O candidato socialista a Alcaldía de Vilagarcía propón
incentivar a actividade turística na illa carrilexa pola súa importancia e
singularidade histórica
Vilagarcía de Arousa, 7 de maio de 2015.- Alberto Varela, na liña de seu Plan de Recuperación da Fachada Marítima,
presentou hoxe o segundo punto clave para a reconexión co mar, sinal de
identidade da nosa vila. O alcaldable socialista considera necesario poñer en
valor a Illa de Cortegada, pola súa importancia e singularidade histórica.
“Cortegada é un valor para Vilagarcía, especialmente para os veciños de Carril,
que puideron recuperala gracias aos socialistas, sendo Emilio Pérez Touriño
presidente da Xunta de Galicia e Dolores García alcaldesa no Concello”, sinala
o candidato do PSdeG-PSOE.
Varela fixo fincapé
no “doble valor que ten a illa. Por unha parte, pola súa significación
histórica, xa que foi un dos primeiros poboados dos habitantes de Carril, e por
outra banda, pola súa riqueza medioambiental, xa que contén unhas das maiores
plantacións de laurel más importantes do mundo”. Ademais, continúa, “é un lugar
paradisíaco, polo seu estado practicamente virxe”.
Cabe resaltar que
España ten cerca de 3.000 praias pero só ten 15 parques nacionais, é un deles é
o de As Illas Atlánticas, do que a illa carrilexa forma parte xunto con Cíes,
Ons e Sálvora.
Por todas esas
razóns, o candidato da formación do puño e da rosa propón “darlle a este parque
nacional o trato que se merece. Vilagarcía ten que estar a altura da súa
riqueza e potenciala promovendo o ‘turismo verde’, que conectaría a illa cos
nosos monte, as rutas de senderismo e os espazos de desfrute e ocio da
natureza”.
No hay comentarios:
Publicar un comentario