Vilagarcía de Arousa, 15 de maio de 2015.- O candidato socialista á Alcaldía de Vilagarcía de Arousa propuxo esta mañá promover a inclusión do Parque Nacional das Illas Atlánticas como Patrimonio da Humanidade, o que conlevaría que Cortegada acadaría tamén esa distinción como parte do Parque Nacional.
Varela continuou así coa súa aposta por revitalizar a illa, na conciencia de que “é un elemento dun valor natural incalculable que pode aportar moito á nosa cidade”. Varela incidiu nos elementos que poden contribuir a que esta iniciativa teña éxito, “polo valor das illas en conxunto e tamén polos valores individuais de cada unha delas, como pode ter o bosque de loureiros de Cortegada”.
O candidato socialista aposta por promover esta iniciativa, en colaboración cos Concellos dos que forman parte as outras illas do Parque Nacional, e considera que “un esforzo común pode ubicar Vilagarcía no mapa da UNESCO”. Varela convidou ao resto de forzas políticas, axentes sociais e económicos e ao pobo de Vilagarcía e especialmente o de Carril, a que se sumen a esta proposta para que teña toda a forza necesaria.
No hay comentarios:
Publicar un comentario