PSdeG y Afasal coinciden na necesidade de lograr un centro de día para Vilagarcía, demanda que Modesto Pose comprométese a xestionar na vindeira lexislatura

O candidato socialista á Alcaldía plantexa como posibilidade que estivera anexionado ao futuro centro de saúde no lugar da Comandancia de Marina

Esta xestión conecta coas propostas xa plantexadas de recuperar o inmoble do antigo asilo e a reutilización do edificio da estación de autobuses como Casa das Asociacións para uso social .

Vilagarcía de Arousa, 15 de abril de 2011.- Modesto Pose, candidato do PSdeG á Alcaldía de Vilagarcía realizou unha visita á local da asociación de familias afectadas polo síndrome de Alzheimer, Afasal, e mantivo posteriormente unha xuntanza coa directiva da entidade. Na visita, Pose estivo acompañado de Tania García, membro da candidatura socialista ás eleccións municipais e traballadora social de profesión.

Nesta xuntanza, o principal tema de conversa foi a necesidade dun centro de día que Vilagarcía precisa, aspecto no que coincidiron de maneira plena todos os participantes da entrevista. Pose manifestou ao respecto que “a reivindicación dun centro de día público é unha demanda que fago miña, e por iso durante a vindeira lexislatura teño a total seguridade de que conseguiremos que esta reivindicación se faga realidade”. O alcaldable socialista profundizou na cuestión ao sinalar que “Vilagarcía acolle a atención de persoas non soamente do propio municipio, senón de toda a comarca, e por tanto estamos a falar dunha instalación para dar cobertura a unha poboación moi grande que comparte necesidades”.

Para afrontar a construcción dun novo centro de día, Pose expuso á directiva de Afasal que os socialistas xa veñen estudando esta demanda dende hai tempo, e que teñen analizadas posibles ubicacións. Entre as distintas posibilidades, sinalaron como moi adecuada a construcción da instalación de forma anexa ao novo centro de saúde reclamado para a antiga Comandancia de Marina. De tal xeito, a reivindicación deste centro cobra agora un dobre sentido, xa que o lugar “é tamén ideal para un centro de día, céntrico, de fácil accesibilidade, con zonas verdes y de paseo ao redor e ao lado dun centro de saúde que facilitará o acceso a servicios sanitarios”.

De modo xeral, Tania García quixo lembrar que a demanda do centro de día enmárcase dentro do enfoque que os socialistas están a dar ás necesidades no campo dos servicios sociais no seu programa electoral. “É indiscutible que as políticas sociais non son posibles hoxe en día sen todas as entidades existentes que fan unha labor de valor incalculable, e que chegan a onde a administración non pode chegar. Así, o que temos que plantexar dende as institucións públicas é facilitar o traballo a estas entidades con infraestructuras e servicios. Por iso estamos a plantexar un programa de goberno nesa dirección, xa non soamente no caso do centro de saúde, senón coa reutilización do actual edificio da estación de autobuses que destinaremos a uso social, ou a recuperación do inmoble do antigo asilo”.

Modesto Pose e os comerciantes de Zona Aberta coinciden na importancia para Vilagarcía dun enfoque estratéxico en turismo, e no rexeite ao centro comercial de Deiro

Nunha xuntanza mantida onte, os comerciantes manifestaron o seu desexo de que as peonalizacións do casco urbano finalicen pronto xa que confían nun efecto moi positivo no comercio

Vilagarcía de Arousa, 13 de abril de 2011.- Modesto Pose, candidato do PSdeG a Alcaldía de Vilagarcía, mantivo no día de onte unha xuntanza coa directiva de Zona Aberta, na sede da entidade dos comerciantes. Nesta entrevista, á que Pose acudiu acompañado de Eva Pesado e Fernando Quintela, membros da candidatura socialista ás municipais de maio, os integrantes da dirección de Zona Aberta plantexaron os temas que son de maior importancia para os comerciantes de Vilagarcía.

A entidade vilagarciana quixo debater con Pose sobre a importancia que para o comercio ten o turismo e a atracción de visitantes a Vilagarcía. Neste sentido, coincidiron as posturas sobre a importancia dun punto de vista estratéxico a longo prazo, e o candidato socialista expuxo o seu plantexamento que está a dar a coñecer nestas semanas. Como lembrou o Modesto Pose, “a primeira proposta que fixemos os socialistas de cara a activar a economía e apostar por novo empleo foi centrada na potenciación do sentido turístico de Vilagarcía. É preciso que dende as responsabilidades políticas e institucionais fagamos xestión destinada a atraer a Vilagarcía un hotel de alta gama, cuestión para a que nos xa nos comprometemos, e dotar de servicios e atractivos ao municipio”. Neste último punto é onde os socialistas destacan a necesidade de establecer unha relación de coordinación e non competición co resto da comarca, e de recuperar a tradicional relación con Santiago para que Vilagarcía sexa “o mar de Compostela”, aproveitando a implantación da alta velocidade. Nas vindeiras semanas Pose ten previsto celebrar unha xuntanza co alcalde de Santiago de Compostela, Sánchez Bugallo, para plantexar de maneira conxunta esta cuestión. Todos os asistentes coincidiron na importancia de recuperar usos na Praia Compostela, e os membros da candidatura socialista recalcaron as súas propostas de dotar de material lúdico-deportivo á zona entre a duna e o paseo, e ampliar zonas verdes na propia praia.

Tamén falaron os comerciantes da necesidade de oponerse ao centro comercial de Deiro, que consideran moi negativo para o comercio local. Neste tema, os propios comerciantes coñecen a postura dos socialistas e todos coincidiron no “apoio total dos socialistas á postura dos comerciantes, en contra da construcción dese centro”.

As peonalizacións tamén foron obxeto de conversas na xuntanza, dado que os comerciantes confían no efecto positivo que terá nas ventas. O que plantexaron os integrantes de Zona Aberta é o seu interese por acelerar os prazos na medida do posible para que estén rematadas canto antes, e poder aproveitar as súas vantaxes. Os membros da candidatura socialista concordan coa visión optimista da entidade sobre o efecto da humanización do casco urbano de Vilagarcía, e consideraron que as obras de peonalización do centro estarán rematadas nun prazo de poucas semanas.

Modesto Pose anuncia, despois dun debate aberto sobre deportes, a mellora do Manuel Jiménez e do pabellón de Castelao e a construcción de pistas de pádel

As liñas mestras no ámbito deportivo será a potenciación do deporte base e o aproveitamento do deporte como atractivo de Vilagarcía.

O candidato socialista apostou polos deportes de integración coa Ría, a realización de actividades deportivas na rúa, en prazas, parques e espacios públicos e a conformación de espacios lúdico-deportivos na praia de Compostela

Vilagarcía de Arousa, 12 de abril de 2011.- O candidato socialista á Alcaldía de Vilagarcía, Modesto Pose, deu onte un paso máis na súa rolda de debates abertos sectoriais para a ultimación do seu programa de goberno, cunha xuntanza co sector deportivo de Vilagarcía. O candidato socialista tomou parte nun debate con máis de 50 persoas entre usuarios e clubes (con máis de 20 entidades representadas), e que tivo un alto grado de participación.

Pose explicou as liñas mestras no ámbito deportivo que plantexan os socialistas para os vindeiros catro anos. Dende un punto de vista estratéxico Pose apostou por continuar co modelo deportivo da Fundación de Deportes, que “cos seus acertos e os seus erros contribuiu dende que está a funcionar a ordear o deporte local, dotalo de representatividade e voz nas decisións que o afectan e apoiar aos clubes no desenvolvemento de actividades e eventos que fan mellorar ao sector deportivo de Vilagarcía”. Pose apostou por defender o deporte de participación, continuando coas actividades para todas as idades, e por priorizar o deporte de base e de formación. “Os criterios estarán pensados para conseguir o mellor para todos, pero cremos que as prioridades teñen que estar no deporte de base, que é a forza máis importancia”. Noutro senso, Modesto Pose defendeu o deporte “como elemento en relación aos demáis enfoques estratéxicos de cidade. Os socialistas pretendemos aproveitar todas as potencialidades que Vilagarcía ten para ser un lugar tremendamente atractivo. Entre elas está a actividade deportiva como atracción para xente de fora, e sacar o deporte á rúa desenvolvendo actividades de exhibición e de amplia participación, en parques e prazas, para dar vida aos nosos espazos públicos”. Ademáis tamén se falou na xuntanza de “dotar de contidos ao espacio da praia entre o paseo e a duna, implementando a zona con material deportivo para actividades de mantemento e deporte de praia”.

O candidato socialista, en relación a cuestións plantexadas polos clubes, plasmou a súa vontade de que “a concellería de deportes esté rexida por persoas con adicación e vocación. Ese será o criterio fundamental para definir en quen recaerá a responsabilidade de goberno neste área”.

INFRAESTRUCTURAS. NOVAS PISTAS DE PÁDEL

Tamén respondeu Pose as cuestións sobre infraestructuras, de moita demanda polos clubes, e tema no que coincidieron os asistentes en optimizar o rendimento e a utilización das xa existentes. Neste punto, Pose manifestou que os socialistas consideran necesaria unha visión a longo prazo, e por iso apostan por concentrar todas as posibles novas instalacións nunha mesma zona. De xeito prioritario Pose apuntou a mellora do Manuel Jiménez e do pabellón de Castelao, como investimentos necesarios. Ao finalizar a xuntanza Pose declarou que entre as posibles novas infraestructuras, os socialistas impulsarán a construcción de pistas de pádel no complexo de Fontecarmoa, deporte que está a recoller moitos adeptos na comarca últimamente.

José Blanco respalda la candidatura de Modesto Pose como el “mejor proyecto” para Vilagarcía

Los socialistas consideran Vilagarcía como una plaza de la máxima importancia de cara a las elecciones municipales del próximo 22 de mayo. Algo que quedó ayer claro tanto en la afluencia de altos cargos, diputados y alcaldes a la presentación de la candidatura del PSOE como en las intervenciones. Vilagarcía no está en absoluto perdida para el PSOE. Ese fue el mensaje que hilvanó las intervenciones de Tania García, Pachi Vázquez, José Blanco y Modesto Pose. Es más, manifestaron, los socialistas van a seguir encabezando la “proyección” y “modernización” de este municipio en la póxima legislatura. Un compromiso ampliamente aplaudido por el medio millar de asistentes al acto celebrado en la Praza da Peixería.
La secretaria local, Tania García, dio el pistoletazo de salida al mitin del puño y la rosa con un sentido homenaje a su abuela, “loitadora pola liberdade e a xustiza, valores que sempre nos definiron aos socialistas”, para aseverar que “o PSOE vai seguir gobernando Vilagarcía”, con el objetivo de que la capital arousana “continue a progresar”.
A continuación, tomó el relevo el secretario general de los socialistas gallegos, Pachi Vázquez, que tras reconocer el trabajo e implicación de Dolores García a lo largo de estos cuatro años al frente del Concello, recordó que el PSOE acude a las elecciones “cos deberes feitos”, recordando que Vilagarcía “debe moito ao socialismo, mentres que ao PP só debe atrancos, obstruccións e dificultades”.

El esperado > Y tras Pachi Vázquez subió al estrado José Blanco, ministro de Fomento y, según él mismo manifestó en gallego, “un veciño máis de Arousa”. Los numerosos aplausos de los asistentes al acto dejaron claro que en las filas socialistas José Blanco es un valor más que seguro.
Blanco confesó estar “orgulloso” de que Modesto Pose encabece la candidatura de la formación socialista en Vilagarcía, destacando que “asumió el reto de darlo todo por esta ciudad”.
Para el ministro de Fomento, en la cita del 22 de mayo el “mejor regalo” que se puede producir, “ahora que se cumplen 20 años de gobierno socialista en Vilagarcía”, es que Pose salga alcalde para así, manifestó, “proyectar otros 20 años más a esta ciudad”.
José Blanco aseguró que Modesto Pose tiene “el mejor equipo para el mejor proyecto”, y situó a los socialistas como los verdaeros garantes del estado de bienestar y los servicios públicos en Vilagarcía y España.
El ministro se mostró tan convencido de la victoria del PSOE en Vilagarcía que incluso señaló que “ en el verano voy a venir como ministro de forma institucional a visitar al alcalde de Vilagarcía”. Y, abriendo espacio al humor, se atrevió incluso a señalar que “si me invita a la procesión de San Roque, vendré. No me comprometo con la Festa da Auga porque ya estoy algo mayor”.
Tras José Blanco fue el turno de Modesto Pose, que además de analizar y gabar los logros alcanzados en Vilagarcía en estas dos décadas de la mano de los socialistas, se comprometió a gobernar, si sale alcalde, “con ilusión”.

Modesto Pose visita Trabanca Sardiñeira cos concelleiros Manuel R. Cuervo e Susana Camiño

Vilagarcía de Arousa, 8 de abril de 2011.- Modesto Pose, acompañado dos concelleiros Manuel R. Cuervo e Susana Camiño, membros da candidatura socialista ás eleccións municipais, visitaron  onte a parroquia de Trabanca Sardiñeira e comprobaron de primeira man as necesidades e futuras actuacións a realizar nesta parroquia entre outras demandas os socialistas consideran importantes a xestión coa Xunta de Galicia da dotación dun paso seguro ao cemiterio, a construción dun novo parque infantil, reordenación do tráfico rodado, humanizacións,...

Esta visita complementa á xuntanza que Pose e os demáis membros da candidatura socialista manteñen hoxe coa AAVV Santiago de Afora para conocer da súa voz as principais demandas. Esta xuntanza enmárcase dentro da rolda de visitas que o candidato socialista está a facer ás parroquias do municipio e que foi solicitada xa polos veciños. En vindeiras datas, os socialistas tamén se entrevistarán coas demáis asociacións do lugar, e quedan abertos a calquera consulta. Nestas xuntanzas, Pose está a recoller as demandas veciñais de cara a incluilas no programa de goberno que xa está a ser avanzado en ámbitos sectoriais nos debates abertos que os socialistas están a organizar dende hai unhas semanas.

Modesto Pose mantén unha xuntanza coa asociación de autopatróns de taxi na que se plantexaron as cuestións referidas á movilidade e reordeación do tráfico

O candidato socialista trasladou aos taxistas a súa proposta de abrir unha vía urbana que enlace As Carolinas co Salgueiral, en complemento á peonalización do centro.

Os taxistas trasladaron a Pose as súas propostas para a ordeación do tráfico municipal, ademáis de interesarse polos futuros servicios e proxectos que atraian xente á Vilagarcía.

Vilagarcía de Arousa, 6 de abril de 2011.- Modesto Pose, candidato do Partido Socialista á Alcaldía de Vilagarcía, continuou hoxe coa rolda de contactos con distintos colectivos e asociacións do municipio, mantendo unha entrevista coa asociación de autopatronos de taxis.

A xuntanza, na que participaron tamén Lino Mouriño e Eva Pesado, tamén membros da candidatura socialista, serviu para que Pose trasladara aos taxistas ás súas principais propostas en materia de movilidade. O alcaldable socialista plantexou o proxecto anunciado este pasado fin de semana, da apertura dun vial adxacente á vía do tren que enlace As Carolinas coa actual estación de trens, expoñendo tamén a vontade de transformar ésta en estación intermodal de transportes, e tamén prolongar este vial dende a estación ata o Salgueiral, aproveitando o trazado da vía que quedará en desuso tras a implantación da nova vía para a alta velocidade. A presentación desta iniciativa tivo unha boa acollida entre os autopatróns, coincidindo os asistentes que é esta unha boa proposta para complementar o desenvolvemento da peonalización do centro da cidade.

Do mesmo xeito, Pose e a asociación de taxis valoraron o impacto que na circulación urbana en Vilagarcía tivo a apertura das circunvalacións norte e sur, e a visión dos taxistas sobre a reordenación do tráfico de vehículos no centro da cidade.

Tamén serviu á xuntanza para comentar o futuro desenvolvemento de servicios en Vilagarcía, e os taxistas aproveitaron especialmente para interesarse pola posibilidade de ampliación do Hospital do Salnés, que para a súa asociación é de moito interese porque os traslados ao centro de Ande supoñen unha boa parte do seu traballo. Ademáis, tamén expuxeron na xuntanza propostas sobre a reorganización de lugares e horarios de carga e descarga, así como as posibilidades de mellora dalgúns puntos concretos da circulación que provocan atascos, en particular parades de autobuses, accesos a lugares espacios comerciais e axuste no funcionamento de semáforos.

Modesto Pose visita a parroquia de A Laxe e mantén unha numerosa e cordial xuntanza co presidente da AAVV “Contra vento e marea”, Jaime Ramos, e a Asociación de Mulleres Rurais

Vilagarcía de Arousa, 5 de abril de 2011.- O candidato socialista á Alcaldía de Vilagarcía, Modesto Pose, visitou no día de onte a parroquia de A Laxe, acompañado de Manuel R. Cuervo e Susana Camiño, concelleiros e candidatos na lista electoral dos socialistas nas vindeiras eleccións municipais. Na xuntanza estiveron presentes o presidente da AAVV “Contra vento e marea”, Jaime Ramos, acompañado de varios membros da asociación, e tamén a Asociación de mulleres rurais, que conformaron un moi numeroso grupo que acudiu á entrevistarse con Pose.

Na xuntanza, o alcaldable socialista e o presidente da AAVV coincidiron na necesidade de manter con fluidez a relación entre os representantes políticos e as asociacións de veciños, comprometéndose a manter estas xuntanzas no futuro. Os veciños de A Laxe plantexaron aos socialistas a súa visión sobre a parroquia, e as demandas que considerarían positivas para o futuro.

Modesto Pose apuntou ao finalizar a xuntanza que “as visitas aos veciños son unha necesidade básica para aqueles que teñen responsabilidades políticas, xa que ninguén coñece mellor a súa parroquia que eles mesmos. A Laxe ten unha recoñecida labor veciñal, e dende logo a miña vontade e respetar e potenciar este momevemento que contribuirá sempre a facer desta parroquia un lugar referente”.

As visitas ás parroquias, que Modesto Pose está a realizar acompañado dos membros da súa candidatura, continuarán ata entrevistarse con todas as asociacións veciñais existentes no municipio.