Iniciativa parlamentaria do PSdeG-PSOE sobre o peche da terceira planta do Hospital do Salnés e o hacinamento no Servizo de Urxencias

FALLA DE CAMAS NO SALNÉS

           

            Os socialistas e outros colectivos levamos meses denunciando. O domingo 27 de xullo, os doentes e os profesionais do Hospital do Salnés padecérono e sufrírono. O que? As consecuencias do peche de camas que o PP decide todos os veráns e que neste hospital implica o peche temporal da terceira pranta.

            Como nos vellos tempos, a falla de camas fixo que 7 doentes con orde de ingreso xa firmada pasasen unhas 15 horas en Urxencias, un servizo que tivo que afrontar un incremento de 126 doentes nese mesmo domingo. Dous deles compartiron un dos escasos boxes de Urxencias; un terceiro tivo que dormir noutro box, so cunha cortina que o separaba do profesional que atendía a outras persoas que entraban en Urxencias durante a noite. E iso que os profesionais realizaron un importante esforzo para axilizar a atención nos boxes.

            Segundo explican estes profesionais, os sindicatos e os propios doentes, esta situación do servizo de Urxencias foi un reflexo das consecuencias do peche da terceira pranta. Xustamente, esta situación foi a razón pola que o goberno socialista decidira a construción dunha pranta máis antes de ampliar Urxencias.

            E tan grave ou máis, consecuencia directa dos recortes en sanidade do goberno do PP, é o que está a ocurrir coas persoas que necesitan cuidados paliativos. Estes doentes e os seus familiares deben compartir habitación con enfermos doutro tipo, co que supón para todos eles compartir ese espazo.

PREGUNTAS:

1.- Cales son os motivos para o peche da pranta terceira do Hospital do Salnés?

2.- Un deses motivos é o que a Consellería de Sanidade chama “reordenación de recursos”? 

            

3.- Canto vai durar esa “reordenación de recursos”?

            

4.- Cal é o número de médicos que toman as vacacións nos meses de xuño, xullo, agosto e setembro no Hospital do Salnés?

            

5.- Cal é o número de médicos contratados ou por contratar neses meses para substituír aos que toman as vacacións?

            

6.- Cal é o número de enfermeiros que toman as vacacións nos meses de xuño, xullo, agosto e setembro?

            

7.- Cal é o número de enfermeiros contratados ou por contratar para substituír aos que toman as vacacións?

            

8.- Teñen planificado a Consellería de Sanidade e a Xerencia do CHOP o número de médicos e enfermeiros que é necesario contratar para facer as substitucións do persoal en verán ou se fan esas contratacións segundo sexan as circunstancias e sen ningún tipo de racionalidade?

            

9.- Ten coñecemento o goberno da Xunta do que está a ocurrir no Hospital do Salnés cos doentes que necesitan cuidados paliativos?

            PNL: Por todo o exposto, o Grupo Parlamentario dos Socialistas de Galicia presenta a seguinte Proposición non de lei para o seu debate en Pleno:

            O Parlamento galego insta a Xunta de Galicia a non proceder ao peche temporal da terceira pranta do Hospital do Salnés na provincia de Pontevedra, como ocorre todos os veráns. 

O Partido Socialista reclama ao Goberno Local que actúe na mellora das praias

Os socialistas cren que a imaxe de Vilagarcía está sendo dañada polos problemas xurdidos tanto en Bamio como cos vertidos na Compostela

Lembran que Agustín Hernández como Conselleiro de Medio Ambiente cansouse de anunciar que ía investir cartos no problema dos vertidos, e “aínda estamos á espera”.

Vilagarcía de Arousa, 16 de xullo de 2014.- A recente obtención de bandeiras azuis para algúns areais de Vilagarcía foi considerada para os socialistas unha boa nova para a vila, pero non deixaron de insistir no que nos últimos anos veñen facendo fincapé, lembrando que o traballo para poder ter e manter unhas boas praias non pode reducirse a intentar obter tal bandeira senón a facer investimentos e coidados duraderos que melloren as condicións xerais das praias.

Baixo esta premisa, os socialistas criticaron hoxe a aparición de manchas e restos de suciedade nas augas da Compostela, que produciron regueiros de espuma e deixaron as augas turbias durante a xornada de onte. Estes problemas, segundo plantexan os socialistas, serán permanentes mentras non se invista adecuadamente en resolver os problemas de vertidos sobre a Compostela que van producir sempre, de maneira directa ou indirecta, a merma da calidade da auga como ocorreu onte. Tania García, voceira socialista, lembrou que “a campaña electoral municipal do PP tivo un dos seus puntos fortes na demanda de melloras para a praia, cuestión que hoxe están olvidadas e que non mereceron nin un minuto da súa atención”. Lembra García Sanmartín que o entonces Conselleiro de Medio Ambiente, e hoxe Alcalde circunstancial en Santiago de Compostela, Agustín Hernández, prometeu por activa e por pasiva que destiñaría fondos para erradicar estes vertidos a través do Plan  de  Saneamento Integral das Rías, co aplauso eufórico do Goberno Local. “Hernández deixou de ser Conselleiro e non hai nada do prometido”, aínda que Tania  García indicou que neso o PP semella ser “coherente, porque Fole vai deixar de ser Alcalde tamén e parece que sen nada resolto no referente á praia”.

Os problemas xurdidos onte na Compostela súmanse aos aparecidos en días anteriores na praia de Bamio coa retirada da Banderia azul a causa dun vertido, sobre os que os socialistas solicitarán cumprida información ao Goberno Local. Apuntan os socialistas que o Goberno Local está a vivir de rentas neste caso, pois foron gobernos anteriores quen fixeron un recoñecido esforzo por mellorar este areal, como outros, e obter así os réditos actuais como a Bandeira azul. Non entanto, “e como en todas as cuestións”, apuntou García, “o inmovilismo perxudica e hai quen parece non comprender que non se pode facer nada e esperar que todo vaia a mellor”. García acusa ao Goberno Local de facer deixadez de función no tocante ao coidado e mantemento dos areais, e insta aos responsables municipais a manter un coidado máis axeitado e constante así como a reclamar os investimentos que foron prometidos, “que son moito máis importantes que o gasto de miles de euros en inchables na praia por uns breves días”.  

Os socialistas culpabilizan á concelleira Elena Suárez do fracaso do seu sistema de cátering para afrontar o plan de alimentación infantil

Tania García: "Entender que se non hai solicitudes para alimentación infantil é porque non hai necesidade supón moverse entre a ignorancia, a incapacidade e a frivolidade".

Dende o PSdeG alarman que "xa é 14 de xullo e aínda non hai solución a un problema tristemente real".

Vilagarcía de Arousa, 14 de xullo de 2014.- A voceira municipal socialista, Tania García, cargou hoxe contra a interpretación do Goberno Local da ausencia de solicitudes para acollerse ao programa de alimentación infantil que, a través do sistema de cátering, pretendía levar comida a casa daquelas familias que o solicitaran. Cabe lembrar que o Goberno Local difundíu estes días, a través dos medios de comunicación, a interpretación de que a ausencia de solicitudes implicaba que non existía tal problema e acusou de "alarmismo infundado" a quen solicitou esta posta en marcha. Dende o grupo socialista, que xa o ano pasado, previamente ao verán, solicitou o mantemento dos comedores escolares para paliar esta problemática (sen que a iniciativa prosperase debido á oposición do Goberno Local) consideran unha "aberración" esta interpretación.

Tania García sinalou á propia concelleira como culpable da situación. García apuntou que "pretender paliar esta situación utilizando unha furgoneta para levarlle a comida ás familias sen recursos, e aparcandoa diante das súas casas, supón unha estigmatización que resulta difícil de asumir", e lembrou que esto mismo lle pretenderon explicar dende o momento que o Goberno Local iniciou este programa, pero que non houbo ningún interese da concelleira en atender ás suxerencias do Partido Socialista. García Sanmartín declarou que: " Entender que se non hai solicitudes para alimentación infantil é porque non hai necesidade supón moverse entre a ignorancia, a incapacidade e a frivolidade", e apuntou a esa "sinalización" e "estimagtización" como unha gran problemática que as medidas que se tomen deben superar. "A comida a domicilio non o fai". Tania García indicou que "o problema existe", e para eso remitíu á concelleira aos informes que fan as ONGs que operan na localidade, "pero tamén aos seus propios datos, xa que ela mesma indicou que os Servizos sociais apuntaban cara a existencia de entre 150 e 170 nenos e nenas de Vilagarcía que podían estar nesta situación". Os socialistas pregúntanse onde quedan agora eses datos, e se a concelleira está pretendendo desautorizar ao propio departamento do Concello. Dende o PSdeG seguen apostando pola apertura dos comedores escolares durante o verán, "non só  para nenos pertencentes a familias con dificultades, senón para todos os nenos e co mesmo sistema de becas e exencións en función das rendas familiares, combinándoo coa organización de ludotecas para garantir a maior normalidade, evitando a estigmatizacións dos menores". Sinalou a portavoz socialista.

Dende o PSdeG tamén inclúen é pobre difusión e organización do sistema como causante tamén do fracaso do programa, pois consideran que non pode asumirse que difundir este plan un par de veces nos medios de comunicación sexa un mecanismo efectivo, xa que "calquera que coñeza estas realidades sabe que as prioridades diarias das familias en dificultades non pasan por ler con atención os medios de comunicación locais". Segundo os socialistas, o Goberno Local tiña que ter contado este programa entre as súas previsións, e facer unha difusión antes de finalizar a época escolar. "Os colexios supoñen unha rede única e tremendamente efectiva de difusión de información desta importancia", indicou Tania García quen sinalou que esta aportación xa foi feita tamén pola coordinadora de ANPAs de Vilagarcía. "O preocupante é que estamos a 14 de xullo, hai nenos e nenas pasando dificultades serias para alimentarse aquí en Vilagarcía,e o Goberno Local está mais preocupado en botarlle a culpa a alguén que en afrontar o problema". 

Os socialistas de Vilagarcía participarán este domingo do día de votación por primarias ao vindeiro Secretario Xeral do PSOE

As votacións servirán tamén para elexir delegados ao vindeiro congreso provincial, que marcará as liñas da provincia para acudir ao Congreso Federal de fins de xullo

A votación celebrarase este domingo e as furnas estarán abertas de 10h a 20h na sede da agrupación

Vilagarcía de Arousa, 11 de xullo de 2014.- Os militantes socialistas de Vilagarcía, ao igual que do resto de Concellos, están chamados a votar este domingo nas históricas eleccións primarias a secretario xeral do PSOE. Os 200 militantes que conforman a agrupación socialista de Vilagarcía están convocados dende as 10h ata as 20h para exerce o dereito a voto que elexirá entre Eduardo Madina, Pedro Sánchez e José Antonio Pérez Tapias ao vindeiro Secretario Xeral do PSOE.

Ademáis do voto directo para elexir secretario xeral, os militantes terán tamén outra elección na que participarán, pois elexirán aos delegados/as que participarán, representando a Vilagarcía, no vindeiro Congreso Provincial do día 19, no que o conxunto das agrupacións da provincia decidirá as persoas e liñas políticas que defenderá a provincia no Congreso Federal de finais de mes onde se ratificará ao Secretario Xeral e se elexirán tamén os novos órganos de dirección, con atención especial á Executiva Federal. O interés dos socialistas vilagarcianos neste proceso é doble, pois como sinalou o seu secretario xeral Miro Serén: “elexiremos ao noso secretario xeral nun proceso moi participativo, que coloca ao PSOE no frente da apertura das portas dos partidos cara a sociedade, e ademáis intentaremos que a voz de Vilagarcía teña peso específico nas decisións futuras do conxunto do PSOE”. Para esto, dende a dirección local consideran importante recoller todas as ideas distintas que existen no partido e conxuntalas nun grupo de persoas que traballen coordinadamente, e nese sentido se deseñará a proposta de representantes que os militantes deben valorar. Serén lembrou que “os socialistas participamos constantemente en debate e votacións internas, polo que estas situacións son sempre do noso agrado, pero desta volta supón un extra de ilusión polo avance en calidade democrática que, esperemos, outros partidos adopten tamén para mellorar o sistema de representación no noso país”. “Non entanto”, finalizou Serén, “esto non remata aquí pois seguiremos abrindo mais este proceso e celebraremos as primarias para elexir ao noso candidato á Alcaldía de Vilagarcía en setembro, e posteriormente participaremos da elección do candidato á presidencia do Goberno de España, nun proceso no que poderán participar todos os simpatizantes e persoas que desexen dar a súa opinión”.

As votacións, entre 10h e 20h, finalizarán co reconto oficial, que será público e ao que están convidados a participar todas as persoas que queiran asistir á sede vilagarciana do PSdeG. O Secretario Xeral aspira a unha gran participación, “que demostre que os socialistas cremos que a política é hoxe mais importante e máis decisiva que nunca”. 

Posicionamento do PSdeG-PSOE de Vilagarcia ante as informacións divulgadas e a confusión producida por interpretacións erróneas de cuestións relacionadas coa concesión das Subvencións destinadas ao Fomento do Deporte Federado

Ante as informacións divulgadas no pasados días, e a confusión producida por interpretacións erróneas de cuestións relacionadas coa concesión das Subvencións destinadas ao Fomento do Deporte Federado que concede aunalmente a Fundación Pública de Servizos Deportivos Municipais, o PSdeG de Vilagarcía manifesta o seguinte:

1.       Os membros do Consello Reitor da FPSDM, entre os que se atopan representantes deste e outros partidos, así como representantes dos clubes e asociacións de pais e nais, non votan sobre a concesión ou non concesión das subvencións a ningún club en particular.

2.       Na xuntanza celebrada o pasado 1 de xullo tratouse, entre outros puntos, a resolución da concesión das Subvencións destinadas ao Fomento do Deporte Federado, resolución que vén obrigatoriamente acompañada dun informe da Secretaria e da Interventora da Fundación de Deportes e que lle corresponde aos membros do Consello Reitor ratificar. O informe da Secretaria e da Invertora advertía claramente que non procedía a concesión da subvención a varios clubes dos solicitantes, por excederse do prazo de presentación de solicitudes, segundo se recolle nas propias bases da convocatoria.

3.       A presidenta da Fundación de Deportes, Elena Suárez, manifestou a súa intención de obviar o informe desfavorable de Secretaría e Intervención e violar a propia normativa reguladora das bases da concesión das Subvencións ao deporte federado, aprobadas por unanimidade polo Consello Reitor da FPSDM que ela mesma preside.

4.       Os representantes do PSdeG, así coma outros membros do Consello Reitor, actuaron con toda a responsabilidade e conforme á lei, ratificando o informe de Secretaría e Intervención e velando polos  principios que marca estritamente a lei sobre a xestión de subvencións (igualdade, publicidade, transparencia, obxectividade, eficacia e eficiencia). Calquera outra decisión ao respecto podería incurrir nun delito de prevaricación, vulnerando ademais os dereitos de todos os clubes solicitantes que si cumpriron estritamente coas bases da convocatoria.

5.       Os representantes do PSdeG no Consello Reitor da Fundación consideran que a actitude da concelleira de deportes, de tentar obrigar aos membros do Consello Reitor a violar a lei e os procedementos administrativos, incurre nunha profunda gravidade. A actuación política da concelleira de deportes ao frente da Fundación de Deportes  suma así unha nova irresponsabilidade ao pretender enfrentar a entidades deportivas de Vilagarcía entre sí e coa propia administración, todo elo froito da súa absoluta incapacidade para conquerir unha administración eficaz que debía ser o fin último da súa xestión. Non entanto, a concelleira está máis preocupada de intentar manipular a Fundación de Deportes para os intereses electoralistas e partidistas do Goberno Local, ás veces intentando vulnerar a lei e mais ás veces furtando a posibilidade de debatir sobre decisións importantes no eido do deporte local como xa ten ocorrido con anterioridade, así como difundindo información sesgada e terxiversada sobre as deliberacións e xuntanzas realizadas.

O Partido Socialista denuncia o "paripé" da xuntanza sobre o plan de alimentación infantil que levan demandando dende o ano pasado

A concelleira Elena Suárez atende á petición do PSdeG de convocar aos outros grupos, pero presenta unha proposta que o Goberno Local xa aprobara de maneira unilateral previamente

A concelleira dixo que non podía facilitar unha copia do proxecto por non enviar un correo electrónico co documento escaneado xa que "os sábados aquí non se traballa"

Vilagarcía de Arousa 28 de xuño de 2014.- A voceira socialista no Concello de Vilagarcía, Tania García, acudiu esta mañá a unha xuntanza de representantes dos distintos grupos políticos con representación no Pleno Municipal, para tratar o asunto sobre o plan de alimentación infantil que o grupo socialista ven demandando dende o ano pasado. García manifestou a súa discrepancia inicial coas formas coas que foron convocados os voceiros, xa que foron avisados de unha tarde para unha mañá por un correo electrónico (que nin alertaba do tema en cuestión) en troques de facer unha chamada de teléfono que, como indicou García Sanmartín, "a calquera lle parecería un método normal se de verdade queres convocar con apuro e que a xente acuda a unha xuntanza". A representante dos socialistas lamentou que "esto non é unha excepción, senón un hábito, e produce un hastío non soamente no noso grupo senón en moitos colectivos de Vilagarcía que coñecen esta costume no Goberno Local".

García Sanmartín considera, non entanto, que o mais problemático do asunto resultou ser que a convocatoria foi realizada "por puro paripé", xa que o documento que se "ditou" aos voceiros dos distintos grupos xa estaba aprobado previamente pola xunta de goberno local, e estaba convocada unha rolda de prensa para anuncialo media hora despois. Tania García considera "unha tomadura de pelo" a xuntanza convocada, feita "para pretender decir que o documento se falou cos grupos da oposición e que o Goberno Local pretenda pasar por dialogante". "¿Que sentido ten convocar a ninguén para falar dun documento se xa está aprobado e vaise anunciar minutos despois?" preguntou molesta Tania García. Alegan os membros do PSdeG, ademáis, que a consignación económica para este plan vai ao Pleno do luns 30, e  a posta en marcha do proxecto está datada para o 2 de xullo, polo que non existe posibilidade real de facer ningunha aportación xa que eso suporía retrasalo ou directamente que non houbera tempo para levalo a cabo.

A representante do PSdeG acudiu á xuntanza coa intención de trasladar as dúbidas sobre as formas que os socialistas manteñen. En particular consideran que a intervención sobre os problemas de alimentación infantil non se poden afrontar coa posta en circulación dunha "furgoneta dos pobres". García considera que a estigmatización que pode supoñer que as casas ás que se traslada esa axuda sexan sinaladas coa visita dun catering pode resultar contraproducente e que, incluso, existan familias con nenos e nenas que sufran este problema pero que non o manifesten por non verse sinaladas. Os socialistas apelan ao vello refrán "non lle deas un peixe, ensínalle a pescar" para apostillar que "o Goberno Local dá o peixe, e ademáis o dá cociñado", indicando que esta solución podería paliar parcialmente unha situación pero non a afronta integralmente. Os socialistas seguen apostando pola axuda directa ás familias, utilizando o modelo de tarxetas que ten o Concello de Vigo, ou polo mantemento de actividades infantiles nos colexios durante o verán, que se amplíen ata o horario de comedor aberto a todos nenos/as, cobrando o servizo,  abaratando ou facéndoo gratuito segundo as posibilidades.

Tania García, a pesares da situación solicitou unha copia do proxecto para estudialo. A concelleira Elena Suárez non facilitou ningunha copia porque "non o temos en formato dixital", e tampouco se mostrou favorable a escanealo aínda que estivera feito man, xa que "os sábados aquí non se traballa".

O Partido Socialista cuestiona o formato do modelo do programa de alimentación infantil

Os socialistas apuntan que se o Goberno Local considerou estigmatizante a programación de comedores escolares tamén o é o feito de levar comida á casa

Tania García láiase de que "se teñan rexeitado iniciativas só porque as presentamos nós, pero terminen por facerse tempo despois porque eran necesidades claras".

Vilagarcía de Arousa, 25 de xuño de 2014.- Os socialistas de Vilagarcía cuestionaron hoxe o formato do programa de alimentación infantil que o Goberno Local pretende poñer en marcha para paliar os problemas de mala alimentación infantil. Tania García, voceira municipal dos socialistas, criticou que o Goberno Local se negase a apoiar a iniciativas presentada a pleno neste senso, lembrando que xa antes do verán de 2013 os socialistas propuxeron esta problemática que o Goberno Local se negou a aceptar. Incluso daquela o alcalde permitiuse rexeitar a existencia desta problemática en Vilagarcia, así coma cuestionar os informes de distintas ONGs que alertaban xa desta situación. García laiouse de que "o alcalde rexeita iniciativas soamente porque as presentamos os socialista, e iso é triste e preocupante". Aproveitou a voceira socialista para lembrar os cambios de finalidade dalgunhas partidas destiñadas a servizos sociais que no 2013 os socialistas suxerían ao inicio do ano, e que o alcalde negou e acabou por facer meses despois. "É mezquino negar unha iniciativa porque a propoña outro".

Entrando na proposta actual do Goberno Local de levar comida ás casas os socialistas apuntan que o sistema é mellorable. "O Goberno Local sinalou que abrir os comedores escolares no verán contribuía a sinalar aos nenos e nenas que ían comer á escola. Preguntámonos entón se esta misma problemática non se dá se as casas reciben a visita das furgonetas da comida a domicilio", apuntou García Sanmartín. Dende o PSdeG plantexan como alternativa ás ideas ofrecidas que se utilicen sistemas de axuda directa ás familias, facilitando a compra de alimentos aos núcleos familiares con dificultades. "Cando hai nenos e nenas con dificultades de alimentación é porque na súa casa os hai para todos", sinalou a voceira socialista. Tania García, traballadora social de profesión, puxo como exemplo o sistema de axudas do Concello de Vigo, no que as familias con estas necesidades reciben unha tarxeta semellante a unha tarxeta bancaria coa que teñen acceso á compra de alimentos.

Tania García abogou por unha xuntanza de representantes dos grupos municipais, de servizos sociais do Concello e tamén con membros de ONGs que coñecen a realidade directa, para organizar un sistema que permita paliar a problemática existente. Ademáis, García pedíu ao Goberno Local, "e especialmente a Tomás Fole", que "reflexione sobre o sectarismo que lle leva a rexeitar iniciativas dos socialistas que buscan dar resposta ás graves situacións de risco e exclusión social á que están abocadas moitas familias da nosa localidade, para terminar facendo tarde o que xa lle suxeríamos outros antes".