Varela respostou ás preguntas que formularon os veciños, como parte do formato aberto de actos
Vilagarcía de Arousa, 11 de maio de 2015.- O candidato socialista á Alcaldía de Vilagarcía, Alberto Varela, estivo no día de onte en sendos actos abertos en Vilaxoan e Carril, dentro das visitas de campaña electoral que os socialistas farán a todos os lugares de Vilagarcía.
No acto de Vilaxoán, presentado por Miro Serén e o vilaxoanés Gabriel González, ambos membros da candidatura socialista, Varela presentou o seu programa de acción centrado no “diálogo, a participación e a transparencia”, resaltando que na rolda de visitas ás parroquias feita antes da campaña electoral, os veciños e veciñas sinalaban que “o que mais rexeitaban dun goberno local é que non escoite. Esto, que que o actual alcalde o puxo en práctica, non será a nosa forma de actuar”. Varela apostou en Vilaxoán por atender á demanda veciñal de intervir sobre a praia do Preguntoiro, procurando dotala de mais area para aumentar o espazo da praia.
En Carril, Varela iniciou o acto precedido por Pilar Garrido, e apostou de inicio por un aproveitamento de Cortegada, “parte do único parque nacional que ten Galicia”, da que Varela destacou que “foi un feito de xustiza histórica recuperala para o pobo de Carril, unha decisión da que os socialistas nos sentimos orgullosos por ter sido tomada baixo o goberno de Touriño en Galicia e de Dolores García en Vilagarcía”.
Varela inicidiu en Carril na súa proposta para reconectar o pobo co mar, e centrouse no paseo marítimo do que destacou a aposta por eliminar o CIRA, ordenar os usos da praia para compatibilizar marisqueo e baño e tamén pola atención especial a Cortegada, “sen pasarelas e sen ocurrencias”.
No hay comentarios:
Publicar un comentario