A instancias de Varela o Grupo Municipal Socialista
rexistrou unha moción de urxencia para instar a Fomento a que reconsidere a súa
decisión de marxinar a Vilagarcía
Alberto Varela esixe que Fole “antepoña os intereses dos
veciños de Vilagarcía aos seus propios intereses dentro do Partido Popular”
Vilagarcía de Arousa, 28 de marzo de 2015.- O candidato do PSdeG-PSOE á Alcaldía, Alberto Varela, manifesta a
súa fonda preocupación polas recentes declaracións da Ministra de Fomento, Ana
Pastor, que pretenden marxinar a Vilagarcía no deseño das paradas na conexión
entre Galicia e Madrid a través da Alta Velocidade”. Neste sentido Alberto
Varela defendeu que “os veciños de Vilagarcía non deben ser considerados cidadáns
de segunda categoría” e culpou directamente a Fole de “amosar unha completa
despreocupación na defensa dos intereses de Vilagarcía e dos Vilagarciáns”, na
medida en que “a conexión ferroviaria co resto de Galicia e con Madrid é
fundamental para que Vilagarcía sexa unha cidade ben comunicada e polo tanto un
lugar cómodo no que residir”. Varela engadiu que “a pasividade do Sr. Fole na defensa do intereses de Vilagarcía supón unha pedra no camiño das nosas
oportunidades de desenvolvemento como cidade”.
A instancias de
Alberto Varela, o Grupo Municipal Socialista, a través da súa voceira municipal
e número 2 na lista de Varela -Tania García-, vén de rexistrar unha moción de
urxencia destinada a conseguir o apoio de toda a corporación para, apuntou
Varela, “canalizar as inquedanzas amosadas por moitos veciños que son usuarios
habituais do transporte ferroviario e instar a Fomento a que non deixe sen
acceso directo con Madrid a todos os veciños de Vilagarcía”. Neste sentido,
Varela amosouse confiado “de que o Sr. Fole amosará unha actitude responsable,
defendendo os intereses do veciños fronte os seus intereses persoais dentro do
Partido Popular”.
MOCIÓN
DE URXENCIA POLA COMUNICACIÓN DIRECTA DE VILAGARCÍA DE AROUSA A MADRID A TRAVÉS
DO FERROCARRIL
De
acordo e ao amparo do previsto no
Regulamento de Organización, Funcionamento e Réxime Xurídico das Entidades
Locais, o Grupo Municipal Socialista do Concello de Vilagarcía de Arousa desexa
someter á consideración do Pleno Municipal a siguiente MOCIÓN:
EXPOSICIÓN DE MOTIVOS
En
días recentes, a Ministra de Fomento vén de anunciar as novas liñas de
comunicación por ferrocarril coa Meseta, pola posta en marcha dos novos
trazados do Eixo Atlántico. Vilagarcía de Arousa, segundo indicou a Ministra,
queda sen acceso directo ao tren de longa distancia a Madrid.
Polo
anteriormente exposto, o Grupo Municipal do PSdeG-PSOE somete á consideración
do Pleno da Corporación, a adopción dos seguintes acordos.
1.
Instar ao Ministerio de Fomento e a RENFE a que Vilagarcía teña acceso directo
por ferrocarril a Madrid.
2.
Dar traslado deste acordo a todos os Grupos Parlamentarios do Congreso dos
Deputados.
3.
Dar traslado deste acordo ao Presidente da Xunta de Galicia e aos Grupos
Parlamentarios do Parlamento de Galicia.
Vilagarcía
de Arousa, 28 de marzo de 2015
Asdo.
Tania García Sanmartín
AO
ALCALDE/PRESIDENTE DA CORPORACIÓN DE VILAGARCÍA DE AROUSA
No hay comentarios:
Publicar un comentario