impulsada polo Goberno do Estado, ten como obxectivo facilitar liquidez aos Concellos para que os proveedores, habituais perxudicados da actual situación financieira das administracións, poidan satisfacer as súas débedas e resolver tamén algunhas situacións contables propias. Neste senso, os socialistas consideran que a esencia desta medida é pensar primeiro nos proveedores locais e nas PEMES, antes que en grandes empresas,  e esta foi a proposta que lle fixo o Grupo municipal do PsdeG-PSOE e o resto dos grupos da oposición o pasado xoves na Comisón informativa, pero transcurridos xa dous días dende o pleno, este grupo non recibiu ningunha chamada do Goberno local para estudiar as posibles facturas a abonar con cargo a este crédito

A posición do actual grupo de Goberno de Vilagarcía é botarlle a culpa á oposición, tendo sen embargo esta posibilidade de resolución da que non se dan explicacións. Antes que mostrarse tan enfadado, brazear e berrar nos plenos, e culpabilizar a todo o mundo, o señor Fole pode aceptar esta proposta que parece natural, ou explicar por que os populares non a consideran boa.

Serve esta situación, sen embargo, para lembrarlle ao señor Fole que a súa postura política durante a última lexislatura foi entorpecer e impedir a aprobación de diversos recursos económicos e financieiros, actitude que provocou, entre outras, a perda de subvencións e incluso ameazas de denuncias dalgúns proveedores. Sen embargo, non houbo naquel momento proposta ninguna sobre melloras ou modificacións sobre aqueles procesos que permitiran acadar unha solución. O señor Fole particularmente recordou en varias ocasións que a responsabilidade era do grupo de goberno, e que si o PP votaba en contra era culpa de Alcaldía non atopar unha solución. Agora existe unha oposición en Vilagarcía que, dende distintas e moi distantes perspectivas políticas, considera que o Goberno Municipal en minoría ten que escoitar esta proposición pero o Alcalde persiste en botarlle a culpa aos demáis, outra vez. Os socialistas insistimos nesta proposición, de priorizar o pago a PEMES e a proveedores locais, o que consideramos unha medida posible, razoable e que soluciona problemas inmediatos que as grandes empresas non sufren en tanta intensidade.

Os socialistas queren manifestarlle ao Goberno local unha vez más a súa dispoñibilidade para negociar, pero ten que haber por parte do Goberno local un verdadeiro interese e non unha mera declaración de intencións, non se pode falar de diálogo cando o Goberno local chama aos grupos da oposición dúas horas antes do pleno e non poden falar de transparencia cando o Goberno non lle presenta á oposición a documentación completa dos asuntos a debatir nas sesións plenarias.  Un exemplo do verdadeiro talante do Goberno, quedou latente co tema de FEXDEGA, asunto que está a ser obxecto de investigación por parte do Valedor do Pobo por incumprir os procedementos recollidos na Lei de Bases de Réxime Local.

Xuventudes critica improvisacións do goberno para trasladar concertos en caso de chuvia: pasou cos grupos locais e agora con Maldita Nerea

Preguntámonos por qué fixeron vir a Maldita Nerea noutra data se a opción de Fexdega, abandonada polo PP, xa era viable o pasado 14 de agosto
Marta Rodríguez amosou o seu desprezo ás bandas locais invitándoas a tocar baixo a chuvia logo de impedirlles actuar no Auditorio como estaba previsto nun principio
Vilagarcía de Arousa, 2 de setembro de 2011.- Xuventudes Socialistas de Vilagarcía non deixa de quedar abraiada ante a falta de previsión amosada polo goberno do PP en canto á organización dos concertos de San Roque 2011. Se a concelleira de Xuventude, Marta Rodríguez, xa amosara a súa incapacidade, deixadez e prepotencia no caso do concerto das bandas locais, o aprazamento da actuación estrela destas festas, a de Maldita Nerea, levouna ata o esperpento.
Xuventudes Socialistas de Vilagarcía pregúntase por qué o goberno local aprazou 20 días este concerto para finalmente celebrarse onte nun escenario, o recinto cuberto de Fexdega, que estaba tan dispoñible o día 14 de agosto coma o 1 de setembro. É ben sabido que para o PP o pavillón da Maroma é un solar inútil ata que instalen as canchas de baloncesto. Xuventudes aproveita para agradecer á banda o detalle de regresar a Vilagarcía a pesares da chapuza popular.
O feito de que sexan novatos en materia de goberno non exime a persoas tan veteranas na política local, como Marta Rodríguez (que botou 12 anos na oposición), que, como responsable da Concellería de Xuventude non só amosou as súas eivas, senón tamén a súa soberbia. Xuventudes Socialistas de Vilagarcía coñeceu da man dos propios grupos locais que ían actuar no Sanrock Festival cousas tan abraiantes como que a concelleira lles propuxo actuar baixo a chuvia, xa que o Auditorio, escenario alternativo apalabrado, non estaba dispoñible o día do concerto. Ante a falta de previsión, chulería.
O desprezo ós grupos locais foi absoluto. Lembramos que en 2010 a todos eles se lles pagou por actuar e non tiveron que facerse cargo dos gastos de montaxe. Nesta ocasión, todo foi pelado: tiñan que tocar gratis, asumir os gastos de produción e dar as grazas.
Outro detalle polo que moita xente protestou foi polo retraso de preto de media hora que houbo no concerto de Tamara, que a cantante atribuíu a un erro na organización. Estaría ben que o goberno local aclarase por qué varios centos de persoas tiveron que agardar 30 minutos de pé aquel día.
Da prepotencia do goberno non só se queixan os mozos que ían participar na xornada cancelada do Sanrock Festival, senón tamén outros grupos que se ofreceron a actuar gratis e segundo anunciaron nas redes sociais non recibiron nin unha triste chamada do Concello.
Hipocrisía coa mocidade
Tamén nos sorprende que o goberno local botase a culpa á mocidade dos residuos xerados durante a festas, particularmente durante a noite previa á Festa da Auga. Segundo o PP, os mozos foron os grandes culpables do lixo que había nas rúas, cando son eles e os visitantes os que dan verdadeiro sentido á celebración vilagarciá por excelencia. Chócanos que o goberno do PP apele á concienciación cívica cando en campaña Tomás Fole cualificaba ditas campañas de escusas, cando quen as defendía era o PSdeG. ¿Qué cambiou en tres meses? Soamente o goberno local. Agora gobernan eles e a culpa é dos mozos, di o PP.
Conclusión: Ningunha idea nova
Como balance da programación destas festas, consideramos que a concelleira tomou prestadas a maioría de ideas que xa existían en anos anteriores e o mérito real que tivo, ademais dos xa mencionados, foi o de suprimir algún evento que viña funcionando ben, como o Urban VGA. Xuventudes Socialistas afirma que, en xeral, as festas de San Roque 2011 tiveron unha programación moi pobre en comparación a anos anteriores, como demostra que tamén se eliminasen case por completo as orquestras ou que non se loitase por recuperar festivais exitosos como o Vilagarcía Blues Festival.
Agardamos que para o vindeiro ano, se ten tempo dabondo para dedicarllo á Concellería de Xuventude, Marta Rodríguez ofreza á mocidade vilagarciá unha programación máis variada e orixinal, xa que este ano o único realmente novidoso e de colleita propia que aportou foi a improvisación amosada.