O candidato socialista á
Alcaldía, Alberto Varela, e a deputada Patricia Vilán, traballaron na
elaboración de iniciativas e preguntas presentadas ao Pleno e á Comisión de
Xustiza e Interior
Nos calabozos de Vilagarcía
existen humidades e presenza de ratas
Vilagarcía de Arousa, 4 de marzo de 2015.- O candidato socialista á
Alcaldía de Vilagarcía, Alberto Varela, e a deputada autonómica Patricia Vilán
veñen de traballar conxuntamente para a presentación no Parlamento de Galicia
de iniciativas e preguntas parlamentarias para o Pleno e para a Comisión de
Xustiza e Interior, que farán referencia ao estado dos calabozos das
dependencias de Vilagarcía. Varela e Vilán, ambos abogados, denuncian o estado
de abandono no que a Xunta ten aos xulgados de Vilagarcía, que o alcaldable
socialista tildou de "inaceptable".
Os socialistas apuntan nas súas
iniciativas ao informe do Defensor do Pobo en 2014, que xa sinala o estado
deplorable en que se atopan os calabozos, apuntando a existencia de humidades e
de ratas. A mesma instancia do Defensor do Pobo sinala que "os problemas
non están solucionados e incluso subordinados a plans con eficacia non
inmediata".
Os representantes socialistas
lembran que xa no outubro pasado o propio grupo parlamentario socialista
denunciou a situación, aínda que como se desprende dos informes do Defensor do
Pobo, nada foi feito dende aquel momento para resolver a situación. Os
calabozos da Policía Nacional en Vilagarcía, que dan servizo ao xulgado ao non
ter o propio edificio do xulgado dependencias para elo gracias a un acordo
tomado con carácter "transitorio", mantéñense en condicións
"insalubres" , segundo apuntou Alberto Varela, e instou á Xunta de
Galicia a "dignificar a situación de inmediato, pois non é aceptable
manter esas dependencias así". Os socialistas apuntan, ademáis, a que
parte do espazo dos calabozos está destinado a almacenar documentación e
informes relativos a casos xudiciais, en moitos dos casos xa rematados, que se
deterioran contribuíndo a empeorar o estado dos espazos, e limitando a
disponibilidade. "A xustiza que se está a promover neste país fomenta a
indecencia das instalacións, aumenta as dificultades dos profesionais, colapsa
o servizo público pero facilita as cousas para Bárcenas e os seus amigos",
resumiu Alberto Varela.
No hay comentarios:
Publicar un comentario