No día de onte, Varela e parte
do seu equipo recibiron na sede do PSdeG-PSOE a asociación ciclista para
transmitirlle as súas propostas
O candidato socialista a
Alcaldía de Vilagarcía asegurou que a formación do puño e da rosa xestionará
ante Costas a continuidade do carril bici ata Carril polo paseo marítimo.
Vilagarcía de Arousa, 12 de marzo de 2015.- O candidato socialista
a Alcaldía de Vilagarcía, Alberto Varela, que continúa realizando as xuntanzas
cos distintos colectivos da cidade, recibíu durante o día de onte na sede do
PSdeG-PSOE aos representantes de Arousa en Bici. Varela e parte do seu equipo
amosaron a súas propostas para a vila e apuntou a necesidade de facer unha
aposta por un modelo de cidade máis peonil en favor dos ciclistas.
O candidato da formación do puño
e da rosa compartíu coa asociación ciclista o seu compromiso de retomar o
modelo de cidade iniciado polo anterior goberno socialista no que reinaba a
importancia da humanización na cidade.
Ambos colectivos coincidiron na
necesidade de potenciar un casco urbán peonil reducindo a presenza de vehículos
a motor. Nesta liña, entre as propostas dos socialistas, destaca a implantación
da zona 30, una medida que obrigaría aos vehículos a circular polo centro urbán
a un máximo de 30 km/hora en vez de 50, polo que “o tempo de ir dun lado a
outro apenas se vería afectado, xa que en moitas zonas incluso non se chega a
circular a esa velocidade. Sen embargo, os cidadáns e os ciclistas veríanse moi
beneficiados”, explicou Varela.
Os representantes de Arousa en
Bici trasladáronlle ao candidato socialista a consideración da implantación dos
carrís bicis nos novos proxectos e desenvolvementos urbanísticos que se leven a
cabo na cidade co obxectivo de favorecer o uso da bicicleta, unha proposta que
Varela acolleu con moito interese. “É importante que os centros das cidades
dean cada vez máis protagonismo ao peón e aos ciclistas que aos vehículos de
motor”, resaltou Varela.
Por último, o candidato
socialista anunciou a súa intención de recuperar o Vai Bike, unha iniciativa
que no seu día tivo unha gran acollida na cidadanía e que o bipartito actual
deixou no olvido.
No hay comentarios:
Publicar un comentario