O GOBERNO MUNICIPAL AFUNDE NUN CAOS ORGANIZATIVO Á HOSTELERÍA LOCAL NA FESTA DA AUGA E PROMOVE UN "TODO VALE" QUE DESTROZA O IMPACTO ECONÓMICO

Vilagarcía de Arousa, 17 de agosto de 2012.- Resulta obvio que a Festa da Auga, e a noite previa, supoñen unha das maiores oportunidades para os hosteleiros de Vilagarcía, senón a que máis. Por mor disto, semella incomprensible que nos días de maior actividade o Goberno Local teña decidido instaurar de maneira masiva unha competencia desleal a este sector no mesmo centro de Vilagarcía. A instalación do coñecido como “mercado Pirata” en Vilagarcía resultou ser unha burla aos comerciantes e hosteleiros locais. O Goberno Local favoreceu a instalación destes negocios no mellor espazo público posible, con todas as condicións a favor, e mentres a calquer negocio local se lle esixen (como é natural) medidas rigurosas en termos de hixiene, aforo, calidade, etc., no caso deste mercado obviamente non é así, chegando a darse o surrealista caso de que tanto clientes como os propios traballadores dos chiringuitos utilizaron constantemente os lavabos e servizos dos negocios de hostelería local mentres estes observaban a fuxida de clientes. Como guinda, a recollida dunha parte dos stands realizouse en metade da noite previa á Festa da Auga, con membros do propio mercado subindo a escadas e recollendo banderolas polo medio dos veciños e visitantes que desfrutaban da noite. Agora en Vilagarcía é máis proveitoso chegar os días de festa, nos que hai clientela, a facer un abultado negocio no mellor lugar da cidade e sen preocuparse da normativa, que ser un comerciante local que cumpra coas normas e pague os seus impostos.

A este desprecio mostrado cara os hosteleiros locais súmase a proliferación de chiringuitos móbiles que encheron as rúas do centro de Vilagarcía na Festa da Auga, e que se adicaron a vender bebidas e comidas durante a celebración da festa. Moitos comerciantes adican o seu negocio precisamente a eso mentras ven como calquera pode instalar un posto móbil que lle fai unha competencia total e que, como non ten que aterse ás normativas, pode rebaixar prezos ata chegar a unha competencia desleal.

A portavoz socialista no Concello, Tania García, anunciou hoxe xa que no vindeiro pleno municipal do día 27 preguntará ao Goberno Local polo estado dos permisos para estas actividades, e polas condicións do acordo que permitiu este tipo de negocios.

Fronte ás facilidades que o Goberno Local ofreceu para que comerciantes e empresarios de fora fixeran negocio libre na festa da auga, o trato aos hosteleiros locais non foi o mesmo. Existiu unha caótica planificación e ordeación da actividade hosteleira nesa noite, simbolizada pola xestión de permisos de barras exteriores aos locais. A última hora emitíronse unhas directrices que impedían a instalación destas barras exteriores, cando os hosteleiros xa tiñan montados os seus operativos, e sen embargo o Alcalde Fole non dubidou en desfrutar da noite nalgunha delas. Agora mesmo os hosteleiros non saben qué ocurrirá, se recibirán sancións ou non. Sen embargo, aqueles hosteleiros que respeitaron rigurosamente a prohibición viron como perderon asistencia de clientes de maneira radical.

Pero por se fora pouco, para rematar a faena, a escolla do concerto celebrado na praia Compostela semella estar feita polo pior enemigo do negocio local. Non se pode obviar que a acumulación de xente na praia Compostela na noite da auga necesita de ser enfocada con rigurosidade e reflexión. Fronte a isto, o Goberno Local decide fomentar esa acumulación de xente, que se prolongou toda a noite con DJs e máis música tras o concerto de Celtas Cortos. Un concerto, ademáis do obxectivo de ofrecer a oportunidade de ver a un grupo ou cantante en directo,  ten tamén a intención de atraer xente para que repercuta económicamente na cidade. ¿Qué repercusión se obtén cando se fomenta que a xente quede toda a noite na praia? Dende logo non se consegue que a xente visite o centro e faga gasto nos negocios locais.

¿Que mal lle fixeron os hosteleiros locais ao Goberno Local para maltratalos desta maneira? Este cúmulo de despropósitos na organización da noite e Festa da Auga necesitarán, segundo os socialistas, unha explicación rigurosa e clara das decisións tomadas por parte do Alcalde Tomás Fole. 

OS SOCIALISTAS PÍDENLLE A TOMÁS FOLE UNHA XUNTA DE PORTAVOXES URXENTE PARA COÑECER DE PRIMEIRA MAN A SITUACIÓN DO BALNEARIO

Os socialistas ofrecen o seu apoio e colaboración ao Goberno local na busca de solución.

Vilagarcía de Arousa, 9 de agosto de 2012.- Os socialistas de Vilagarcía solicítanlle ao Alcalde unha Xunta de portavoces para coñecer de primeira man a situación do Balneario. Xa o pasado martes no Consello de Xerencia de Urbanismo, a portavoz municipal, Tania García, preguntou pola senteza que facía pública o BNG e o Alcalde dixo que non tiña ningunha información ao respecto. “Parécenos un tanto estrano que o martes non souberan nada e que hoxe xa fagan unha interpretación da sentenza”, destacou Tania García. Por esta inconcreción na resposta do Goberno local e para coñecer os termos exactos da sentenza, os socialistas urxénlle ao Alcalde a convocar coa maior brevidade unha Xunta de portavoces.

Apoio e colaboración

Ao mesmo tempo os socialitas queren trasladarlle ao Goberno local a súa total colaboración e apoio na resolución deste conflito. “Foi un goberno socialista o que loitou para recuperar esta instalación municipal e o que decidíu restaurar o emblemático edificio e recuperalo para o seu uso público, por este motivo, os socialistas non imos facer deste tema unha batalla política, todo o contrario traballeremos man con man co Goberno local para resolvelo”. Concluíu Tania García.

OS VECIÑOS E VECIÑAS DE VILAGARCÍA ESTÁN A PERCIBIR NO RECIBO DO IBI DESTES DÍAS UN DOS PRIMEIROS INCREMENTOS DO CATASTRAZO APROBADO POLO GOBERNO LOCAL

Unha subida inicial este ano do 10% nun imposto que se vai disparar aínda máis nos vindeiros anos

Vilagarcía de Arousa, 8 de agosto de 2012.- Os veciños e veciñas de Vilagarcía comproban estos días nos seus recibos de pago do Imposto de Bens Inmobles (IBI) o efecto que teñen as subidas de taxas e impostos que o PP, dende as distintas administracións nas que ten responsabilidades de goberno, está a aplicar sobre as economías familiares.

O primeiro recibo que está a ser influído por esta subida de impostos é o da contribución, no que as familias vilagarciás están a sofrir un incremento aproximado dun 10%, produto da decisión do Goberno Central de Mariano Rajoy. Sen embargo, lonxe de ser esa a única subida aplicada á vivenda, o Goberno Municipal que dirixe Tomás Fole aprobou hai uns meses outro aumento no IBI. No 2014 está previsto que se aplique, sobre este recibo, o novo valor catastral das vivendas despois da revisión que o Goberno Municipal ten decidido poñer en marcha. Esta revisión producirá unha previsible nova subida do valor a pagar polas familias, dado que levaba sen ser revisado dende 2001.

Pero este “catastrazo”, que a Tomás Fole debeulle parecer pouco, o Goberno Municipal sumará unha subida de todas as taxas e impostos que, progresivamente, irán subindo de valor ata aumentar un 30% de aquí a 2022, medidas estas últimas contempladas no Plan de Axuste que o Goberno vén de aprobar, isto añadido á subida do IBI de Mariano Rajoy e a revisión catastral aprobada polo Sr. Fole, vai disparar o recibo da contribución, o catastrazo do Partido Popular.

Estamos, por tanto, ante a vía que elixe o PP para mellorar a situación económica dos Concellos: aumentar as taxas e impostos aos veciños. Esta decisión, sen embargo, fai recaer o peso das dificultades económicas nos veciños e sen embargo existen outras posibilidades para axudar a reducir este impacto fiscal. Os socialistas defenden que non se pode aplicar todo o esforzo sobre as familias de Vilagarcía e logo ter que tapar os buratos económicos de Fexdega con máis 50.000€ este ano, máis de 21.000€ nos inchables de quita e pon da praia Compostela durante apenas uns poucos días ou facer unhas festas locais elitistas nas que haberá que pagar entradas (e non baratas) para asistir a varios dos concertos programados.

XUVENTUDES SOCIALISTAS LE EXIGE A LA SRA. RODRÍGUEZ ARIAS QUE DEVUELVA LOS MÁS DE 5.000 EUROS QUE LLEVA COBRADOS DEL CONCELLO O QUE DIMITA

La concejala vilagarciana afirmó en mayo de 2011 que el coste de crearle una concejalía ad hoc iba a ser “cero”

Xuventudes considera una vergüenza que Marta Rodríguez intente ahora apuntarse un tanto cuando lleva un año engañando a los vecinos de Vilagarcía

Vilagarcía de Arousa, 2 de agosto 2012.- Estupor. Esa es la sensación con la que Xuventudes Socialistas de Vilagarcía recibe la noticia de que la Concejala de Xuventude, Marta Rodríguez Arias, renuncia a las retribuciones por asistencia a Plenos y Junta de Gobierno Local.

Lo que para la concejala es una “decisión personal” basada en una “razón de carácter ético”, para Xuventudes Socialistas es una inmensa desfachatez reflejo de la ética política de la Sra. Rodríguez: las medias verdades o, directamente, la mentira.

Sólo así se entiende que ahora trate de justificar su renuncia a las indeminizaciones como una forma de arrimar el hombro, cuando no es más que la consecuencia del descubrimiento por parte del Grupo Municipal Socialista del engaño al que vino sometiendo al conjunto de la ciudadanía durante todo el año que lleva desarrollando labores de gobierno. La prueba de ello es que en una entrevista al Faro de Vigo el 29 de mayo de 2011, la Sra. Rodríguez Arias anunciaba que el coste de su concejalía iba a ser “cero” y llegaba a afirmar (citamos textualmente): “yo no voy a cobrar nada porque tengo un sueldo del Parlamento”. Desde entonces la Concejala de Xuventude lleva cobrados más de 5.000 euros del Concello de Vilagarcía en concepto de indemnizaciones y, por lo tanto, concluimos que lleva un año riéndose de los ciudadanos de Vilagarcía cada vez que revisa los estractos de su cuenta bancaria.

Desde Xuventudes Socialistas de Vilagarcía condenamos esta forma de hacer política basada en la mentira y en el precepto de “si cuela, cuela”. Por ello exigimos a la Sra. Rodríguez Arias que devuelva los más de 5.000 euros que lleva robados a las arcas municipales o que, por vergüenza torera, presente su dimisión inmediata, ya que la política no puede permitirse la permanencia en ella de personas que basan su acción en la mentira y el engaño. Los ciudadanos de Vilagarcía se merecen un gobierno que no les mienta.

Sobresueldo por sobrecarga de trabajo

Probablemente la Sra. Rodríguez Arias justifique esos 5.000 euros como compensación por los trabajos a mayores que ha tenido que realizar a lo largo de este año. Desde el principio de su mandato, como consecuencia de la incompetencia y desidia de algunos de sus compañeros de filas, ha tenido que hacerse cargo en la sombra de importantes concejalías como la de Obras y Servicios y la de Cultura, lo que ha repercutido negativamente en la concejalía de la que es titular, Xuventude, completamente paralizada, sin actividad y vacía de contenido.

Asimismo, imaginamos que recientemente gran parte de sus esfuerzos han ido dirigidos a intentar mantener la cohesión del grupo de gobierno después de la rebelión y desplante público del Concejal de Turismo, Manuel Tarrío, y de la falta de sintonía del Concejal de Deportes, Luis Garrigós, con el Alcalde y con el resto de sus compañeros en las tareas de gobierno. 

O PARTIDO SOCIALISTA SOLICÍTALLE AO PP QUE CHAME A ATENCIÓN A GONZALO DURÁN PARA QUE DEIXE DE FACER O RIDÍCULO E QUE A XENTE PENSE QUE REPRESENTA A ALGUÉN

Tania García considera “frustrante que Tomás Fole, como Alcalde de Vilagarcía, baixe a cabeza ante os mangoneos de Durán e non defenda os intereses da nosa cidade”.

Vilagarcía de Arousa, 31 de xullo de 2007.- O Partido Socialista de Vilagarcía considera que o ridículo que fai Gonzalo Durán cada vez que fala resulta xa inaguantable para o cargo que exerce, de representación veciñal. A linguaxe tabernaria e retadora que utiliza amosa o que Durán é: un demagogo incontrolable que de tanto repetir tonterías corre o risco de estar convencido delas.

A polémica sobre a promoción dun aparcamento de pago no Hospital do Salnés, e o pago polos terreos, ven de facer sair o peor Durán, o que pensa que por ser mais bravucón se ten máis razón. Todas as razóns que propón Durán para soster as súa teses son “esto é así porque é así, e co PSOE non é así porque non é así”, argumento fora de lugar xa nun debate entre colexiales.

Gonzalo Durán xestionou de maneira certamente oscurantista e individual a compra dos terreos para a ampliación do Hospital, e non se pode saber a ciencia certa cal foi a realidade da operación, prezos, condicións, etc. Esos son os feitos que rodearon á compra dos terreos, e outra cousa é falar por falar.

Tania García, portavoz socialista no Concello, declarou hoxe que neste tema existen varias cuestións “sorprendentes: Tomás Fole acepta a Gonzalo Durán como portavoz neste tema, e en vez de defender Vilagarcía vai agochar a cabeza e facer o que diga Durán dicindo “sí, señor”. Vilagarcía fixo un esforzo por encima do que lle correspondía no seu momento, sendo Alcalde o socialista Javier Gago, para disponer os terreos para a construcción do Hospital. Pagou o que non pagaron outros para poder ter un Hospital. O que non parece normal é que agora vaia facer o mesmo outra vez. Se Fole non defende Vilagarcía, farémolo nos.”

Sobre as declaracións referidas ao aparcamento de pago a construir no Hospital, como indicaba Durán, Tania García indicou: “eu non estou aquí para ensinar educación a ninguén. Eu creo que o que fai falta no Hospital son quirófanos, camas e máis profesionais. Durán cree que fan falta prazas de aparcamento de pago. Son dúas concepcións distintas, os socialistas pensamos en sanidade e os populares poñen a Durán a falar de asfalto e de cómo poden aproveitarse dos enfermos”. Por último, García quixo sinalar que “seguimos a escoitar a teima do PP de que o público non funciona e non é rentable. A sanidade non ten que ser rentable, pero ademáis é que se a xestion pública non fora válida ¿Por qué Durán sabe dunha empresa privada que queira xestionar estes servizos? Extraño”. 

OS SOCIALISTAS CRITICAN AO GOBERNO BIPARTITO DO PP E DE IVIL POR FACER UN PROGRAMA DE FESTAS ELITISTA E SÓ PARA UNS POUCOS

Unha vez máis o goberno de Tomás Fole volve a utilizar a estratexia do cangrexo, un paso adiante e dous para atrás

Vilagarcía de Arousa, 21 de xullo de 2012.- O Goberno municipal de Vilagarcía vén de sumar un novo ridículo a súa lista de vaivéns que, nos últimos tempos, crece a ritmo desproporcionado. Desta volta, un día despois de que o Alcalde Tomás Fole anunciara con aires de grandeza os concertos e actividades das festas de San Roque, presumindo de que unicamente sería de pago a actuación de Raphael, os cidadáns descubren que o concerto de Los Panchos costará a todos os que queiran e poidan asistir entre 20 e 23 euros e a asistencia estará limitada a 754 persoas, o aforo do auditorio. Dous concertos para as élites, non un programa electoral pensado para a todos os veciños e veciñas de Vilagarcía.

Comeza a resultar avergoñante a acción diaria deste Goberno Local, que nos representa a todos os vilagarciáns, e que está a demostrar xa non unha ineficacia, senón unha inopia digna de análise. ¿Cómo é posible organizar unhas festas e non saber se un concerto é gratis ou vale 20 euros? Pero peor é a excusa, como de neno pequeno que sempre lle bota a culpa a outros, de que o concerto non está dentro das festas ¿Entón por que foi anunciado cando se presenta o programa? ¿Pretendía Fole quedar ben e sacar peito por xestións que non son súas? Os socialistas somos os primeiros en ser conscientes das necesidades de axustar e redistribuir os recursos, mais limitados nestes tempos, para facer máis con menos. Pero este esperpento que vén de protagonizar Fole nestes días amosa que nin sequera é consciente destas necesidades, porque non sabe o custe das actividades que propón.

Sabendo que un dos elementos máis importantes que un Goberno debe gardar é a confianza e a seriedade que debe transmitir, a estratexia do cangrexo, un paso adiante e outro atrás, estase a convertir na norma e non na excepción dun Goberno.

Dende o Partido Socialista consideramos necesario que o Goberno Municipal teña en mente facer unhas festas para todos, non elitistas como as plantexadas con Raphael e Los Panchos. Eses dous concertos costarían a unha parella de amigos 80 euros ou máis, o cal resulta difícil para moitas persoas na situación económica que vivimos. Os socialistas somos os primeiros en ser conscientes da necesidade de axustar e investir correcta e apropiadamente, pero tamén pedímoslle ao Alcalde de Vilagarcía, Tomás Fole, que goberne para todos, non só para as élites.

Pero aínda é peor se analizamos que os grupos inicialmente orientados aos máis novos, son músicos que visitaron Vilagarcía hai menos de 3 meses. ¿A qué se debe esta repetición? ¿Teñen que ver os gustos persoais dalgún membro do Goberno? ¿Non sería máis natural alternar e apostar pola variedade? Imcomprensible.

Un cartel elitista e incomprensible, unha presentación fachendosa que se desmorona e un Goberno Municipal 

OS SOCIALISTAS PEDIRÁN AO GOBERNO LOCAL AS CONTAS DA ACTIVIDADE "PLAYING"

O Grupo municipal socialistas non considera necesaria esta actividade e insta ao Alcalde a priorizar outras actuacións na propia praia

Vilagarcía de Arousa, 19 de xullo de 2012.- O Grupo Municipal socialista solicitará no concello as contas da actividade “Playing” que o Goberno Local ten previsto organizar este verán na praia. O pasado ano, o gasto desta actividade ascendeu a 20.000€ e xa os socialistas solicitáronlle ao Goberno que non malgastara en hinchables e recurrira, como fixeron os socialistas na pasada lexislatura, á compra de elementos permanentes como os que xa están instalados na praia, coma a tirolina, a rede tridimensional e os aparatos de ximnasia. “Parécenos tirar os cartos, gastar esa cantidade de diñeiro en elementos de quita e pon. Consideramos que hai outras actuacións moito máis importantes e necesarias para facer na praia”. Os socialistas critican a falta de limpeza, a non recollida diaria do lixo dos contenedores, o estado da herba, que si ben consideran unha boa decisión non arrancala, actualmente o aspecto que presenta a praia recorda máis a un patatal, descoidado e sucio. Todo isto maila que, recordan os socialistas, que o recibo de lixo incrementouse en case un sete por cento e non se percibe mellora algunha no estado da praia. ¿Onde está o reflexo dese inxusto incremento das tasas? “Xa non imos falar dos ratos” ironizan os socialistas, “pero si hai moitas actuacións moito máis necesarias, como a limpeza, o arranxo do paseo, onde hai moitas losetas desprendidas que supoñen un serio risco para as miles de persoas que utilizan diariamente o paseo marítimo”. Pero a necesidade máis acuciante para os socialistas é a erradicación de verquidos, “o Sr. Fole foi a sacarse unha foto co Presidente da Xunta e vendeunos que a Xunta ía colaborar para eleminar os puntos de verquido, a día de hoxe non se fixo nada. Tampouco apurou ao Ministerio de Fomento que contempla, entre as obras de compensación do AVE, a nova canalización do regato coñecido coma o “da tripeira” que desemboca paralelo ao peirao do Ramal”. Esta actuación quedou comprometida polo anterior goberno, sendo concelleira de Xestión do territorio Tania García, fai preto de ano e medio, e o Alcalde non fixo ningunha xestión ao respecto desta actuación que elimina un dos principais puntos de verquido para que ese compromiso se materializase.

“Nunha situación de crise coma na que nos atopamos o Goberno local ten que priorizar enormemente o destino dos cartos públicos, aos socialistas o “Playing”, actividade á que se apuntou o Sr. Fole para dicir que fai algo na praia, parécenos botar os cartos pola borda. ¿Que fixo o Alcalde na praia no ano que leva no goberno?, un dos temas dos que fixo bandeira cando estaba na oposición” recordou a portavoz municipal, Tania García, “¿fixo algunha xestión para mellorar a area?, o único que fixo foi quitar a herba ata que se dou conta de que era un erro, tal e como defendían os socialistas, ¿fixo algunha xestión para eliminar os verquidos? Unha foto con Feijoó e nada máis xa que nin apura ao Ministerio para facer unha actuación importantísima con cero custe para o Concello. ¿Que fixo para dinamizar a praria? Gastar cartos en hinchables de quitan e pon e non en aparatos de xogos e de ximnasia permanentes para poder disfrutalos todo o ano e non só durante quince días. A praia da Concha-Compostela é un exemplo máis da nula xestión do goberno do Partido Popular de Vilagarcía, moitas fotos e ningunha solución”. Concluíu.