Alberto Varela propón unha reformulación da praia Concha-Compostela para activar a súa función como elemento dinamizador do turismo

O candidato socialista aposta por eliminar o CIRA, considerando que “non funcionou como se esperaba, e agora  produce unha ruptura na imaxe da praia e o paseo, acumulando suciedade nos baixos”.

Varela cree necesario definir correctamente os espacios de marisqueo e o baño, para permitir “convivir os usos sen que uns afecten a outros”

Vilagarcía de Arousa, 8 de maio de 2015.- O candidato socialista á Alcaldía de Vilagarcía, Alberto Varela, visitou co seu equipo esta mañá o paseo da praia Concha-Compostela, para continuar presentando o plan de recuperación da fachada marítima. Varela apuntou as cuestión que considera prioritarias para mellorar a imaxe e utilidade da Praia, sobre a que afirmou que “ten algunhas deficiencias estruturais, pola súa ubicación na ría, pero hai moitas cuestións moi mellorables que poden contribuír a facer unha mellor praia”.

Varela apuntou que para intervir sobre a praia hai que ter en conta mar, area e paseo. Sobre o mar, Varela Paz aposta por “definir claramente os espazos para marisqueo e para o baño, permitindo ambos usos pero non en conflito, e procurando a utilización de mellores elementos de balizamento que eviten perigos innecesarios”. “Non entando, de nada serve unha intervención sobre o mar se non se resolve o problema dos verquidos. E para esto comprométome á insistir e pesistir ante a Xunta de Galicia para que destine os fondos necesarios para elo”. Varela apuntou que, “o que non pode ocorrer é que veña Agustín Hernández varias veces como Conselleiro a prometer unha e outra vez unha partida orzamentaria para elo e logo quedemos esperando sen resultados”. 

No referido ao areal, Varela apunta que “hai que diferenciar entre a zona próxima ao mar que é a de baño e a zona superior, que debe destinarse a comprementar os servizos da praia”. O candidato socialista apunta á necesidade de elevar a calidade da zona de baño, intensificando os análises da auga e traballando na súa mellora e coidado. Na parte superior, Varela aposta por aumentar a dotación de material para uso deportivo e habilitar novas zonas de arboredas así como espazos para esparcemento dos animais”.

En canto ao paseo marítimo, o candidato socialista incidíu na necesidade de mellorar o estado, “é un lugar polo que pasan centenares de persoas cada día, un lugar fantástico que está mal coidado. Hai que mellorar o seu estado”. Varela Paz adicou unha especial atención sobre o edificio CIRA, que para o socialista “amosouse ineficaz nos seus obxectivos, e hoxe contribúe a xenerar suciedade nos baixos. Supón ademáis unha ruptura visual na praia, tanto dende a ría como para o propio paseo”. Alberto Varela defendeu que “non podemos manter unha pantalla entre o paseo e Carril” e abogou pola supresión do edificio nos próximos anos. O socialista apuntou que “este é o momento de plantexar este tipo de decisións porque o Ministerio comunicou xa hai tempo ao Concello que rematou o periodo de ocupación do dominio público marítimo-terrestre”. “Son decisións necesarias, que teñen que contribuír a abrir Vilagarcía ao mar e dar un sentido máis continuado á nosa fachada marítima para reconectarnos coa ría”, concluíu.