Noche de escoba y pegamento en la capital arousana

No hay duda. Todos los ciudadanos de Vilagarcía han podido comprobar hoy con sus propios ojos que la campaña electoral está aquí y que amenaza con ser muy intensa hasta el próximo 22 de mayo. Son cosas que pasan teniendo en cuenta que en la capital arousana concurren un total de siete fuerzas políticas y que, a estas alturas, todavía no hay nada decidido sobre quién tendrá el privilegio final de sentarse en el salón de la Alcaldía que deja vacío la socialista Dolores García. La maquinaria electoral que desde hace unas semanas ya escupe propuestas e iniciativas varias desde las filas de los principales partidos se vuelca ahora en los actos de “tú a tú”, esos que enfrentan al político con el ciudadano en mítines y encuentros y que, en una situación indecisa como la que se respira ahora en Vilagarcía, serán fundamentales para inclinar el voto hacia uno u otro lado de la balanza.Sin embargo, y pese al paso de los años y al avance imparable de las nuevas tecnologías, hay cosas que de momento no cambian. Buen ejemplo de ello es la tradicional pegada de carteles que, pese a estar ensombrecida por la política de austeridad y de reducción de gastos en campaña, ha dejado empapelada igualmente toda la ciudad con lemas varios y con las fotos de todos los candidatos que ya han copado las páginas y los minutos de los medios de comunicación desde hace meses.
Los candidatos no estuvieron ayer solos en un momento tan simbólico que, como siempre, tiene como protagonistas secundarios la escoba y el pegamento. Militantes y simpatizantes se movilizaron a partir de medianoche para repartirse las zonas y dejar también pasquines en los buzones de diferentes comunidades de vecinos.
Y esto no ha hecho más que empezar. El primeiro de los mítines de gran calado es hoy mismo a partir de las ocho y media de la tarde en A Peixería de la mano del portavoz nacional del BNG, Guillerme Vázquez, que ha decidido elegir Vilagarcía como punto de arranque de la campaña de la agrupación a nivel Galicia. Por su parte la Converxencia Galega de Guillermo Rocha (nuevos en estas lides electorales a nivel municipal) ya han fijado el acto central y presentación de candidatura al mismo tiempo para el día 10 con la presencia de Xoán Gato.
Y el resto todavía están por definir en sus agendas lo que serán probablemente pesos pesados del partido a nivel estatal y que arroparán a los que, al fin y al cabo, más se juegan en estos comicios como son el Partido Popular de Tomás Fole y los socialistas encabezados por vez primera por Modesto Pose Mesura.
Los titulares políticos coparán a partir de ahora las portadas de los periódicos y las promesas electorales se difuminarán con información municipal de forma inevitable.
Y es que los nervios y la tensión se han ido palpando sobre todo en los últimos plenos porque las encuestas no aventuran nada seguro y porque la Alcaldía de Vilagarcía es un caramelo al que todo el mundo quiere acceder.
Lo cierto es que Modesto Pose Mesura, Tomás Fole, Xosé Castro Ratón, José Luis Rivera Mallo, Mariano Ibáñez y Guillermo Rocha tendrán su principal cita con el electorado el día 22 de mayo que, curiosamente, coincide con la celebración de Santa Rita, patrona de los imposibles.

MODESTO POSE COMPROMÉTESE A INCLUIR A REFORMA DA PISTA DEPORTIVA DE ZAMAR DENTRO DO SEU PROGRAMA DE ACTUACIÓNS

O candidato socialista presentou aos veciños a súa idea de crear unha gardería en Trabanca Badiña para atender as necesidades das nais e pais da localidade

Incidiu no seu propósito de avanzar no deseño do novo Plan Xeral de Ordenación Municipal para rematalo ao longo do vindeiro mandato

Vilagarcía de Arousa 6 de maio de 2011.- O candidato socialista á alcaldía vilagarciá, Modesto Pose, continúa coa soa rolda de visitas ás localidades do municipio para manter un contacto directo e próximo cos veciños. Onte tocoulle a quenda a Zamar, lugar onde preto de 30 habitantes asistiron a esta xuntanza, que contou coa presenza dos membros da lista electoral do PSdeG-PSOE Manuel Rodríguez Cuervo, Susana Camiño e Lino Mouriño.

Pose Mesura incidiu nas liñas de actuación máis destacadas que o seu partido quere executar dende o goberno: a mellora do tráfico e creación de aparcamentos disuasorios, aposta por un novo centro de saúde na Comandancia, apoio á instalación dun hotel de alta gama no Ramal para crear emprego e actividade turística; ou facer realidade a nova estación intermodal para liberar do seu uso actual á de autobuses, converténdoa na Casa das Asociacións. Todo, segundo o socialista, “comprometéndonos a gobernar con sentido común e criterio”.

Unha promesa que tamén remarcou á hora de garantir aos veciños de Zamar a reforma integral da súa pista polideportiva, espazo que actualmente está en desuso e que Modesto Pose asegura que “incluirá dentro do seu programa de actuacións no ámbito deportivo. Douvos a miña palabra”, remarcou.

Esta foi a petición que destacaron os residentes deste lugar, que tamén se interesaron na situación da renovación do Plan Xeral de Ordenación Municipal (PXOM). O número un da candidatura do PSdeG incidiu no propósito de avanzar na reforma do PXOM para poder telo finalizado ao longo do vindeiro mandato municipal.

Un dos temas que anunciou Pose e que máis chamou a atención dos veciños foi a proposta de crear unha nova gardería infantil na casa de Carús, en Trabanca Badiña, local que daría servizo aos cativos deste lugar, así como do resto da parroquia de Rubiáns, Cea ou A Torre.

Tamén fixo referencia a un dos temas de actualidade municipal e toca moi de preto a Zamar: a posibilidade de construír un campo de golf en Rubiáns. Pose defende a iniciativa, toda vez que sexa cotexada a súa viabilidade, xa que entende que a instalación abundaría na potenciación de Vilagarcía como destino turístico destacado, unha das prioridades do candidato.

Finalmente, Pose Mesura interesouse na demanda dos veciños para que se reforce a programación municipal pensada para adolescentes, comprometéndose a estudar a posibilidade de promover novas axudas aos mozos para que “ninguén se quede sen a posibilidade de gozar dos actos que se celebren en Vilagarcía por motivos económicos”.

POSE PREGUNTA O CONSELLEIRO JAVIER GUERRA SE “ABDICOU” DA PRESIDENCIA DO PADROADO DE FEXDEGA TRAS APOIAR O USO DEPORTIVO DO RECINTO

O candidato socialista “non entende” como en época de crise o conselleiro de Industria se dedique a “ir de guai” prometendo a conversión do recinto feiral

Reitera o apoio do PSdeG ao emprego puntual do edificio da Maroma para usos deportivos, culturais e de lecer e o aproveitamento dos seus espazos exteriores

Vilagarcía de Arousa 4 de maio de 2011.- O candidato do PSdeG-PSOE á alcaldía de Vilagarcía, Modesto Pose, preguntou onte en sesión plenaria do Parlamento de Galicia, na súa calidade de deputado autonómico, se o conselleiro de Economía e Industria, Javier Guerra, “abdicou” do seu cargo de presidente do Padroado de Fexdega, abrazando a idea electoral do PP vilagarcián de converter de xeito permanente o recinto da Maroma en centro polideportivo para a xuventude.

“Non entendo como nunha época de crise como a que vivimos, o conselleiro se dedica a quedar de guai lanzando promesas deportivas facendo caso á insolvencia de Tomás Fole e renunciando a empregar Fexdega para o que realmente debe ser o seu uso: a dinamización económica da comarca. A súa obriga debería ser esa”, argumenta Pose.

O número un da lista do PSOE en Vilagarcía sostén que a explotación do recinto como polideportivo “é incompatible co seu obxectivo de acoller a organización de feiras”. “A candidatura do PP é, dito con todo o respecto, moi deportiva: quere destinar todos os edificios da cidade ao deporte. Deberían saber que Vilagarcía está, a día de hoxe, á cabeza de Galicia en canto á celebración de eventos de deporte base”.

Modesto Pose incide en que durante a coincidencia de Javier Guerra como presidente do padroado e de Juan Luis Callón Cameán, que concorrerá ás eleccións locais do Grove na lista do PP, como xerente de Fexdega, o ente feiral pasou de ser un referente da dinamización económica da comarca a ser un recinto sen apenas actividade. De feito, segundo datos da propia Consellería de Industria, este espazo é empregado durante apenas 44 días ao ano.

Non obstante, o socialista insiste no compromiso do seu partido de “utilizar puntualmente Fexdega para eventos de tipo deportivo, cultural ou lúdico, como vén sucedendo na actualidade, sempre que sexan compatibles coa organización de feiras”, así como “o máximo aproveitamento posible dos espazos exteriores para uso público, tal e como xa anunciamos”.

Por último, Modesto Pose convidou a Javier Guerra a “reunirse comigo a partir da miña toma de posesión como alcalde para concretar o futuro de Fexdega”.

O PSdeG-PSOE TRABALLARÁ NA ADAPTACIÓN DAS PRAZAS E PARQUES DE VILAGARCÍA PARA OS USUARIOS DA LIÑA WIFI

A ampliación deste servizo público a un maior número de espazos da cidade é unha proposta prioritaria para o candidato Modesto Pose

A idea sería habilitar zonas nas que as veciñas e veciños poidan conectarse de xeito cómodo e sinxelo a internet sen fíos

Vilagarcía de Arousa 3 de maio de 2011.- O PSdeG-PSOE quere ampliar o servizo de conexión pública á liña de internet sen fíos (wifi), que a día de hoxe xa funciona nos edificios públicos, tales como centros sociais, edificios culturais e da administración local. A intención dos socialistas é permitir a conexión wifi tamén nas prazas e parques da cidade, tanto no centro urbano como na periferia municipal, algo que se levaría a cabo cunha implantación progresiva da liña.

Deste xeito, espazos como a Praza da Liberdade de Carril ou o Parque de Dona Concha de Vilaxoán permitirían a conexión a internet, do mesmo modo que sucedería no Miguel Hernández ou o parque de Ravella dentro do centro urbano vilagarcián. Con isto, non só se democratizaría o acceso á rede virtual, senón que se descentralizaría a todo o municipio.

A maiores, a idea do PSdeG-PSOE é adaptar zonas nestes parques e prazas para posibilitar que a conexión wifi sexa cómoda e sinxela. Loxicamente, estes lugares non contan coas posibilidades de accesibilidade das que dispoñen bibliotecas ou centros sociais, pero a dotación de lugares protexidos e cómodos onde os usuarios poidan  sentarse e levar o seu ordenador para facer uso do servizo de internet sen fíos é unha proposta factible en case todos os casos.

TANIA GARCÍA ACUSA A FAJARDO DE “MENTIR, FACER CAMPAÑA AO PP E USAR AOS TRABALLADORES CON FINS POLÍTICOS”

A secretaria local do PSdeG-PSOE critica que “o líder de EU recorra sempre á mentira e a demagoxia”

“EU é a esquerda preferida por Tomás Fole, pois ambos partidos votan sistematicamente o mesmo nos plenos municipais”, lembra

Vilagarcía de Arousa 3 de maio de 2011.- A secretaria local do PSdeG-PSOE, Tania García Sanmartín, lamenta que o líder de Esquerda Unida, Juan Fajardo, “teña a cara dura de facer referencia a traballadores en campaña electoral cando a realidade é que el basea a súa carreira política en parapetarse nos traballadores, explotándoos e usándoos para os seus propios intereses”.

A socialista responde así ás acusacións de Fajardo, ao que tamén acusa de “demagogo” e de “servirlle o todo vale á hora de facer descualificacións persoais”, en alusión ás palabras do líder de EU nas que di que García Sanmartín “fixo campaña para EU nos tempos de Javier Gago”, algo que é desmentido categoricamente pola secretaria local. “Esíxolle firme e urxentemente que tente demostrar que iso que di é certo ou que pida desculpas porque soltar mentiras para facer demagoxia dos demais é o máis fácil e, á vez, o máis baixo que se pode facer. Non debe estar aceptado nunha campaña electoral, que debe ser exemplo de respecto”.

Nesta liña, a secretaria dos socialistas vilagarciáns remarca que “o PSdeG-PSOE sempre mantivo e manterá a senda do rigor e o respecto a todos os políticos locais, cidadáns ao fin e ao cabo da nosa localidade”. “En política”, insiste, “non todo vale”.

Á súa vez, Tania remarca que o que si que fai campaña é Juan Fajardo, pero a prol do Partido Popular, xa que “nos plenos municipais vota sistematicamente o mesmo que o partido de Tomás Fole. Vese que comparte ideoloxía”. Para a socialista, “Fole ten en EU á esquerda preferida, a máis cómoda, aquela que lle fai o traballo sucio ao PP” e insiste en que “a xente comeza a decatarse de que ambos pensan o mesmo, votan o mesmo e actúan do mesmo xeito: falan sen pensar”.

Finalmente, García Sanmartín pregúntalle a Fajardo “se seguirá facendo campaña ao PP de cara ás eleccións do 22-M”.

A CANDIDATURA SOCIALISTA COÑECEU DE PRIMEIRA MAN AS NECESIDADES DOS BARRIOS DE TRABANCA BADIÑA E FONTECARMOA

Modesto Pose concretou cos veciños de Trabanca a transformación da Casa de Carús en gardería municipal, idea que aplaudiron

Rodríguez Cuervo atendeu as demandas dos residentes de Fontecarmoa, centradas na reparación do Centro Social e a creación dunha senda verde

Vilagarcía de Arousa 2 de mayo de 2011.- Os membros da lista electoral do PSdeG-PSOE de Vilagarcía continúan co seu programa de visitas aos barrios previas á campaña electoral. Os dous últimos encontros tiveron lugar en Trabanca Badiña, onde o candidato a alcalde Modesto Pose liderou o grupo socialista, e en Fontecarmoa, onde foi o número dous da lista, Manuel Rodríguez Cuervo, o que encabezou a representación do seu partido.

En ambas as dúas reunións os membros das asociacións veciñais tiveron oportunidade de presentar as súas demandas para mellorar as súas localidades. Tanto en Trabanca como en Fontecarmoa o ambiente foi moi participativo.

Un bo exemplo foi, no caso de Trabanca Badiña, o interesante debate sobre qué se ía facer coa Casa do Doutor Carús, a día de hoxe sen uso. Modesto Pose coñeceu da man dos veciños o interese destes en que a vivenda sexa empregada para fins que atraian actividade ao barrio, así como que sirvan a todos os vilagarciáns, algo no que puxeron especial énfase. Neste sentido, os membros da asociación presidida por Faustino Laya estiveron entusiasmados coa posibilidade formulada por Pose: crear unha gardería infantil neste lugar.

Tanto os veciños como o propio candidato socialista coincidiron no moito que prosperou Trabanca Badiña nestes últimos anos, aínda que isto no quita que aqueles tamén realizasen unha serie de solicitudes. Nesta lista aparecen asuntos como a mellora das conexións entre este barrio e o centro urbano, algo que Pose garantiu que sería revisado; a creación dun parque saudable nos xardíns de Carús, idea que tamén foi ben acollida polo socialista; e a recuperación do lavadoiro próximo á casa do médico, tema que será revisado.

No que respecta ao encontro celebrado no Centro Sociocultural de Fontecarmoa, os socialistas atenderon ás peticións dos residentes, representados polo presidente da asociación veciñal, Manuel Diz Bello, a súa homóloga das Mulleres Rurais, Bárbara Diz, e o máximo responsable da Comunidade de Montes, Benito Nogueira.

Os tres incidiron en que unha das súas máximas preocupacións é a reparación das goteiras que sofre o complexo cultural, o peche da entrada principal para evitar actos de vandalismo e a dotación de actividades para os usuarios do local. Os membros da lista do PSOE interesáronse polos tres temas e comprometéronse a solucionalos, explicando que a súa intención é confeccionar un programa de actividades lúdico-culturais que dean vida aos centros das parroquias, descentralizándoas, xa que a día de hoxe están enfocadas case en exclusiva ao Auditorio Municipal.

Outra demanda dos veciños foi a referida á recuperación da senda do lugar de Revexón, que consideran ideal para camiñar e andar en bicicleta. Os socialistas tamén tomaron nota desta obra para incluíla na lista do programa medioambiental que os socialistas levarán a cabo no caso de gobernar. Finalmente, os veciños solicitaron a creación dun miradoiro no Monte Curuxo.

O PSdeG-PSOE PÍDELLE A FOLE QUE SE DEIXE DE IDEAS ILUSORIAS COMO A DA PRAIA NO EMBALSE DE CASTROAGUDÍN

¿Acaso o candidato do PP non se decata de que no verán o embalse está case sen auga? ¿A cantos minutos está esta localidade da praia?

Fole debería consultar antes de nada aos veciños do lugar: as reclamacións que fixeron ao superdelegado Cores Tourís están aínda sen resolver

Vilagarcía de Arousa 01 de maio de 2011.- O PSdeG-PSOE  de Vilagarcía non sae do seu abraio ante as ocorrencias cada vez máis disparatadas que ten o candidato do PP, Tomás Fole. A última xa é de triple salto mortal cara atrás: crear unha praia artificial en Castroagudín aproveitando o embalse do río do Con, convertendo este espazo nun lugar de ocio.

Descoñecemos que tipo de xente asesora ao señor Fole á hora de parir estas iniciativas ilusorias, pero si que nos gustaría que tivese en conta a intelixencia da cidadanía e, sobre todo, a opinión dos veciños de Castroagudín, que son aos que máis afecta a proposta que nos ocupa. Señor Fole, ¿falou vostede cos veciños deste lugar para coñecer o que pensan ao respecto da súa idea? ¿Sabe se realmente a preocupación dos residentes de Castroagudín pasa por ter unha praia artificial a dous minutos das súas casas tendo as praias de Vilagarcía a dez minutos?

Dende o PSdeG-PSOE preguntámonos a razón pola que o seu partido non atendeu ás demandas que os veciños de Castroagudín lle fixeron ao superdelegado de Pontevedra, Xosé Manuel Cores Tourís, e agora saen con esta idea ilusoria. O primeiro é o primeiro: atendan ás reclamacións veciñais, señor Fole. Déixese de espellismos en medio do deserto e de praias no monte.

Se por algo destaca o candidato do PP de Vilagarcía é polas súas poucas ganas de traballar. Algo que podemos apreciar tamén nesta iniciativa, na que quere vender a moto de que vai crear unhas novidosas rutas de sendeirismo nas que, por se non está informado, o goberno local leva traballando xa varios anos. Quizáis sexa que tanto Tourís como Fole son máis de praia que de montaña e se quedaron alí estes últimos catro anos agardando as eleccións.

O alcaldable conservador debería saber que o embalse de Castroagudín chega case a quedarse sen auga nos meses de verán, o que o faría moi pouco atractivo tanto para o baño como para o paseo en bote. Tamén sería recomendable que analizase a situación deste espazo, apenas separado por un camiño das fincas próximas. ¿Onde pensa facer a zona de ocio e esparexemento?

Dende o PSdeG-PSOE entendemos que esta proposta é irrealizable e que se o señor Fole quere xerar emprego, nobre cometido que a todos nos preocupa, debería ser el mesmo o primeiro en poñerse as pilas e comezar a traballar, porque as súas propostas non son propias de alguén con sentido común.

Pola nosa parte seguiremos apostando por protexer e coidar os nosos espazos naturais, como este de Castroagudín, para facer posible que todo o mundo poida gozar destes lugares na súa mellor versión: a que a natureza deseñou.